har sub.h apne ghar meñ usī vaqt jāgnā

āzād log bhī to giraftār se rahe

har subh apne ghar mein usi waqt jagna

aazad log bhi to giraftar se rahe

peḌ ūñchā hai magar zer-e-zamīñ kitnā hai

lab pe hai nām-e-ḳhudā dil meñ yaqīñ kitnā hai

peD uncha hai magar zer-e-zamin kitna hai

lab pe hai nam-e-KHuda dil mein yaqin kitna hai

dekho to har ik shaḳhs ke hāthoñ meñ haiñ patthar

pūchho to kahīñ shahr banāne ke liye hai

dekho to har ek shaKHs ke hathon mein hain patthar

puchho to kahin shahr banane ke liye hai

ham haar to jaate hī ki dushman ke hamāre

sau pair the sau haath the ik sar hī nahīñ thā

hum haar to jate hi ki dushman ke hamare

sau pair the sau hath the ek sar hi nahin tha

ham ne to muuñd liiñ āñkheñ hī tirī diid ke baad

bul-havas jānte haiñ koī hasīñ kitnā hai

hum ne to mund lin aankhen hi teri did ke baad

bul-hawas jaante hain koi hasin kitna hai

do paañv haiñ jo haar ke ruk jaate haiñ

ik sar hai jo dīvār se Takrātā hai

do panw hain jo haar ke ruk jate hain

ek sar hai jo diwar se Takraata hai

ik mauj-e-fanā thī jo roke na rukī āḳhir

dīvār bahut khīñchī darbān bahut rakkhā

ek mauj-e-fana thi jo roke na ruki aaKHir

diwar bahut khinchi darban bahut rakkha

kabhī to lagtā hai gumrāh kar ga.ī mujh ko

suḳhan-varī kabhī paiġhambarī sī lagtī hai

kabhi to lagta hai gumrah kar gai mujh ko

suKHan-wari kabhi paighambari si lagti hai