پھر یوں ہوا کہ مجھ سے وہ یوں ہی بچھڑ گیا

پھر یوں ہوا کہ زیست کے دن یوں ہی کٹ گئے

اخروٹ کھائیں تاپیں انگیٹھی پہ آگ آ

رستے تمام گاؤں کے کہرے سے اٹ گئے

جب کہ تجھ بن نہیں موجود کوئی

اپنے ہونے کا یقیں کیسے کروں

تجھ سے بچھڑے گاؤں چھوٹا شہر میں آ کر بسے

تج دیئے سب سنگی ساتھی تیاگ ڈالا دیس بھی

نیا باندھو ندی کنارے سکھی

چاند بیراگ رات تیاگ لگے

تجھ سے ملی نگاہ تو دیکھا کہ درمیاں

چاندی کے آبشار تھے سونے کی راہ تھی

پھر مجھے مل ندی کنارے کہیں

پھر بڑھا مان آ کے راہوں کا

ہم وہ لوگ ہیں جو چاہت میں

جی نہ سکیں تو مر رہتے ہیں

کچھ گریزاں بھی رہے ہم خود سے

کچھ کہانی بھی المناک ہوئی

یاد آئے تو مجھ کو بہت جب شب کٹے جب پو پھٹے

جب وادیوں میں دور تک کہرا دکھے بے انت سا

جنہیں ترے نام کی چاہ ہے یہ زمین ان کی گواہ ہے

وہیں کربلا کا وہ دشت ہے وہیں قصر کوفہ و شام ہے

تجھے پچھاڑ نہ دیں روشنی میں تیرے رفیق

دیا بجھے نہ بجھے تو بھی پھونک مار تو لے

ایک کاٹا رام نے سیتا کے ساتھ

دوسرا بن باس میرے نام پر

نین نچنت ہیں دیکھ کے تجھ کو

دل ہے ازل سے ہکا بکا

قائم ہے آبرو تو غنیمت یہی سمجھ

میلے سے ہیں جو کپڑے پھٹا سا جو بوٹ ہے

دینا مرا سندیش سکھی پھر

پہلے چھونا اس کے پاؤں

سانس میں ساجنا ہوا کی طرح

سانس کا سلسلہ ہوا سے ہے

شاہ بلوط کے اوپر دیکھ

چاند دھرا ہے تھالی پر

عمروں کے بجھتے معمورے میں

میں نے ہر لمحہ تجھ کو سوچا

پاٹی ہیں ہم نے بپھری چنابیں ترے لئے

ہم لے گئے ہیں تجھ کو سوئمبر سے جیت کے

تو شرافتوں کا مقام ہے تو صداقتوں کا دوام ہے

جہاں فرق شاہ و گدا نہیں ترے دین کا وہ نظام ہے

کھلے دھان کھلکھلا کر پڑے ندیوں میں ناکے

گھنی خوشبوؤں سے مہکے مرے دیس کے علاقے

پستکوں میں پرانوں میں ارضوں میں آسمانوں میں

ایک نام کی بھگتی ایک قول کا کلمہ

دریا پہ ٹیکری سے پرے خانقاہ تھی

تب تیرے میرے پیار کی دنیا گواہ تھی

تلے تیغ کے وہ عبادتیں تری شان کی وہ شہادتیں

وہ حکایتیں وہ روایتیں ترے سارے گھر پہ سلام ہے

دیکھا قد گناہ پہ جب اس کو ملتفت

بڑھ کر حد نگاہ لگی اس کو ڈھانپنے

پاؤں کے نیچے سرکتی ہوئی ریت

سر میں مسند کی ہوا باقی ہے

مجمع نہیں مجلہ ہے اشعار کی جگہ

بھر اور کوئی سوانگ جو ہونا ہی ہوٹ ہے

ہجرتوں میں حضوریوں کے جتن

پاؤں کو دوریوں نے گھیرا ہے

اک خطہ خوں میں کہیں دریا کے کنارے

دیوار زمانہ سے گرا دھیان پھسل کر

چوکھٹا دل کا یہاں ہے ہو بہ ہو تجھ سا کوئی

ہونٹ بھی آنکھیں بھی چھب ڈھب بھی تجھی سا فیس بھی

سنگت دلوں کی جیونوں مرنوں کا ارتباط

پھر ڈر پڑا تھا کیا تجھے گرد و نواح کا