کنولؔ ڈبائیوی کی شاعری

کنولؔ ڈبائیوی کے اشعار

زندگی گم نہ دوستی گم ہے

یہ حقیقت ہے آدمی گم ہے

ہنسی میں کٹتی تھیں راتیں خوشی میں دن گزرتا تھا

کنولؔ ماضی کا افسانہ نہ تم بھولے نہ ہم بھولے

جس نے بنیاد گلستاں کی کبھی ڈالی تھی

اس کو گلشن سے گزرنے نہیں دیتی دنیا

غم دوراں غم جاناں غم عقبیٰ غم دنیا

کنولؔ اس زندگی میں غم کے ماروں کو نہ چین آیا

کچھ بجھی بجھی سی ہے انجمن نہ جانے کیوں

زندگی میں پنہاں ہے اک چبھن نہ جانے کیوں

کنولؔ خوشی کی ہوا کرتی ہے یونہی تکمیل

غم حیات کے ہر بحر بیکراں سے گزر