ek dīvār uThā.ī thī baḌī ujlat meñ

vahī dīvār girāne meñ bahut der lagī

ek diwar uThai thi baDi ujlat mein

wahi diwar girane mein bahut der lagi

parda āñkhoñ se haTāne meñ bahut der lagī

hameñ duniyā nazar aane meñ bahut der lagī

parda aankhon se haTane mein bahut der lagi

hamein duniya nazar aane mein bahut der lagi

jis samt kī havā hai usī samt chal paḌeñ

jab kuchh na ho sakā to yahī faisla kiyā

jis samt ki hawa hai usi samt chal paDen

jab kuchh na ho saka to yahi faisla kiya

musalsal ek hī tasvīr chashm-e-tar meñ rahī

charāġh bujh bhī gayā raushnī safar meñ rahī

musalsal ek hi taswir chashm-e-tar mein rahi

charagh bujh bhi gaya raushni safar mein rahi

apnī nigāh par bhī karūñ e'tibār kyā

kis maan par kahūñ vo mirā intiḳhāb thā

apni nigah par bhi karun e'tibar kya

kis man par kahun wo mera intiKHab tha