dard-e-dil kyā bayāñ karūñ 'rashkī'

us ko kab e'tibār aatā hai

dard-e-dil kya bayan karun 'rashki'

us ko kab e'tibar aata hai

ġhussa aatā hai pyaar aatā hai

ġhair ke ghar se yaar aatā hai

ghussa aata hai pyar aata hai

ghair ke ghar se yar aata hai

ye mansab-e-buland milā jis ko mil gayā

har mudda.ī ke vāste dār-o-rasan kahāñ

ye mansab-e-buland mila jis ko mil gaya

har muddai ke waste dar-o-rasan kahan

vo jo sharmā ga.e to un kī ḳhatā

apne zimme hameñ liye hī banī

wo jo sharma gae to un ki KHata

apne zimme hamein liye hi bani