karne ko kuchh nahīñ hai na.e saal meñ 'yashab'

kyoñ nā kisī se tark-e-mohabbat hī kījiye

karne ko kuchh nahin hai nae sal mein 'yashab'

kyon na kisi se tark-e-mohabbat hi kijiye

paḌh chuke haiñ nisāb-e-tanhā.ī

ab likheñge kitāb-e-tanhā.ī

paDh chuke hain nisab-e-tanhai

ab likhenge kitab-e-tanhai

samajh sakā na use maiñ qusūr merā hai

ki mere sāmne to vo khulī kitāb rahā

samajh saka na use main qusur mera hai

ki mere samne to wo khuli kitab raha

haqīqatoñ se mafar chāhī thī 'yashab' maiñ ne

par asl asl rahā aur ḳhvāb ḳhvāb rahā

haqiqaton se mafar chahi thi 'yashab' main ne

par asl asl raha aur KHwab KHwab raha