yā dil hai mirā yā tirā naqsh-e-kaf-e-pā hai

gul hai ki ik ā.īna sar-e-rāh paḌā hai

ya dil hai mera ya tera naqsh-e-kaf-e-pa hai

gul hai ki ek aaina sar-e-rah paDa hai

vahshiyoñ ko qaid se chhūTe hue muddat huī

gūñjtā hai shor ab tak kaan meñ zanjīr kā

wahshiyon ko qaid se chhuTe hue muddat hui

gunjta hai shor ab tak kan mein zanjir ka

guftugū kī tum se aadat ho ga.ī hai varna meñ

jāntā huuñ baat kartī hai kahīñ tasvīr bhī

guftugu ki tum se aadat ho gai hai warna mein

jaanta hun baat karti hai kahin taswir bhi

suntā huuñ ki ḳhirman se hai bijlī ko bahut laag

haañ ek nigāh-e-ġhalat-andāz idhar bhī

sunta hun ki KHirman se hai bijli ko bahut lag

han ek nigah-e-ghalat-andaz idhar bhi

tum aise be-ḳhabar bhī shaaz hoñge is zamāne meñ

ki dil meñ rah ke andāza nahīñ hai dil kī hālat kā

tum aise be-KHabar bhi shaz honge is zamane mein

ki dil mein rah ke andaza nahin hai dil ki haalat ka

vo nigāh-e-sharmagīñ ho yā kisī kā inkisār

jhuk ke jo mujh se milā vo ek ḳhanjar ho gayā

wo nigah-e-sharmagin ho ya kisi ka inkisar

jhuk ke jo mujh se mila wo ek KHanjar ho gaya

tamhīd thī junūñ kī garebāñ huā jo chaak

ya.anī ye ḳhair-maqdam-e-fasl-e-bahār thā

tamhid thi junun ki gareban hua jo chaak

yani ye KHair-maqdam-e-fasl-e-bahaar tha

vo sham.a nahīñ haiñ ki hoñ ik raat ke mehmāñ

jalte haiñ to bujhte nahīñ ham vaqt-e-sahar bhī

wo shama nahin hain ki hon ek raat ke mehman

jalte hain to bujhte nahin hum waqt-e-sahar bhi

dekhnā hai kis meñ achchhī shakl aatī hai nazar

us ne rakkhā hai mire dal ke barābar ā.īna

dekhna hai kis mein achchhi shakl aati hai nazar

us ne rakkha hai mere dal ke barabar aaina

banñe lage haiñ daaġh sitāre ḳhushā nasīb

tārīk āsmān shab-e-intizār thā

banne lage hain dagh sitare KHusha nasib

tarik aasman shab-e-intizar tha

fikr-e-ma.āl thī na ġham-e-rozgār thā

ham the jahāñ meñ aur tirā intizār thā

fikr-e-maal thi na gham-e-rozgar tha

hum the jahan mein aur tera intizar tha

fanā hone meñ soz-e-sham.a kī minnat-kashī kaisī

jale jo aag meñ apnī use parvāna kahte haiñ

fana hone mein soz-e-shama ki minnat-kashi kaisi

jale jo aag mein apni use parwana kahte hain