تم نہیں پاس کوئی پاس نہیں

اب مجھے زندگی کی آس نہیں

مرض عشق کو شفا سمجھے

درد کو درد کی دوا سمجھے

نہیں کہ جرم محبت کا اعتراف نہیں

مگر ہوں خوش کہ مری یہ خطا معاف نہیں

درد ہو دکھ ہو تو دوا کیجے

پھٹ پڑے آسماں تو کیا کیجے

ہم اور اٹھائیں گے احسان جاں نوازی کے

ہمیں تو سانس بھی لینا گراں گزرتا ہے

آستاں بھی کوئی مل جائے گا اے ذوق نیاز

سر سلامت ہے تو سجدہ بھی ادا ہو جائے گا

عشق کو دیجئے جنوں میں فروغ

درد سے درد کی دوا کیجئے

نہ مٹ سکا نہ مٹے گا کبھی نشاں میرا

لیا اجل نے کئی بار امتحاں میرا

نہیں علاج غم ہجر یار کیا کیجے

تڑپ رہا ہے دل بے قرار کیا کیجے

قدم ملا کے زمانے کے ساتھ چل نہ سکے

بہت سنبھل کے چلے ہم مگر سنبھل نہ سکے

عشق کو ایک عمر چاہئے اور

عمر کا کوئی اعتبار نہیں

آج کیا جانے کیا ہے ہونے کو

جی بہت چاہتا ہے رونے کو

عشق میں قدر خستگی کی امید

اے جگرؔ ہوش کی دوا کیجئے

یہ شعر میرے اسے سنا دو

پوچھے جو کوئی جگرؔ میں کیا ہوں

تسلی آپ نے دی فرق ہے ہاں دل کی حالت میں

جو تھم تھم کر خلش ہوتی تھی پیہم ہوتی جاتی ہے

سانس لینے میں درد ہوتا ہے

اب ہوا زندگی کی راس نہیں