دل مرا درد کے سوا کیا ہے

ابتدا یہ تو انتہا کیا ہے

میں نے ہر تخریب میں دیکھی ہے اک تعمیر بھی

میرا مٹ جانا بھی ہے ہمت فزا میرے لیے

ایک پردہ سا ہے فریب نظر

یہ بھی اٹھے تو دیکھنا کیا ہے

اے محبت تجھے خبر ہوگی

درد اٹھ اٹھ کے ڈھونڈھتا کیا ہے

پینے کو یوں تو شیخ بھی تیار ہیں مگر

کہتے ہیں شرط یہ ہے گرہ سے نہ زر کھلے

جسے سمجھا ہے تو اے سنگ دل مے خواریاں میری

ترے خلوت کدے میں ہیں وہ شب بیداریاں میری

دل حریص ہی اپنا نہ ہو سکا قانع

وگرنہ تیرے کرم میں تو کچھ کمی نہ رہی

پس مردن بھی مشت خاک میں کیسی یہ وحشت ہے

اٹھا کرتی ہے آندھی بن کے خاک رائیگاں میری