اس کا جلوہ دکھائی دیتا ہے

سارے چہروں پہ سب کتابوں میں

نشۂ یار کا نشہ مت پوچھ

ایسی مستی کہاں شرابوں میں

تمام رات ترا انتظار ہوتا رہا

یہ ایک کام یہی کاروبار ہوتا رہا

اس اندھیرے میں جلتے چاند چراغ

رکھتے کس کس کا وہ بھرم ہوں گے

یہ زلف یار بھی کیا بجلیوں کا جھرمٹ ہے

خدایا خیر ہو اب میرے آشیانے کی

جگہ بچی ہی نہیں دل پہ چوٹ کھانے کی

اٹھا لو کاش یہ عادت جو آزمانے کی

دل کو جلائے رکھا ہے ہم نے چراغ سا

اس گھر میں ہم ہیں اور ترا انتظار ہے

تم نہ تھے تو یہاں پہ کوئی نہ تھا

آج کتنے دوانے بیٹھے ہیں

دشمن جاں ہیں سبھی سارے کے سارے قاتل

تو بھی اس بھیڑ میں کچھ دیر ٹھہر جا اے دل

تمہارے شہر میں کیوں آج ہو کا عالم ہے

صبا ادھر سے گزر کر ادھر گئی کہ نہیں

قلب و جگر کے داغ فروزاں کئے ہوئے

ہیں ہم بھی اہتمام بہاراں کئے ہوئے

چھلکا پڑا ہے چہروں سے اک وحشت جنوں

پھیلا پڑا ہے عشق کا بازار خیر ہو

چشمۂ ناب نہ بڑھ کر جنوں سیلاب بنے

بہہ نہ جائے کہ یہ مٹی کا مکاں ہے اب کے

دیوانۂ خرد ہو کہ مجنون عشق ہو

رہنا ہے اس کو چاک گریباں کئے ہوئے