ہم نے کتنے دھوکے میں سب جیون کی بربادی کی

گال پہ اک تل دیکھ کے ان کے سارے جسم سے شادی کی

بہن کی التجا ماں کی محبت ساتھ چلتی ہے

وفائے دوستاں بہر مشقت ساتھ چلتی ہے

اب اک رومال میرے ساتھ کا ہے

جو میری والدہ کے ہاتھ کا ہے

ایک لمحہ بھی مسرت کا بہت ہوتا ہے

لوگ جینے کا سلیقہ ہی کہاں رکھتے ہیں

ہنس مگر ہنسنے سے پہلے سوچ لے

یہ نہ ہو پھر عمر بھر رونا پڑے

ان کا دروازہ تھا مجھ سے بھی سوا مشتاق دید

میں نے باہر کھولنا چاہا تو وہ اندر کھلا

درد میں لذت بہت اشکوں میں رعنائی بہت

اے غم ہستی ہمیں دنیا پسند آئی بہت

زاہد خودی فروش تو واعظ خدا فروش

دونوں بزرگ میری نظر سے گزر گئے

میں نے ہر فائل کی دمچی پر یہ مصرع لکھ دیا

کام ہو سکتا نہیں سرکار میں روزے سے ہوں

بوا کو تو دیکھو نہ گہنا نہ پاتا

بجٹ ہاتھ میں جیسے دھوبن کا کھاتا

جتنا بڑھتا گیا شعور ہنر

خود کو اتنا ہی بے ہنر جانا

ہر حوالے سے منفرد غالبؔ

داڑھی رکھتے شراب پیتے تھے

ہمارا ملک اگر قرضے میں جکڑا ہے تو کیا حیرت

ہمارے ملک کا تو اک وزیر اعظم ادھارا تھا

دلوں کا فرش بچھا ہے جدھر نگاہ کرو

تمہارا گھر بھی دلوں کا کباڑ خانہ ہے

ادھر کونے میں جو اک مجلس بیدار بیٹھی ہے

کرائے پر الیکشن کے لیے تیار بیٹھی ہے

میاں گلؔ شیر تم بھی تو ہوا کے رخ کو پہچانو

جہاں ساڑی چلی جاتی ہے پھلکاری نہیں جاتی

گھر رہتے تو دونوں ہیں اسی ایک مکاں میں

بیوی کا جہاں اور ہے شوہر کا جہاں اور

سچ ہے مشرق اور مغرب ایک ہو سکتے نہیں

اس طرف بیوی کھلی ہے اس طرف شوہر کھلا

کتنا شاطر ہے سیاست دان اپنے ملک کا

اور بھی مقبول ہو جاتا ہے بدنامی کے بعد

آدمی سے سلوک دنیا کا

جیسے انڈا تلا کرے کوئی

جیسے سچ کچھ بھی نہیں جیسے خدا کوئی نہیں

کس قدر امیدیں وابستہ ہیں انکل سام سے

ہمیں تو جتنے امریکن ملے ہیں

سمجھتے کم ہیں سمجھاتے بہت ہیں

ڈر ہے طوطے ہی نہ کھا جائیں مجھے

ناشپاتی جیسا سر رکھتا ہوں میں

غم دوراں سے اب تو یہ بھی نوبت آ گئی، اکثر

کسی مرغی سے ٹکرائی تو خود چکرا گئی، اکثر

کبھی وقت خرام آیا تو ٹائر کا سلام آیا

''تھم اے رہ رو کہ شاید پھر کوئی مشکل مقام آیا''

دین تو بچتا نظر آتا نہیں نیویارک میں

زلف ہی اپنی بچا لے جائیے حجام سے

ایسی قسمت کہاں ضمیرؔ اپنی

آ کے پیچھے سے ''تا'' کرے کوئی

یوں تو ہر چیز ہے یہاں خالص

لیکن اولاد میں ملاوٹ ہے

یہ کھائے روٹیاں میری وہ نوچے بوٹیاں میری

چمن میں ہر طرف اڑتی ہوئی لنگوٹیاں میری

اس نے کی پہلے پہل پیمائش صحرائے نجد

قیس ہے دراصل اک مشہور پنواڑی کا نام