اس شہر_بے_چراغ میں جائے_گی تو کہاں آ اے شب_فراق تجھے گھر ہی لے چلیں

کون اچھا ہے اس زمانے میں کیوں کسی کو برا کہے کوئی

دل میں اک لہر سی اٹھی ہے ابھی کوئی تازہ ہوا چلی ہے ابھی کچھ تو نازک مزاج ہیں ہم بھی اور یہ چوٹ بھی نئی ہے ابھی شور برپا ہے خانۂ_دل میں کوئی دیوار سی گری ہے ابھی بھری دنیا میں جی نہیں لگتا جانے کس چیز کی کمی ہے ابھی تو شریک_سخن نہیں ہے تو کیا ہم_سخن تیری خامشی ہے ابھی یاد کے بے_نشاں جزیروں سے تیری آواز آ رہی ہے ابھی شہر کی بے_چراغ گلیوں میں زندگی تجھ کو ڈھونڈتی ہے ابھی سو گئے لوگ اس حویلی کے ایک کھڑکی مگر کھلی ہے ابھی تم تو یارو ابھی سے اٹھ بیٹھے شہر میں رات جاگتی ہے ابھی وقت اچھا بھی آئے_گا ناصرؔ غم نہ کر زندگی پڑی ہے ابھی

آج دیکھا ہے تجھ کو دیر کے بعد آج کا دن گزر نہ جائے کہیں

ہمارے گھر کی دیواروں پہ ناصرؔ اداسی بال کھولے سو رہی ہے

آرزو ہے کہ تو یہاں آئے اور پھر عمر بھر نہ جائے کہیں

ترے آنے کا دھوکا سا رہا ہے دیا سا رات بھر جلتا رہا ہے

اے دوست ہم نے ترک_محبت کے باوجود محسوس کی ہے تیری ضرورت کبھی کبھی

بھری دنیا میں جی نہیں لگتا جانے کس چیز کی کمی ہے ابھی

ذرا سی بات سہی تیرا یاد آ جانا ذرا سی بات بہت دیر تک رلاتی تھی