maut aa jaa.e vabā meñ ye alag baat magar

ham tire hijr meñ nāġha to nahīñ kar sakte

maut aa jae waba mein ye alag baat magar

hum tere hijr mein nagha to nahin kar sakte

mujh ko lagtā hai ghaḌī jis ne banā.ī hogī

intizār us ko bhī shiddat se kisī kā hogā

mujh ko lagta hai ghaDi jis ne banai hogi

intizar us ko bhi shiddat se kisi ka hoga

pūchh us shaḳhs se maiñ jis ko nahīñ mil paayā

maiñ tujhe jitnā mayassar huuñ tirī qismat hai

puchh us shaKHs se main jis ko nahin mil paya

main tujhe jitna mayassar hun teri qismat hai

bahut hī ḳhushkī meñ guzrī hai is baras holī

gila hai tujh se ki giilā nahīñ kiyā mujh ko

bahut hi KHushki mein guzri hai is baras holi

gila hai tujh se ki gila nahin kiya mujh ko

anā kā sirf mohabbat ilaaj hai 'āfāq'

tū nok vaale musallas ko dā.ere meñ milā

ana ka sirf mohabbat ilaj hai 'afaq'

tu nok wale musallas ko daere mein mila

hal nikal ā.eñge masā.il ke

ḳhud-kushī karne vaalo baat karo

hal nikal aaenge masail ke

KHud-kushi karne walo baat karo

vasl ko maañ ke taraste haiñ mire bachche bhī

kaifiyat hijr kī mujh par hī nahīñ taarī hai

wasl ko man ke taraste hain mere bachche bhi

kaifiyat hijr ki mujh par hi nahin tari hai

mil nahīñ saktā jo maiñ ne kho diyā

maut kā koī bhī mutabādil nahīñ

mil nahin sakta jo main ne kho diya

maut ka koi bhi mutabaadil nahin

ek sūra-fātiha aur chaar qul paḌh dījiye

jo thā pyārā us kī barsī hai guzārish dosto

ek sura-fatiha aur chaar qul paDh dijiye

jo tha pyara us ki barsi hai guzarish dosto

añdhere kā tasavvur kyā hai bolūñ

añdherā raushnī se chal rahā hai

andhere ka tasawwur kya hai bolun

andhera raushni se chal raha hai