faqat milnā-milānā kam huā hai

hamārī dostī TuuTī nahīñ hai

faqat milna-milana kam hua hai

hamari dosti TuTi nahin hai

ik tabassum kā bharam ābād hoñToñ par kiye

jī rahe haiñ log apnī apnī vīrānī ke saath

ek tabassum ka bharam aabaad honTon par kiye

ji rahe hain log apni apni virani ke sath

ai mire mūnis o ġham-ḳhvār mujhe marne de

baat ab hukm kī ta.amīl tak aa pahuñchī hai

ai mere munis o gham-KHwar mujhe marne de

baat ab hukm ki tamil tak aa pahunchi hai

ḳhushnumā manzar bhī sab dhundhle nazar aate haiñ yaar

jab diloñ meñ bhī utar jaatī hai sahrāoñ kī ḳhaak

KHushnuma manzar bhi sab dhundhle nazar aate hain yar

jab dilon mein bhi utar jati hai sahraon ki KHak

ġhaar vāloñ kī tarah niklā hai vo kamre se aaj

us ko is duniyā kī tabdīlī kā andāza nahīñ

ghaar walon ki tarah nikla hai wo kamre se aaj

us ko is duniya ki tabdili ka andaza nahin