aisā kuchh gardish-e-daurāñ ne rakhā hai masrūf

mājare ho na sake ham se qalam-band apne

aisa kuchh gardish-e-dauran ne rakha hai masruf

majare ho na sake hum se qalam-band apne

mujh se kahtī haiñ vo udaas āñhkeñ

zindagī bhar kī sab thakan yaañ hai

mujh se kahti hain wo udas aanhken

zindagi bhar ki sab thakan yan hai

ḳhvāb TuuTe paḌe haiñ sab mere

maiñ huuñ aur hairatoñ kā sāmāñ hai

KHwab TuTe paDe hain sab mere

main hun aur hairaton ka saman hai

bajā hai ḳhvāb-navardī pa ḳhvāb aaise hoñ

khule jo aañkh to apnā hī ghar khañDar na lage

baja hai KHwab-nawardi pa KHwab aaise hon

khule jo aankh to apna hi ghar khanDar na lage

us ke jaane pe ye ehsās huā hai 'shāhid'

vo jazīra thā mirā dukh se bhare paanī meñ

us ke jaane pe ye ehsas hua hai 'shahid'

wo jazira tha mera dukh se bhare pani mein

nikal aa.e jo ham ghar se to sau raste nikal aa.e

abas thā sochnā ghar meñ koī ġhaibī ishāra ho

nikal aae jo hum ghar se to sau raste nikal aae

abas tha sochna ghar mein koi ghaibi ishaara ho

kuchh aaise daur bhī tāham giraft meñ aa.e

ki ye zamīñ rahī baaqī na āsamāñ hī rahā

kuchh aaise daur bhi taham giraft mein aae

ki ye zamin rahi baqi na aasaman hi raha

khulā na us pe kabhī merī aañkh kā manzar

jamī hai aañkh meñ kaa.ī koī dikhā.e use

khula na us pe kabhi meri aankh ka manzar

jami hai aankh mein kai koi dikhae use