aa hī jaatā thā ḳhayāl-e-ġhair mere zehn meñ

'ain mauqa' par tumhārī yaad ne khaTkā kiyā

aa hi jata tha KHayal-e-ghair mere zehn mein

'ain mauqa' par tumhaari yaad ne khaTka kiya

daġhā se baaz aao miir 'jā'far'

hamāre log maare jā rahe haiñ

dagha se baz aao mir 'ja'far'

hamare log mare ja rahe hain

zindagī rā.egāñ ga.ī merī

us galī se dukāñ ga.ī merī

zindagi raegan gai meri

us gali se dukan gai meri

us ne din jaldī Dhalne kī ḳhvāhish kī

dhartī ne raftār baḌhā dī gardish kī

us ne din jaldi Dhalne ki KHwahish ki

dharti ne raftar baDha di gardish ki

jo tum na hogī to dil havelī sarā.e hogī

sarā.e jis meñ hasīn chehre rukā kareñge

jo tum na hogi to dil haweli sarae hogi

sarae jis mein hasin chehre ruka karenge

pahle tū ik jhūTe ġham meñ miT jaane kā nāTak rach

phir duniyā ko jā jā kar batlā tū kitne dukh meñ hai

pahle tu ek jhuTe gham mein miT jaane ka naTak rach

phir duniya ko ja ja kar batla tu kitne dukh mein hai

barsoñ kaaT liye ye kah kar

kal ko vasl huā jaatā hai

barson kaT liye ye kah kar

kal ko wasl hua jata hai

sitam ye hai tirī āñkhoñ kā paanī

mire siine kī miTTī kāTtā hai

sitam ye hai teri aankhon ka pani

mere sine ki miTTi kaTta hai

ham donoñ kā 'ishq mukammal honā mushkil lagtā hai

tū jins-e-jinnāt kī paidā aur maiñ beTā aadam kā

hum donon ka 'ishq mukammal hona mushkil lagta hai

tu jins-e-jinnat ki paida aur main beTa aadam ka

ik din har manzar kaalā ho jā.egā

sūraj us kī zulfoñ meñ kho jā.egā

ek din har manzar kala ho jaega

suraj us ki zulfon mein kho jaega

chal diye haiñ bol kar vāpas na lauTeñge kabhī

chal diye haiñ ik daf'a phir lauT aane ke liye

chal diye hain bol kar wapas na lauTenge kabhi

chal diye hain ek daf'a phir lauT aane ke liye

ḳhudā kī aañkh haiñ āñkheñ hamārī

ḳhudā in se hī duniyā dekhtā hai

KHuda ki aankh hain aankhen hamari

KHuda in se hi duniya dekhta hai

raat huī to sab devoñ ne mandir meñ

us jogan ko shīsh navā.e raqs kiyā

raat hui to sab dewon ne mandir mein

us jogan ko shish nawae raqs kiya

tum jo kahte ho chuum loge hameñ

karne vaale kahā nahīñ karte

tum jo kahte ho chum loge hamein

karne wale kaha nahin karte

haa.e vo shoḳh sandalī qāmat

jis ne mujh be-niyāz ko maarā

hae wo shoKH sandali qamat

jis ne mujh be-niyaz ko mara

ye abr-e-nau hamāre kisī kaam kā nahīñ

un ko pasand hī nahīñ bārish meñ bhīgnā

ye abr-e-nau hamare kisi kaam ka nahin

un ko pasand hi nahin barish mein bhigna

dard-e-dil zindagī kī ḳhushī pī gayā

ik samundar hamārī nadī pī gayā

dard-e-dil zindagi ki KHushi pi gaya

ek samundar hamari nadi pi gaya

tirī yaad siine se ruḳhsat huī

ye buḌhiyā baḌe din se bīmār thī

teri yaad sine se ruKHsat hui

ye buDhiya baDe din se bimar thi

tasavvur karo vo tumheñ chāhte haiñ

tasavvur karo ye tasavvur nahīñ hai

tasawwur karo wo tumhein chahte hain

tasawwur karo ye tasawwur nahin hai

kyoñ de rahe ho dastakeñ chaukhaT pe bārhā

kitnī daf'a batā.ūñ ki ghar par nahīñ huuñ maiñ

kyon de rahe ho dastaken chaukhaT pe barha

kitni daf'a bataun ki ghar par nahin hun main

aamad huī thī maiñ ne hī dhutkār dī ġhazal

ye kah ke dūsrā koī shā'ir talāsh kar

aamad hui thi main ne hi dhutkar di ghazal

ye kah ke dusra koi sha'ir talash kar

aañsū kareñge ek bhī zaa.e' na aañkh se

dariyā ko paaT kar yahāñ sahrā banā.eñge

aansu karenge ek bhi zae' na aankh se

dariya ko paT kar yahan sahra banaenge

jab kisī sūrat nahīñ hai mujh ko ehsās-e-vajūd

phir mire kis kaam kā hai ye jahān-e-hast-o-būd

jab kisi surat nahin hai mujh ko ehsas-e-wajud

phir mere kis kaam ka hai ye jahan-e-hast-o-bud

aisī tanhā rātoñ meñ hī aatī hai

ek ġhazal jo shā'ir ko khā jaatī hai

aisi tanha raaton mein hi aati hai

ek ghazal jo sha'ir ko kha jati hai