log nafrat kī fazāoñ meñ bhī jī lete haiñ

ham mohabbat kī havā se bhī Darā karte haiñ

log nafrat ki fazaon mein bhi ji lete hain

hum mohabbat ki hawa se bhi Dara karte hain

qismat ajiib khel dikhātī chalī ga.ī

jo hañs rahe the un ko rulātī chalī ga.ī

qismat ajib khel dikhati chali gai

jo hans rahe the un ko rulati chali gai

jise paḌhā nahīñ tum ne kabhī mohabbat se

kitāb-e-zīst kā vo baab haiñ mire aañsū

jise paDha nahin tum ne kabhi mohabbat se

kitab-e-zist ka wo bab hain mere aansu

maiñ to mushtāq huuñ āñdhī meñ bhī uḌne ke liye

maiñ ne ye shauq ajab dil ko lagā rakkhā hai

main to mushtaq hun aandhi mein bhi uDne ke liye

main ne ye shauq ajab dil ko laga rakkha hai

tīrgī ḳhāmushī bebasī tishnagī

hijr kī raat meñ ḳhāmiyāñ ḳhāmiyāñ

tirgi KHamushi bebasi tishnagi

hijr ki raat mein KHamiyan KHamiyan