چند لمحے کو تو خوابوں میں بھی آ کر جھانک لے

زندگی تجھ سے ملے کتنے زمانے ہو گئے

غم کا سورج تو ڈوبتا ہی نہیں

دھوپ ہی دھوپ ہے کدھر جائیں

شہر بھر کے آئینوں پر خاک ڈالی جائے گی

آج پھر سچائی کی صورت چھپا لی جائے گی

طلسم توڑ دیا اک شریر بچے نے

مرا وجود اداسی کا استعارا تھا

ہمارا شعر بھی لوح طلسم ہے شاید

ہر ایک رخ سے ہمیں بے نقاب کرتا ہے

رات کی سرحد یقیناً آ گئی

جسم سے سایا جدا ہونے لگا

ہم اپنے جلتے ہوئے گھر کو کیسے رو لیتے

ہمارے چاروں طرف ایک ہی نظارا تھا