زندگی کشمکش وقت میں گزری اپنی

دن نے جینے نہ دیا رات نے مرنے نہ دیا

ترے انتظار میں اس طرح مرا عہد شوق گزر گیا

سر شام جیسے بساط دل کوئی خستہ حال سمیٹ لے

اب کہاں وہ پہلی سی فرصتیں میسر ہیں

سارا دن سفر کرنا ساری رات غم کرنا

آنسو جو بہیں سرخ تو ہو جاتی ہیں آنکھیں

دل ایسا سلگتا ہے دھواں تک نہیں آتا

زندگی تو سپنا ہے کون رامؔ اپنا ہے

کیا کسی کو دکھ دینا کیا کسی کا غم کرنا

ہم اوس کے قطرے ہیں کہ بکھرے ہوئے موتی

دھوکا نظر آئے تو ہمیں رول کے دیکھو

جو تیرے غم میں جلے ہیں وہ پھر بجھے ہی نہیں

جب ان کی راکھ کریدو شرارے زندہ ہیں