حرف کو لفظ نہ کر لفظ کو اظہار نہ دے

کوئی تصویر مکمل نہ بنا اس کے لیے

تم آ گئے ہو تم مجھ کو ذرا سنبھلنے دو

ابھی تو نشہ سا آنکھوں میں انتظار کا ہے

اب کے وصل کا موسم یوں ہی بے چینی میں بیت گیا

اس کے ہونٹوں پر چاہت کا پھول کھلا بھی کتنی دیر

الفاظ کی گرفت سے ہے ماورا ہنوز

اک بات کہہ گیا وہ مگر کتنے کام کی

جیسے خلا کے پس منظر میں رنگ رنگ کے نقش و نگار

باتیں اس کی وزن سے خالی لہجہ بھاری بھرکم ہے

کون پوچھے مجھ سے میری گوشہ گیری کا سبب

کون سمجھے در کبھی دیوار کر لینا مرا

اس کا ترکش خالی ہونے والا ہے

میرے نام کا تیر ہے کتنے تیروں میں

اک سچ کی آواز میں ہیں جینے کے ہزار آہنگ

لشکر کی کثرت پہ نہ جانا بیعت مت کرنا

رمزؔ ادھورے خوابوں کی یہ گھٹتی بڑھتی چھاؤں

تم سے دیکھی جائے تو دیکھو مجھ سے نہ دیکھی جائے

اور کوئی دنیا ہے تیری جس کی کھوج کروں

ذہن میں پھر اک سمت بکھیری راہ گزر ڈالی

سارے امکانات میں روشن صرف یہی دو پہلو

ایک ترا آئینہ خانہ اک میری حیرانی