vaqt ke maqtal meñ ham haiñ dosto

vaqt ik din ham ko bhī khā jā.egā

waqt ke maqtal mein hum hain dosto

waqt ek din hum ko bhi kha jaega

phir se bikhrī hai tirī zulf mire shānoñ par

vaqt aayā hai ga.e vaqt ko lauTāne kā

phir se bikhri hai teri zulf mere shanon par

waqt aaya hai gae waqt ko lauTane ka

āvāz huuñ ubhar ke jo sahrā meñ kho ga.ī

yā zindagī ke bahr meñ mauj-e-ḳhayāl huuñ

aawaz hun ubhar ke jo sahra mein kho gai

ya zindagi ke bahr mein mauj-e-KHayal hun

ik bahāna hai tujhe yaad kiye jaane kā

kab salīqa hai mujhe varna ġhazal gaane kā

ek bahana hai tujhe yaad kiye jaane ka

kab saliqa hai mujhe warna ghazal gane ka