liyā hai dil hī faqat aur jaan baaqī hai

abhī to kaam tumheñ mehrbān baaqī hai

liya hai dil hi faqat aur jaan baqi hai

abhi to kaam tumhein mehrban baqi hai

yuuñ ḳhudā kī ḳhudā.ī bar-haq hai

par 'asar' kī hameñ to aas nahīñ

yun KHuda ki KHudai bar-haq hai

par 'asar' ki hamein to aas nahin

tū kahāñ maiñ kahāñ pa kahte haiñ

ki ye aapas meñ donoñ rahte haiñ

tu kahan main kahan pa kahte hain

ki ye aapas mein donon rahte hain

tere aane kā ehtimāl rahā

marte marte bhī ye ḳhayāl rahā

tere aane ka ehtimal raha

marte marte bhi ye KHayal raha

tū hī behtar hai aa.ina ham se

ham to itne bhī rū-shanās nahīñ

tu hi behtar hai aaina hum se

hum to itne bhi ru-shanas nahin

raqīb dekh sambhal kar ke sāmne aanā

barahna teġh haiñ ik dast-e-rozgār meñ ham

raqib dekh sambhal kar ke samne aana

barahna tegh hain ek dast-e-rozgar mein hum

apne nazdīk dard-e-dil maiñ kahā

tere nazdīk qissa-ḳhvānī kī

apne nazdik dard-e-dil main kaha

tere nazdik qissa-KHwani ki

jis ghaḌī ghūrte ho ġhussa se

nikle paḌtā hai pyaar āñkhoñ meñ

jis ghaDi ghurte ho ghussa se

nikle paDta hai pyar aankhon mein

na kahā jaa.e ki dushman na kahā jaa.e ki dost

kuchh samajh meñ nahīñ aatā hai 'asar' kaun hai vo

na kaha jae ki dushman na kaha jae ki dost

kuchh samajh mein nahin aata hai 'asar' kaun hai wo

ab terī daad na fariyād kiyā kartā huuñ

raat din chupke paḌā yaad kiyā kartā huuñ

ab teri dad na fariyaad kiya karta hun

raat din chupke paDa yaad kiya karta hun

juuñ aks kahāñ mirā Thikānā

tere jalve se jalva-gar huuñ

jun aks kahan mera Thikana

tere jalwe se jalwa-gar hun

yaar ġhussa tirī balā khāve

kaam nikle jo muskurāne se

yar ghussa teri bala khawe

kaam nikle jo muskurane se

us sañg-dil ke dil meñ to naale ne jā na kī

kyā fā.eda jo aur ke jī meñ asar kiyā

us sang-dil ke dil mein to nale ne ja na ki

kya faeda jo aur ke ji mein asar kiya

āsūdgī kahāñ jo dil-e-zār saath hai

marne ke ba.ad bhī yahī āzār saath hai

aasudgi kahan jo dil-e-zar sath hai

marne ke baad bhi yahi aazar sath hai

bevafā kuchh nahīñ terī taqsīr

mujh ko merī vafā hī raas nahīñ

bewafa kuchh nahin teri taqsir

mujh ko meri wafa hi ras nahin

kyā kahūñ kis tarah se jiitā huuñ

ġham ko khātā huuñ aañsū piitā huuñ

kya kahun kis tarah se jita hun

gham ko khata hun aansu pita hun

jannat hai us baġhair jahannam se bhī zubūñ

dozaḳh bahisht haigī agar yaar saath hai

jannat hai us baghair jahannam se bhi zubun

dozaKH bahisht haigi agar yar sath hai

kin ne kahā aur se na mil tū

par ham se bhī kabhū milā kar

kin ne kaha aur se na mil tu

par hum se bhi kabhu mila kar

dard-e-dil chhoḌ jā.iye so kahāñ

apnī bāhar to yahāñ guzar hī nahīñ

dard-e-dil chhoD jaiye so kahan

apni bahar to yahan guzar hi nahin

yuuñ aag meñ se bhaag nikalnā nazar bachā

apne ta.iiñ to vaz.a na bhaa.ī sharār kī

yun aag mein se bhag nikalna nazar bacha

apne tain to waza na bhai sharar ki

kuchh na likkhā na paḌhā huuñ vale huuñ ma.anī-shanās

mudda.ā terā samajhtā huuñ ibārāt se maiñ

kuchh na likkha na paDha hun wale hun mani-shanas

muddaa tera samajhta hun ibaraat se main

kaam tujh se abhī to saaqī hai

ki zarā ham ko hosh baaqī hai

kaam tujh se abhi to saqi hai

ki zara hum ko hosh baqi hai