ishq kī azmateñ bajā lekin

ishq hī maqsad-e-hayāt nahīñ

ishq ki azmaten baja lekin

ishq hi maqsad-e-hayat nahin

jigar meñ dard to hai dil meñ iztirāb to hai

tumhāre ġham meñ mirī zindagī ḳharāb to hai

jigar mein dard to hai dil mein iztirab to hai

tumhaare gham mein meri zindagi KHarab to hai

aao tajdīd-e-vafā phir se kareñ ham varna

baat kuchh aur ulajh jā.egī suljhāne se

aao tajdid-e-wafa phir se karen hum warna

baat kuchh aur ulajh jaegi suljhane se

ab na chāheñge kisī aur ko taslīm magar

fā.eda kyā hai mire sar kī qasam khāne se

ab na chahenge kisi aur ko taslim magar

faeda kya hai mere sar ki qasam khane se

un se māyūs-e-iltifāt nahīñ

go ba-zāhir tavaqquāt nahīñ

un se mayus-e-iltifat nahin

go ba-zahir tawaqquat nahin