baat ye hai ki sabhī bhaa.ī mire dushman haiñ

mas.ala ye hai ki maiñ yūsuf-e-sānī bhī nahīñ

baat ye hai ki sabhi bhai mere dushman hain

masala ye hai ki main yusuf-e-sani bhi nahin

phir is ke baad mirī raat be-misāl huī

udhar vo shola-badan thā idhar maiñ paanī thā

phir is ke baad meri raat be-misal hui

udhar wo shola-badan tha idhar main pani tha

kalīsā maulvī rāhib pujārī

kalas mīnār but mehrāb sahrā

kalisa maulwi rahib pujari

kalas minar but mehrab sahra

sach to ye hai ki mire paas hī dirham kam haiñ

varna is shahr meñ is darja girānī bhī nahīñ

sach to ye hai ki mere pas hi dirham kam hain

warna is shahr mein is darja girani bhi nahin

koī to aa.e sunā.e naved-e-tāza mujhe

uTho ki hashr se pahle hisāb hone lagā

koi to aae sunae nawed-e-taza mujhe

uTho ki hashr se pahle hisab hone laga

safar rasta sa.ūbat ḳhvāb sahrā

samundar vāhima ḳhūnāb sahrā

safar rasta saubat KHwab sahra

samundar wahima KHunab sahra