ham bhī kahne lage haiñ raat ko raat

ham bhī goyā ḳharāb hone lage

hum bhi kahne lage hain raat ko raat

hum bhi goya KHarab hone lage

itāb-o-qahr kā har ik nishān bolegā

maiñ chup rahā to shikasta makān bolegā

itab-o-qahr ka har ek nishan bolega

main chup raha to shikasta makan bolega

gumān hotā hai mujh ko tumhāre aane kā

havā idhar se dabe paañv jab guzartī hai

guman hota hai mujh ko tumhaare aane ka

hawa idhar se dabe panw jab guzarti hai

roz suntā huuñ maiñ hañsne kī sadā

kaun ye mere sivā hai mujh meñ

roz sunta hun main hansne ki sada

kaun ye mere siwa hai mujh mein

simTe hue jazboñ ko bikharne nahīñ detā

ye aas kā lamha hameñ marne nahīñ detā

simTe hue jazbon ko bikharne nahin deta

ye aas ka lamha hamein marne nahin deta