miTTī kī āvāz sunī jab miTTī ne

sāñsoñ kī sab khīñchā-tānī ḳhatm huī

miTTi ki aawaz suni jab miTTi ne

sanson ki sab khincha-tani KHatm hui

zinda rahne ke taqāzoñ ne mujhe maar diyā

sar pe 'jāved' ajab ahd-e-masā.il aayā

zinda rahne ke taqazon ne mujhe mar diya

sar pe 'jawed' ajab ahd-e-masail aaya

vaar har ek mire zaḳhm kā hāmil aayā

apnī talvār ke maiñ ḳhud hī muqābil aayā

war har ek mere zaKHm ka hamil aaya

apni talwar ke main KHud hi muqabil aaya

ye to ai 'jāved' guzre mausamoñ kī raakh hai

āḳhirash kyā DhūñDhtā hai tū ḳhas-o-ḳhāshāk maiñ

ye to ai 'jawed' guzre mausamon ki rakh hai

aaKHirash kya DhunDhta hai tu KHas-o-KHashak main

apne hone kī arzānī ḳhatm huī

mushkil se ye tan-āsānī ḳhatm huī

apne hone ki arzani KHatm hui

mushkil se ye tan-asani KHatm hui