utar gayā hai rag-o-pai meñ zā.iqa us kā

ajiib shahad sā kal raat us zabān meñ thā

utar gaya hai rag-o-pai mein zaiqa us ka

ajib shahad sa kal raat us zaban mein tha

zamāne se alag thī merī duniyā

maiñ us kī dauḌ meñ shāmil nahīñ thā

zamane se alag thi meri duniya

main us ki dauD mein shamil nahin tha

ka.ī paḌāv the manzil kī raah meñ 'tābish'

mire nasīb meñ lekin safar kuchh aur se the

kai paDaw the manzil ki rah mein 'tabish'

mere nasib mein lekin safar kuchh aur se the

ajab yaqīn sā us shaḳhs ke gumān meñ thā

vo baat karte hue bhī na.ī uḌaan meñ thā

ajab yaqin sa us shaKHs ke guman mein tha

wo baat karte hue bhi nai uDan mein tha

jis ne insāñ se mohabbat hī nahīñ kī 'tābish'

us ko kyā ilm ki pindār se aage kyā hai

jis ne insan se mohabbat hi nahin ki 'tabish'

us ko kya ilm ki pindar se aage kya hai