laa.ī hai kahāñ mujh ko tabī.at kī do-rañgī

duniyā kā talabgār bhī duniyā se ḳhafā bhī

lai hai kahan mujh ko tabiat ki do-rangi

duniya ka talabgar bhi duniya se KHafa bhi

jism us kī god meñ ho ruuh tere rū-ba-rū

fāhisha ke garm bistar par riyā-kārī karūñ

jism us ki god mein ho ruh tere ru-ba-ru

fahisha ke garm bistar par riya-kari karun

jaane vaale mujhe kuchh apnī nishānī de jā

ruuh pyāsī na rahe aañkh meñ paanī de jā

jaane wale mujhe kuchh apni nishani de ja

ruh pyasi na rahe aankh mein pani de ja

ḳhvāboñ kī tijārat meñ yahī ek kamī hai

chaltī hai dukāñ ḳhuub kamā.ī nahīñ detī

KHwabon ki tijarat mein yahi ek kami hai

chalti hai dukan KHub kamai nahin deti

tum mil ga.e to koī gila ab nahīñ rahā

maiñ apnī zindagī se ḳhafā ab nahīñ rahā

tum mil gae to koi gila ab nahin raha

main apni zindagi se KHafa ab nahin raha

āñkheñ haiñ magar ḳhvāb se mahrūm haiñ 'mid.hat'

tasvīr kā rishta nahīñ rañgoñ se zarā bhī

aankhen hain magar KHwab se mahrum hain 'midhat'

taswir ka rishta nahin rangon se zara bhi

terī auqāt hī kyā 'mid.hat-ul-aḳhtar' sun le

shahr ke shahr zamīnoñ ke tale dab ga.e haiñ

teri auqat hi kya 'midhat-ul-aKHtar' sun le

shahr ke shahr zaminon ke tale dab gae hain

ham ko usī dayār kī miTTī huī aziiz

naqshe meñ jis kā nām-pata ab nahīñ rahā

hum ko usi dayar ki miTTi hui aziz

naqshe mein jis ka nam-pata ab nahin raha

maiñ ne sāhil se use Dūbte dekhā thā faqat

mujhe ġharqāb karegā yahī manzar us kā

main ne sahil se use Dubte dekha tha faqat

mujhe gharqab karega yahi manzar us ka

kuuch karne kī ghaḌī hai magar ai ham-safro

ham udhar jā nahīñ sakte jidhar sab ga.e haiñ

kuch karne ki ghaDi hai magar ai ham-safro

hum udhar ja nahin sakte jidhar sab gae hain

tū samajhtā hai mujhe harf-e-mukarrar lekin

maiñ sahīfa huuñ tire dil pe utarne vaalā

tu samajhta hai mujhe harf-e-mukarrar lekin

main sahifa hun tere dil pe utarne wala

mire vajūd meñ shāmil rahe haiñ kitne vajūd

to phir ye kaise kahūñ jo kiyā kiyā maiñ ne

mere wajud mein shamil rahe hain kitne wajud

to phir ye kaise kahun jo kiya kiya main ne