Tilok Chand Mahroom
Ghazal 62
Nazm 13
Sher-o-Shayari 20
aql ko kyuuñ batā.eñ ishq kā raaz
ġhair ko rāz-dāñ nahīñ karte
aql ko kyun bataen ishq ka raaz
ghair ko raaz-dan nahin karte
burā ho ulfat-e-ḳhūbāñ kā ham-nashīñ ham to
shabāb hī meñ burā apnā haal kar baiThe
bura ho ulfat-e-KHuban ka ham-nashin hum to
shabab hi mein bura apna haal kar baiThe
dām-e-ġham-e-hayāt meñ uljhā ga.ī umiid
ham ye samajh rahe the ki ehsān kar ga.ī
dam-e-gham-e-hayat mein uljha gai umid
hum ye samajh rahe the ki ehsan kar gai
talātum aarzū meñ hai na tūfāñ justujū meñ hai
javānī kā guzar jaanā hai dariyā kā utar jaanā
talatum aarzu mein hai na tufan justuju mein hai
jawani ka guzar jaana hai dariya ka utar jaana
