ایسا کچھ گردش دوراں نے رکھا ہے مصروف

ماجرے ہو نہ سکے ہم سے قلم بند اپنے

مجھ سے کہتی ہیں وہ اداس آنکھیں

زندگی بھر کی سب تھکن یاں ہے

خواب ٹوٹے پڑے ہیں سب میرے

میں ہوں اور حیرتوں کا ساماں ہے

بجا ہے خواب نوردی پہ خواب ایسے ہوں

کھلے جو آنکھ تو اپنا ہی گھر کھنڈر نہ لگے

اس کے جانے پہ یہ احساس ہوا ہے شاہدؔ

وہ جزیرہ تھا مرا دکھ سے بھرے پانی میں

نکل آئے جو ہم گھر سے تو سو رستے نکل آئے

عبث تھا سوچنا گھر میں کوئی غیبی اشارہ ہو

کچھ ایسے دور بھی تاہم گرفت میں آئے

کہ یہ زمیں رہی باقی نہ آسماں ہی رہا

کھلا نہ اس پہ کبھی میری آنکھ کا منظر

جمی ہے آنکھ میں کائی کوئی دکھائے اسے