چاند کا حسن بھی زمین سے ہے

چاند پر چاندنی نہیں ہوتی

لکھنے کو لکھ رہے ہیں غضب کی کہانیاں

لکھی نہ جا سکی مگر اپنی ہی داستاں

حسن بنا جب بہتی گنگا

عشق ہوا کاغذ کی ناؤ

زمین کی کوکھ ہی زخمی نہیں اندھیروں سے

ہے آسماں کے بھی سینے پہ آفتاب کا زخم

دل سا کھلونا ہاتھ آیا ہے

کھیلو توڑو جی بہلاؤ

بالآخر تھک ہار کے یارو ہم نے بھی تسلیم کیا

اپنی ذات سے عشق ہے سچا باقی سب افسانے ہیں

ڈوب جانے کی لذتیں مت پوچھ

کون ایسے میں پار اترا ہے

دن کے بھولے کو رات ڈستی ہے

شام کو واپسی نہیں ہوتی

دیکھ کر میرا دشت تنہائی

رنگ روئے بہار اترا ہے

عجیب بات ہے کیچڑ میں لہلہائے کنول

پھٹے پرانے سے جسموں پہ سج کے ریشم آئے

بجھ گیا دل تو خرابی ہوئی ہے

پھر کسی شعلہ جبیں سے ملئے