dil mirā dard ke sivā kyā hai

ibtidā ye to intihā kyā hai

dil mera dard ke siwa kya hai

ibtida ye to intiha kya hai

maiñ ne har taḳhrīb meñ dekhī hai ik ta.amīr bhī

merā miT jaanā bhī hai himmat-fazā mere liye

main ne har taKHrib mein dekhi hai ek tamir bhi

mera miT jaana bhi hai himmat-faza mere liye

ai mohabbat tujhe ḳhabar hogī

dard uTh uTh ke DhūñDhtā kyā hai

ai mohabbat tujhe KHabar hogi

dard uTh uTh ke DhunDhta kya hai

piine ko yuuñ to shaiḳh bhī tayyār haiñ magar

kahte haiñ shart ye hai girah se na zar khule

pine ko yun to shaiKH bhi tayyar hain magar

kahte hain shart ye hai girah se na zar khule

jise samjhā hai tū ai sang-dil mai-ḳhvāriyāñ merī

tire ḳhalvat-kade meñ haiñ vo shab-bedāriyāñ merī

jise samjha hai tu ai sang-dil mai-KHwariyan meri

tere KHalwat-kade mein hain wo shab-bedariyan meri

dil-e-harīs hī apnā na ho sakā qaane

vagarna tere karam meñ to kuchh kamī na rahī

dil-e-haris hi apna na ho saka qane

wagarna tere karam mein to kuchh kami na rahi

pas-e-murdan bhī musht-e-ḳhāk meñ kaisī ye vahshat hai

uThā kartī hai āñdhī ban ke ḳhāk-e-rā.egāñ merī

pas-e-murdan bhi musht-e-KHak mein kaisi ye wahshat hai

uTha karti hai aandhi ban ke KHak-e-raegan meri

ek parda sā hai fareb-e-nazar

ye bhī uTThe to dekhnā kyā hai

ek parda sa hai fareb-e-nazar

ye bhi uTThe to dekhna kya hai