jab se milā hai saath mujhe aap kā huzūr

sab ḳhvāb zindagī ke hamāre sañvar ga.e

jab se mila hai sath mujhe aap ka huzur

sab KHwab zindagi ke hamare sanwar gae

koī dīvāna kahtā hai koī pāgal samajhtā hai

magar dhartī kī bechainī ko bas bādal samajhtā hai

koi diwana kahta hai koi pagal samajhta hai

magar dharti ki bechaini ko bas baadal samajhta hai

aadmī honā ḳhudā hone se behtar kaam hai

ḳhud hī ḳhud ke ḳhvāb kī ta.abīr ban kar dekh le

aadmi hona KHuda hone se behtar kaam hai

KHud hi KHud ke KHwab ki tabir ban kar dekh le

mirā ḳhayāl tirī chuppi.on ko aatā hai

tirā ḳhayāl mirī hichkiyoñ ko aatā hai

mera KHayal teri chuppion ko aata hai

tera KHayal meri hichkiyon ko aata hai

jism chādar sā bichh gayā hogā

ruuh silvaT haTā rahī hogī

jism chadar sa bichh gaya hoga

ruh silwaT haTa rahi hogi

apne hī aap se is tarah hue haiñ ruḳhsat

saañs ko chhoḌ diyā jis samt bhī jaanā chāhe

apne hi aap se is tarah hue hain ruKHsat

sans ko chhoD diya jis samt bhi jaana chahe

phir mirī yaad aa rahī hogī

phir vo dīpak bujhā rahī hogī

phir meri yaad aa rahi hogi

phir wo dipak bujha rahi hogi

chāroñ taraf bikhar ga.iiñ sāñsoñ kī ḳhushbueñ

rāh-e-vafā meñ aap jahāñ bhī jidhar ga.e

chaaron taraf bikhar gain sanson ki KHushbuen

rah-e-wafa mein aap jahan bhi jidhar gae

dil ke tamām zaḳhm tirī haañ se bhar ga.e

jitne kaThin the rāste vo sab guzar ga.e

dil ke tamam zaKHm teri han se bhar gae

jitne kaThin the raste wo sab guzar gae

usī kī tarah mujhe saarā zamānā chāhe

vo mirā hone se zyāda mujhe paanā chāhe

usi ki tarah mujhe sara zamana chahe

wo mera hone se zyaada mujhe pana chahe