kis kī ā.ankhoñ se girā hai ye

ye samundar hai baḌā sā aañsū

kis ki aaankhon se gira hai ye

ye samundar hai baDa sa aansu

pahle ham ko bahan kahā ab fikr hamīñ se shādī kī

ye bhī na sochā bahan se shādī kar ke kyā kahlā.eñge

pahle hum ko bahan kaha ab fikr hamin se shadi ki

ye bhi na socha bahan se shadi kar ke kya kahlaenge

uḌā letī haiñ sab naqadī talāshī jeb kī le kar

ham apnī hī kamā.ī un se Dar Dar ke chhupāte haiñ

uDa leti hain sab naqadi talashi jeb ki le kar

hum apni hi kamai un se Dar Dar ke chhupate hain

jab apnā dukh sunā.ūñ qamar ke pidar ko maiñ

kahte haiñ dekh aag lagā dūñgā ghar ko maiñ

jab apna dukh sunaun qamar ke pidar ko main

kahte hain dekh aag laga dunga ghar ko main

vo sab aa ke iz.hār-e-mātam kareñge

vo baiThak meñ ro.eñge chaa.e piyeñge

wo sab aa ke izhaar-e-matam karenge

wo baiThak mein roenge chae piyenge

kar liije 'raziya' se mohabbat ham par kiije nazr-e-karam

vo be-chārī phañs jā.egī ham us ko samjhā.eñge

kar lije 'raziya' se mohabbat hum par kije nazr-e-karam

wo be-chaari phans jaegi hum us ko samjhaenge

'zauq' kitne ruupe kamātā thā

apnī biivī se kyuuñ chhupātā thā

'zauq' kitne rupe kamata tha

apni biwi se kyun chhupata tha

maiñ tum pe huuñ 'jāñ-nisār-aḳhtar' qasam hai 'munshī-fidā-alī' kī

bahut dinoñ se maiñ tum pe 'sāhir' se jaadū Tone karā rahā huuñ

main tum pe hun 'jaan-nisar-aKHtar' qasam hai 'munshi-fida-ali' ki

bahut dinon se main tum pe 'sahir' se jadu Tone kara raha hun

agar ho tum 'hājara' to phir mujh se mil ke 'masrūr' kyuuñ nahīñ ho

tumhāre aage 'opendr-nāth-ashk' ban ke aañsū bahā rahā huuñ

agar ho tum 'hajara' to phir mujh se mil ke 'masrur' kyun nahin ho

tumhaare aage 'opendr-nath-ashk' ban ke aansu baha raha hun

burī burī nazreñ chehre par Daal rahe haiñ uf tauba

ham apne donoñ gāloñ ko jā ke abhī dho ā.eñge

buri buri nazren chehre par Dal rahe hain uf tauba

hum apne donon galon ko ja ke abhi dho aaenge

billū ko chup karā.ūñ ki mārūñ qamar ko maiñ

farsh-e-zamīn dho.ūñ ki māñjūñ kukar ko maiñ

billu ko chup karaun ki marun qamar ko main

farsh-e-zamin dhoun ki manjun kukar ko main

ḳhudāyā aaj ke shauhar haiñ yā māsūm bachche haiñ

zarā sā ghuur le biivī to jhaT ye saham jaate haiñ

KHudaya aaj ke shauhar hain ya masum bachche hain

zara sa ghur le biwi to jhaT ye saham jate hain

sheroñ kī tarah TuuT paḌe aa ke mez par

jo chiiz bhī milī vo chabāte chale ga.e

sheron ki tarah TuT paDe aa ke mez par

jo chiz bhi mili wo chabaate chale gae

bismillāh are-vāh maiñ qurbān maiñ qurbān

kyā ḳhuub lagī hai kamand allāh tirī shaan

bismillah are-wah main qurban main qurban

kya KHub lagi hai kamand allah teri shan