vo ḳhush kisī ke saath haiñ nā-ḳhush kisī ke saath

har aadmī kī baat hai har aadmī ke saath

wo KHush kisi ke sath hain na-KHush kisi ke sath

har aadmi ki baat hai har aadmi ke sath

ba.ad-e-fanā bhī ḳhair se tanhā nahīñ haiñ ham

bandoñ se chhuT ga.e to farishtoñ meñ aa mile

baad-e-fana bhi KHair se tanha nahin hain hum

bandon se chhuT gae to farishton mein aa mile

aa.e agar qayāmat to dhajjiyāñ uḌā deñ

phirte haiñ justujū meñ fitne tirī galī ke

aae agar qayamat to dhajjiyan uDa den

phirte hain justuju mein fitne teri gali ke

baḌī hī dhuum se dāvat ho phir to zāhid kī

ye mai jo chaar ghaḌī ko halāl ho jaa.e

baDi hi dhum se dawat ho phir to zahid ki

ye mai jo chaar ghaDi ko halal ho jae