ye nādānī nahīñ to kyā hai 'dānish'

samajhnā thā jise samjhā rahā huuñ

ye nadani nahin to kya hai 'danish'

samajhna tha jise samjha raha hun

ye hāsil hai mirī ḳhāmoshiyoñ kā

ki patthar āzmāne lag ga.e haiñ

ye hasil hai meri KHamoshiyon ka

ki patthar aazmane lag gae hain

zindagī se mohabbat karo TuuT kar

maut kā kaam dushvār karte raho

zindagi se mohabbat karo TuT kar

maut ka kaam dushwar karte raho

āsmāñ kī nazar se bachte hue

ik sitāra uThā liyā maiñ ne

aasman ki nazar se bachte hue

ek sitara uTha liya main ne

koī jab shahr se jaa.e to raunaq ruuTh jaatī hai

kisī kī shahr meñ maujūdgī se kuchh nahīñ hotā

koi jab shahr se jae to raunaq ruTh jati hai

kisi ki shahr mein maujudgi se kuchh nahin hota

idhar kyā kyā ajūbe ho rahe haiñ

marīz-e-ishq achchhe ho rahe haiñ

idhar kya kya ajube ho rahe hain

mariz-e-ishq achchhe ho rahe hain

jab apnī be-kalī se be-ḳhudī se kuchh nahīñ hotā

pukāreñ kyoñ kisī ko ham kisī se kuchh nahīñ hotā

jab apni be-kali se be-KHudi se kuchh nahin hota

pukaren kyon kisi ko hum kisi se kuchh nahin hota

mohabbat ratjage āvāragardī

zarūrī kaam saare ho rahe haiñ

mohabbat ratjage aawaragardi

zaruri kaam sare ho rahe hain

achchhī raunaq hai tumhārī bazm meñ

aa ga.e sab shahr ke barbād kyā

achchhi raunaq hai tumhaari bazm mein

aa gae sab shahr ke barbaad kya

ho ga.e phir tum kahīñ ābād kyā

hil ga.ī tanhā.ī kī buniyād kyā

ho gae phir tum kahin aabaad kya

hil gai tanhai ki buniyaad kya