pattā pattā shāḳh se TuuTe darvāzoñ pe vahshat sī

yaaro prem kathā meñ kis ne dard kī taan milā.ī hai

patta patta shaKH se TuTe darwazon pe wahshat si

yaro prem katha mein kis ne dard ki tan milai hai

kis ne aa kar ham ko dī āvāz pichhlī raat meñ

kaun ham ko chheḌne aayā hai in lamhāt meñ

kis ne aa kar hum ko di aawaz pichhli raat mein

kaun hum ko chheDne aaya hai in lamhat mein

mas.ala ye bhī to hai is ahd kā ai jān-e-jāñ

kyuuñ nichhāvar jaañ kareñ kis ke liye zinda raheñ

masala ye bhi to hai is ahd ka ai jaan-e-jaan

kyun nichhawar jaan karen kis ke liye zinda rahen

maiñ ne zulmat ke fusūñ se bhāgnā chāhā magar

mere pīchhe bhāgtī phirtī mirī rusvā.ī thī

main ne zulmat ke fusun se bhagna chaha magar

mere pichhe bhagti phirti meri ruswai thi

har ik kā dil moh letī thī us kī ik muskān

ye muskān thī saath us ke chehre kī pahchān

har ek ka dil moh leti thi us ki ek muskan

ye muskan thi sath us ke chehre ki pahchan

mujh se kannī kaaT na gorī maiñ huuñ terī chhāyā

maiñ ik daatā jogī ban kar terī galī meñ aayā

mujh se kanni kaT na gori main hun teri chhaya

main ek data jogi ban kar teri gali mein aaya