Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "قید_آداب_تماشا"

MOST RELEVANT MATCHES FOR "قید_آداب_تماشا"

Ghazal

jalva mahsuus sahii aa.nkh ko aazaad to kar
qaid-e-aadaab-e-tamaashaa bhii to mahfil se uThaa

Fani Badayuni
Ghazal

merii vahshat ko na raas aa.ii ye qaid-e-aadaab
zikr phir meraa tire naam tak aa pahu.nchaa hai

Maher Chand Kausar
Ghazal

aadaab-e-tamaashaa se vaaqif kab shaiKH-o-barahman the varna
but-KHaane me.n bhii kaa'ba thaa kaa'be me.n bhii but-KHaana thaa

Zaheen Shah Taji
Article

یعنی
چونتیس برس کی قید با مشقت کے کچھ حالات و واقعات

Mirza Farhatullah Beg
Article

حسرت موہانی نے اس صدی کے کروٹ بدلتے ہی اردو غزل میں تہذیب عاشقی کو جس طرح زندہ کیا اور عشق و محبت کو جس فطری معصومیت اور راحت و فراغت کے ساتھ بیان کیا، نیز ان کی عشقیہ شاعری میں جو ارضی وجسمانی کیفیت ملتی ہے اور اس کا اظہار جس شائستگی، لطافت اور تغزل کے رچاؤ اور رکھ رکھاؤ کے ساتھ ہوا ہے، وہ حسرت ہی کا حصہ ہے۔ وہ ہمارے بڑے شاعر نہ سہی، اہم اور اچھ...

Gopi Chand Narang
See All

DICTIONARY MATCHES

REKHTA DICTIONARY

qaid-e-aadaab-e-tamaashaa

क़ैद-ए-आदाब-ए-तमाशाقید آداب تماشا

restriction of code of conduct of spectacle

MORE MATCHES FOR "قید_آداب_تماشا"

Article

(کہت کبیر سنو بھئی مادھو) ان دنوں شام ڈھلنے سے پہلے ہر روز میں جو راستہ پکڑتا تھا وہ دریا کی طرف جاتا تھا۔ دریا کے کنارے سیتا کنڈ تھا، ایک دھرم شالہ، مندر اور کچھ مٹھ۔ سنا ہے کہ رام چرت مانس میں تلسی داس نے جو رام کیوٹ سمواد نظم کیا ہے اس کا محل وقوع یہی تھا: پات بھری سہری سکل ست بارے بارے کیوٹ کی جات کچھو بیدنا پڑھایمہوں جو گوتم کی دھرنی جیوں ترنی ترے گی موری دین بتہین کیسے دوسری گڑھائیہوں جو دریا کے دوسرے کنارے پر پانچویں پیرن کی بستی تھی۔ پانچ درویشوں کے مزار سے روشن۔ سیتا کنڈ سے ملحق ٹیلے کے دامن میں کربلا، جہاں دسویں محرم کو تعزیے دفنائے جاتے تھے۔ لگ بھگ ہر روز ایسا ہوتا کہ شام کواس مندر کی گھنٹیاں خاموش ہونے کے تھوڑی دیر بعد ایک سادھو کبیر داس کے بھجن الاپتا سنائی دیتا تھا ؎ کہت کبیر سنو بھئی سادھو۔ انہیں دنوں، شاید ’سات رنگ‘ میں مادھو سے ملاقات ہوئی تھی۔ جب بارش برسی لوگ بہت ہی روئے ہم مندر میں جاسوئے اس سادھو کو دیکھتے ہی مادھو کا خیال آتا۔ انسانی تجربے میں قافیے کبھی کبھار عجب انداز سے مل جاتے ہیں۔ مادھو کے بارے میں کچھ کریدسی ہوئی۔ بارے انتظار حسین کا مضمون ’’پوچھتے ہیں وہ کہ مادھو کون ہے‘‘ نظر سے گزرا مگر مادھو جوں کا توں بھید بنارہا۔ کریدتو باقی رہی لیکن اپنی الجھن کاجواب میں نے اس بات میں ڈھونڈ لیا کہ کبیر کے سادھو کا قافیہ مادھو سے ملتا ہے۔ قربت کے لیے اتنی شناسائی کافی ہے۔ یوں بھی کبیر کے ساتھ اپنا معاملہ عشق کا تھا۔ اس پھیر میں بنارس کے کئی چکر لگائے تھے اور مگہر کی زیارت بھی کر آیا تھا جہاں کبیر کی سمادھی اور مزار ہے۔ نہ جانے کیسے دل میں یہ بات آئی کہ کبیرداس کا سادھو ہی مادھو تک رسائی اور اس سے جان پہچان کا وسیلہ ہے۔ اس کے بہت دنوں بعد جب زاہد ڈار سے تعارف ہوا اس وقت تک مادھو کا چولا بدل چکا تھا۔ یا شاید میں جلدی میں غلط کہہ گیا۔ چولا نہیں صرف نام بدلا تھا۔ ’درد کاشہر‘ کی پہلی نظم زاہد ڈار نے اس طرح شروع کی تھی کہ، رحم مادر سے نکلنا مرا بے سود ہوا آج بھی قید ہوں میں یعنی کہ وہی پرانا قصہ، بھانت بھانت کے بندھنوں کا اور نجات کی ایک مستقل تمنا کا۔ چلتی چاکی دیکھ کے دیا کبیرا روئے دوئی پاٹن کے بیچ ما با کی بچا نہ کوئے میرا خیال ہے کہ زاہد ڈار کی شاعری میں مرکزی تجربے کی حیثیت بندھنوں کے اسی احساس کو حاصل ہے۔ دور دور تک پھیلا ہوا چھوٹی بڑی قیدوں کا ایک کبھی نہ ختم ہونے والا سلسلہ جہاں کوئی شے، کوئی مظہر، کوئی جذبہ آزاد نہیں ہے۔ اپنی ہستی سے ارض و سماکی کائنات تک جدھر نگاہ جاتی ہے اپنے آپ کو محصور پاتی ہے۔ کبیر کے یہاں اس حصار کاسلسلہ جیتی جاگتی دنیا سے شروع ہوتا ہے اور بھیدوں بھری اس ذات تک جاتا ہے جو دکھائی نہیں دیتی مگر انہیں ہر آن اپنے جبر کا احساس دلاتی ہے۔ دنیا کے بندھن، سماج کے بندھن، عناصر اور انا کے بندھن سے ٹکراتی ہے او رلوٹ جاتی ہے، سوائے روشنی کی اس لہر کے جس کا مخزن پریم کے ڈھائی اکشر ہیں۔ شاید اسی لیے کبیر کی پوری شاعری کا خمیر انکار، احتجاج اورایک ملال آمیز طنز کی پرپیچ باطنی کیفیت سے شرابور ہے۔ ان کی ہر واردات کے ایک سرے پر جسم ہے، دوسرے سرے پر روح۔ مستقل دونوں جکڑے ہوئے ہیں اور دونوں اپنے مقدر پر مشتعل ہیں۔ یہی ایک ایسا تجربہ ہے جو صدیوں کی تہذیبی تاریخ کے سفر میں اپنی مسلسل تکرار کے باوجود اب تک باسی نہیں ہوا۔ سو کبیر بھی کئی جگوں کی دھول میں لپٹنے کے باوجود پرانے نہیں ہوتے۔ ان کے جادو کی آنچ مشرق کے نیم خوابیدہ دشت و دیار سے لے کرمغرب کی نگہہ بیدار تک سبھی محسوس کرتے ہیں۔ ایذراپاونڈ نے کبیر سے رجوع محض فیشن کی خاطر نہیں کیا تھا۔ زاہد ڈار کے قصے میں کبیر کا یہ تذکرہ دورپاس کی بعض نسبتوں کے علاوہ کچھ اس وجہ سے بھی ہے کہ میں اپنی ایک نفسیاتی مجبوری پر قابو نہیں پاسکا ہوں۔ یہ مجبوری مسلسل ساتھ رہتی ہے۔ مادھو مجھے بار بار یاد آتا ہے، چنانچہ کبیر داس کا سادھو بھی، اور ایسا لگتا ہے کہ زاہد ڈار کے درد کا شہر جس گھڑی آباد ہوا، زاہد ڈار کی کہانی اس سے پہلے کی کئی صدیوں پر پھیلی ہوئی ہے۔ عنوان چاہے بدلتے جائیں، یہ کہانی بدلنے میں نہیں آتی۔ زاہد ڈار نے توصنعتی کمال اور سائنسی ترقی کے عہد کا ادراک بھی اسی پرانے محاورے کے مطابق کیا ہے۔ گہرے شہروں میں رہنے سے عظمت کااحساس مٹا لمبے حملوں پر جانے کا قدرت سے ٹکرانے کا ارمان مٹا (نئے شہر) جس دن میرے دیس کی ہلکی تیز ہوائیں انسانوں کے خوں سے بھرجائیں گی جس دن کھیتوں کی خاموشی بوجھل دھات کی آوازوں میں کھوجائے گی اس دن سورج بجھ جائے گا جیون کی پگڈنڈی اس دن سوجائے گی (زوال کا دن) آنکھیں کھول نہ اندھا بن تن اور من ہے تیرا دھن تارے چھوڑ، زمیں کو دیکھ اس کے ساتھ بندھے ہیں لیکھ محنت کر اور روٹی کھا آجا بھائی واپس آ لرمنتوف اور دوستوں فسکی بود لیئر اور استاں دال ایک سے ایک وبال گوتم بدھ اور افلاطون محض جنون نانک دیو اور بلھے شاہ سیدھی راہ (واپسی) یہ شاعری ہے کہ ساحری۔ زمین سے آسمان تک، موجودات سے مابعد الطبیعیات تک، ہر تجربہ اتنا بے ساختہ، بے ریا اور سادہ کا رہے جیسے زاہد ڈار شعر نہیں کہہ رہا ہے، سانس لے رہا ہے۔ ہر سانس کے ساتھ سُروں کی ایک مالا سی بنتی جاتی ہے۔ اس میں چھپی ہوئی ذہانت نہ تواکتسابی ہے نہ مصنوعی۔ بچہ جیسے چھوٹے سے کھلونے میں دنیا کا تماشہ سمیٹ لیتا ہے اسی طرح زاہد ڈار بھی گہری سے گہری بات بڑے بھولپن کے ساتھ کہتا ہے۔ وہ چوکنا پن، طراری، کاٹ اور پیچ، زبان و بیان کی وہ نفاست اور تراش خراش جو اردو کو فارسی سے ورثے میں ملی تھی، زاہد ڈار کی اس دنیا میں اس کا گزر نہیں۔ تجربے کو سوچنے اور محسوس کرنے میں جو فرق ہے، یعنی کہ وہی کبیر داس والی روش، زاہد ڈار منہ ہی منہ میں کچھ کہتا، سر جھکائے، اسی راہ پر جاتا دکھائی دیتا ہے۔ یہ اپنی روایت اور زبان کو اندر سے بدلنے کا عمل ہے۔ اور اس عمل میں حواس کی جو مستقل سرگرمی اور تجربے کی جو سچائی نظر آتی ہے وہ اسی لیے ہے کہ زاہد ڈار اپنے تخلیقی عمل میں اوپر سے کوئی کھوٹ شامل نہیں ہونے دیتا۔ ہر تجربے تک رسائی اس کی اپنی مرضی کے مطابق اور مزاج کے موافق ہوتی ہے۔ زاہد ڈار ہمارے زمانے کے ان مٹھی بھر شاعروں میں سے ہے جو زندگی سے بے خبری کی قیمت پر شاعری اور فن کا سودا نہیں کرتے۔ یوں کہنا چاہیے کہ اس کی شاعری اس کی اپنی زندگی کا مضافاتی علاقہ ہے۔ سرحدیں ایک دوسرے سے ملی ہوئی، جب جس وقت جی چاہا آن کی آن میں ادھر سے ادھر چلے گئے۔ اس طرح کی منتقلی میں دیر اسے لگتی ہے جو ایک مقام سے دوسرے مقام تک جانے سے پہلے پورے تام جھام اور اہتمام کا عادی ہو، لباس تبدیل کرنا، خوشبوئیں لگانا، آئینے سے ہم کلام ہونا، جسمانی سے زیادہ ذہنی عمل ہے۔ ٹھیک ہے، کہیں جانے کے لیے ساز، سامان اور سواری کی ضرورت پڑتی ہے مگر ایک سفر وہ بھی تو ہوتا ہے جس کی تمام منزلیں بیٹھے بیٹھے سر کرلی جاتی ہیں۔ تم تو فراق جی بیٹھے بیٹھے دور دور ہو آؤ ہو انتظار حسین کو اوبلو موف کے آئینے میں زاہد ڈار کی تصویر دکھائی دی تھی۔ اتفاق کی بات ہے کہ گنچردف کا یہ ناول پہلی ہی نظر میں مجھے بھی بہت بھایا تھا۔ اس لیے نہیں کہ یہاں اوبلو موف کے بہانے زاہد ڈار سے ملاقات ہوئی تھی، بلکہ اس لیے کہ اوبلو موف اپنی عزلت گزینی، تنہائی اور نکمے پن کے باوجود مجھے بہت بھرا پُرا، بہت مصروف اور باوقار دکھائی دیا۔ دنیا کو جاننے اور سمجھنے کا ایک طریقہ یہ بھی ہے۔ اسے برتنے کے لیے اس تک جانا یا اس کے کاروبار میں ہاتھ ڈالناناگزیر تو نہیں۔ مجھے چاق و چوبند، سرگرم اور باعمل لوگ برے نہیں لگتے۔ ان کی روزمرہ زندگی کا نظم و ضبط مجھے مرعوب کرتا ہے۔ لیکن وہ لوگ جو زندگی کا ایک مختلف طور اپناتے ہیں، جو کاروباری زندگی کے انتشار و ابتری میں بھی اپنے آپ کو بے قابو نہیں ہونے دیتے، جو داخلی سطح پر خود کو مطمئن اور منظم رکھتے ہیں، ان کی مدھم، ملائم ہستی میں مجھے ایک انوکھی کشش کااحساس ہوتا ہے۔ دوکناروں سے لگا ہوا، کناروں میں قید مگر کناروں پر برپا ہاؤ ہو کے طوفان سے بے نیاز، چپ چاپ بہتا ہوا دریا ایک الگ تجربہ ہے۔ وقت میں محصور بھی اور اس کی بندشوں سے باہر بھی۔ اس تجربے کی صورت ارضی ہی نہیں ایک اسرار آمیز روحانی واقعے کی بھی ہوتی ہے۔ سنا ہے کہ زاہد ڈار بھی بہت مصروف آدمی ہے۔ سو مصروفیتوں کی ایک مصروفیت تو اس کی وہ انتہائی نجی واردات ہے جس نے اسے پڑھنے لکھنے، دکھ سہنے اور سوچتے رہنے کے مستقل کام پر لگا رکھا ہے۔ ’محبت اور مایوسی کی نظمیں‘ زاہد ڈار کے اشعار کی دوسری کتاب ہی نہیں اس کے حواس کی ڈائری بھی ہے۔ اس ڈائری کے صفحوں پر تاریخیں یوں نہیں ہیں کہ ان میں بند تجربہ شخصی ہوتے ہوئے بھی آفاقی اور عصری ہونے کے باوجود لازوال ہے۔ یہ کتاب مجھے کوئی دوبرس پہلے موصول ہوئی تھی۔ جب سے اب تک وقفے وقفے سے کئی بار میں نے یہ کتاب اٹھائی ہے۔ کبھی ایسا بھی ہوا کہ بس ایک نظم یانظم کے چند مصرعے پڑھے اورکتاب پرے کھسکادی۔ وہ کتابیں جو تفریح، تعلیم یا وقت گزاری کا سا دھن نہ ہوں ان کے ساتھ اپنا یہی قصہ چلتا ہے۔ اس کا سبب یہ ہے کہ کسی بیرونی غایت یا جبر کے تحت دماغ کو تو راہ پرلگایا جاسکتاہے، مگر حواس اتنی سہولت سے پکڑ میں نہیں آتے۔ محبت اور مایوسی کی ان نظموں کا بھی یہی حال ہے۔ اگر ان کے معانی کی محض دریافت مقصود ہو تو، زاہد ڈار کیا میر و غالب کے کلیات سے بھی نمٹا جاسکتا ہے۔ لیکن اس سے نہ تو شاعری کا تقاضا پورا ہوتا ہے نہ اپنے مطالعے کا مقصد۔ یہاں معاملہ نجی تجربوں اور ایک شخصی واردات کو محسوس کرنے کا ہے۔ یہی احساس بالآخر پڑھنے والے کو ان تجربوں کے اسرار تک لے جاتا ہے۔ زاہد ڈار کی یہ نظمیں پڑھتے وقت مجھے ایسا لگا کہ گویا افسردگی اور ملال کے مختلف موسم ہیں جن سے ہمارے احساسات گزر رہے ہیں۔ یہ سفرکب اچانک ایک نئے ادراک یا جانے پہچانے تجربوں کی ایک نئی بصیرت تک جاپہنچتا ہے، ان نظموں کو پڑھتے وقت اس بات کا خیال بھی نہیں آتا۔ زاہد ڈار اپنے تجربوں کی روداد سناتے سناتے یکایک بیچ سے غائب ہوجاتا ہے۔ ان نظموں میں کسی نہ کسی مقام پر اظہار کی کوئی ایسی تصویر سامنے آجاتی ہے جو رنگوں کی بارش کے بجائے سچائی کی کسی نئی لہر، کسی نو دریافت مفہوم کی ترسیل کرتی ہے۔ اس نقطے پر نظم کے بنیادی محرک کی حیثیت رکھنے والے تجربے کی روح کا سامنا ہوتا ہے اور پڑھنے والا نظم کے شاعر کی طرف سے آنکھیں بند کرکے اب ایک نئے ذہنی مسئلے میں الجھ جاتا ہے۔ صوفی سنت کہانیاں سناتے سناتے کبھی بیچ میں، کبھی آخر میں ایسی کوئی بات کہہ جاتے تھے جو برسوں بلکہ صدیوں کے تجربے کا نچوڑ یا دانش کا جوہر ہوتی تھی۔ تب پتاچلتا تھاکہ کہانی کی حیثیت تو یہاں بس ایک بہانے کی تھی۔ مجھے زاہد ڈار کے ایک دوست (غالب احمد) کی اس رائے سے جس کا حوالہ یہ نظمیں ہیں اتفاق نہیں کہ زاہد ڈار نے ’’شعوری یا نفسیاتی سطح‘‘ پر وجودیت کی نفی کے ساتھ اپنے شعری وجدان کا سفر شروع کیا تھا۔ وجودیت کے و ہ معنی جو اس رائے سے ظاہر ہوتے ہیں، اس تک پہنچنے میں تو بڑے سے بڑا غالی وجودی بھی ہانپ جائے گا۔ وجودی تجربہ گردوپیش کی زندگی اور دوسرے افراد کے سیاق میں ہی اپنی تشکیل کرتا ہے۔ یہ صحیح ہے کہ زاہد ڈار نے ان نظموں میں جسم کی صداقت پر اصرار کیا ہے مگر یہ بات بھی یاد رکھنی چاہیے کہ جسم کی صداقت پر اصرار، اس جسم میں چھپی ہوئی روح کے وجود سے انکار کا مترادف نہیں ہے۔ ایسا ہوتا تو پھر بات ہی کیا تھی۔ ہمارے لیے نظمیں لکھنے کے بجائے زاہد ڈار کو اپنی تمام ذہنی اور جذباتی سرگرمیاں محبوب سے وصل کے تقاضے تک سمیٹ لینی چاہیے تھیں۔ ان نظموں کے واسطے سے محبت کرنے والا بھی اور وہ شخص بھی جس سے محبت کی گئی، دونوں اپنے پورے وجود کی خبر دیتے ہیں اور ہمارے لیے یہ گنجایش نہیں چھوڑتے کہ ہم اس غیر منقسم وجود کا تیاپانچہ کرسکیں۔ اسی لیے تو یہ محبت روایتی عاشق کی افلاطونیت اور کاروباری عشق کی واحد المرکزیت، دونوں سے زیادہ سچی اور جاندار نظر آتی ہے۔ یہ محبت زاہد ڈار کو اندھا نہیں کرتی بلکہ اس کی بصیرت کو روشن کرتی ہے۔ اسے زندگی اور کائنات اور اشیاء اور تجربوں اور مظاہر کو سمجھنے کی ایک نئی راہ دکھاتی ہے۔ ہر سچائی کے نئے معنی سمجھاتی ہے۔ اسے شاید پہلے سے زیادہ دانشمند بناتی ہے۔ ان نظموں میں محبت اور محبت کی بخشی ہوئی اداسی دونوں کا ظہور جاگتے ہوئے کرداروں کی صورت ہوا ہے۔ ان کرداروں کی مدد سے زاہد ڈار کو آگہی کے بہت سے ان دیکھے جزیروں کا سراغ ملا ہے۔ اور وہ بات جو میں نے ابھی ذرا دیر پہلے کہی تھی کہ صوفی سنت سیدھی سادی کہانیوں کے بیچ رواروی میں ایسی گہری باتیں کہہ جاتے تھے گویا کہ انہی کی خاطر کہانی کا سارا جال پھیلایا گیا تھا، زاہد ڈار کی ان نظموں پر بھی ایک حد تک صادق آتی ہے۔ آگہی کے کئی جزیرے ان نظموں کی سطح سے سراٹھاتے ہیں اور ہمیں ٹھہرنے کی دعوت دیتے ہیں۔ جب میں پہلی بار آسمان سے اترا تو زمین نے میرے ساتھ اچھا سلوک نہیں کیا آخری راستے پر چلتے چلتے مجھے اندھیرے نے گھیرلیا وہ میری طرف ایسے دیکھتی ہے جیسے میں کچھ بھی نہیں ہوں تم کسی کو سمندر سمجھ کراس میں ڈوب جانا چاہتے تھے لہروں نے تمہیں باہر پھینک دیا اندھیرے میں میری آنکھوں نے سب کچھ دیکھ لیا روشنی میں کچھ بھی دکھائی نہیں دیتا کچھ لوگ زندہ رہتے ہیں کچھ لوگ مرتے رہتے ہیں جو زندہ رہتے ہیں وہ آخر مرجاتے ہیں میں کبھی نہیں مروں گا کہ میں زندہ ہی نہیں رہا وقت کے سامنے سب بے بس ہیں وقت سب سے بے نیاز گزرتا جاتا ہے وقت کا نہ کوئی آغاز ہے، نہ انجام جو شروع ہوتا ہے وہ ختم بھی ہوتا ہے جو پیدا ہوتا ہے وہ مرتا بھی ہے میں دنیا کے ہنگاموں سے غافل ہوں انسانوں کا شور میری ذات کی سرحدوں پر رک جاتا ہے اندر آنا منع ہے میرے دل کا دروازہ بند ہے میں صدیوں سے اس کا انتظار کر رہا ہوں لیکن ایک لمحہ بھی نہیں گزرا اس کی غیرموجودگی میں میں زندہ نہیں رہا پانی کا بہاو تیز ہے لیکن پانی سوچ نہیں سکتا ہوائیں اندھی ہیں سورج بے نیاز ہے ہمارا اس کائنات میں کوئی دوست نہیں کوئی دشمن نہیں، ہمارے سوا کسی نے مجھے آواز دی میرے اندر بارش ہوتی رہی لیکن میں آگ میں جلتا رہا جو لوگ ابھی زندہ ہیں ان میں سے اکثر مرچکے ہیں جو لوگ مرچکے ہیں ان میں سے کچھ ابھی زندہ ہیں یادیں اور موسم بار بار واپس آتے ہیں میری زندگی ایک طویل دن ہے۔ دن کے وقت ستارے دکھائی نہیں دیتے میرے مقدر میں رات نہیں ہے یہ صرف چند مثالیں ہیں۔ لگ بھگ دوسوصفحوں کی اس کتاب میں ایسے بہت سے جزیرے ہیں۔ ان سب کی سطح کے نیچے وہی منظر ہے جو ان کے اطراف دکھائی دیتا ہے۔ ان سب کا محور ایک ہے اور ان کا بنیادی تجربہ برقی توانائی کی ایک ہی رو سے چمٹا ہوا ہے۔ لگتا ہے کہ زاہد ڈار دور دراز کے سفر سے لوٹا ہے اور اب تنہائی کے دریچے سے آنکھیں لگائے دور پاس کے منظر دیکھ رہا ہے اور اپنے سفر کا حساب کر رہا ہے، مجذوبانہ استغراق کی ایک اتھاہ کیفیت کے ساتھ۔ زاہد ڈار نے شعر نہیں کہے، باتیں کی ہیں۔ کبھی اپنے آپ سے اور کبھی دنیا سے۔ مگر ہم کلامی کے آداب وہی ہیں جو خودکلامی کے ہیں۔ بعض اوقات تو مجھے گمان ہوا کہ یہ پوری کتاب ہی ایک طویل خودکلامی ہے۔ یوں بھی، زاہد ڈار کو زیادہ بولنے کی عادت نہیں۔ گرہ میں کہنے کی بہت سی باتیں ہوں تو آدمی اسی حال کو پہنچتا ہے۔ میری اس کی ملاقات بس ہوائی ہے۔ سنا ہے کہ ایک بار وہ ویزا پاسپورٹ لیے بغیر لدھیانے تک آیا اور واپس چلا گیا۔ شاعری، زندگی، دوستی، سفر ہو کہ حضر، زاہد ڈار اپنی شرطیں چھوڑنے پر تیار نہیں ہوتا۔ حد تو یہ ہے کہ دنیا اور کائنات سے تعلق کی بھی اس نے ایک شرط مقرر کرلی ہے۔ فطرت کے مناظر اور انسانوں کے کارنامے سب بیکار ہیں دنیا کی ساری کتابوں میں لکھی ہوئی تمام باتیں بے معنی ہیں دنیا کے تمام گھر خالی ہیں سارے شہر ویران ہیں نہ میں سوچ سکتا ہوں نہ محسوس کرسکتا ہوں خواب بھی نہیں دیکھ سکتا سورج اور ستارے چمکتے رہیں یا بجھ جائیں دریا بہتے رہیں یا رک جائیں پہاڑ کھڑے رہیں یا دھواں بن کر اڑجائیں جنگل اور باغ لہلہاتے رہیں یا جل کر راکھ ہوجائیں میرے لیے سب برابر ہے اس اعترافی بیان میں زاہد ڈار کی قائم کردہ شرط بار بار سامنے آتی ہے، ایک متواتر وقفے کی طرح سچی شاعری وہی ہے جہاں وقفہ بھی گویائی پر قادر ہو ورنہ تو سارا کھیل بس لفظوں کا رہ جاتا ہے۔ بہت دن ہوئے زاہد ڈار نے کہا تھا، ایسے میں کوئی آئے اور مجھ کو یہ بتائے میں کون ہوں، کہاں ہوں اور کس لیے ہوں باقی تاروں کی روشنی میں مہمل ہیں ساری باتیں سب گیت اور نظمیں سب فلسفے، کتابیں لفظوں کے سلسلے ہیں لفظوں کے سلسلے ہیں (اپریل ۱۹۸۶ء)

Shamim Hanafi
Short story

یہ روز صبح دیوڑھی کا مردانہ حصہ جھاڑنا پونچھنا، گلدانوں میں تازہ پھولوں کی ٹہنیاں سجانا۔ قالینوں پر برش کرنا اور بڑی سی کپڑے کی جھٹکنی لے کر گھنٹوں سنگ مرمر کے اسٹیچو، پتیلی مورتیاں، قد آدم آئنوں اور مخملی صوفوں کی گرد جھاڑنا، بڑی صاحبزادی کے چڑ چڑے بدمزاج بچوں کو گود میں لادے رہنا اور دوڑ دوڑ کے دن بھر میں بیسیوں بار مردانہ حصہ میں ہر ایرے غیر کو ...

Najma Nikhat
Article

پھول والوں کی سیر بھی اسی محبت باہمی کا نتیجہ تھی۔ ہوا یہ کہ اکبر شاہ ثانی اپنے منجھلے بیٹے مرزا جہانگیر کو ولی عہد بنانا چاہتے تھے۔ سراج الدین ظفر بڑے بیٹے تھے مگر باپ بیٹے میں صفائی نہ تھی۔ مرزا جہانگیر کو بادشاہ بہت چاہتے تھے اور کیوں نہ چاہتے۔ مرزا کی والدہ نواب ممتاز محل کا قلعے میں زور تھا۔ بادشاہ سلامت اور بادشاہ بیگم دونوں نے ریزیڈنسی میں ک...

Mirza Farhatullah Beg
Short story

بازاری قسم کے مولوی، ملا جن کے پاس دیوبند یا مدرسہ امینیہ کی سند نہیں ہوتی، جہلا پر رعب جمانے کی غرض سے اپنی زلفیں بڑھاکر سال میں ایک مرتبہ اجمیر کا ’’حج‘‘ ضرور کرتے ہیں۔ اس سفر کے مقاصد کو مذہب، تصوف، روحانیت یا کم سے کم سیاست اور قومیت سے کوئی تعلق نہیں ہوتا۔ یہ خالص تجارتی معاملہ ہوتا ہے اورمحض تجارت کو فروغ دینے کی نیت سے یہ کام مذہبی فریضہ سمج...

Kausar Chandpuri
Article

فلمیں ہمیشہ سے ہی تفریح کا آسان اور سستا ذریعہ رہی ہیں۔طبقہ اشرافیہ سے لے کرعوامی طبقہ تک کی دلچسپی فلموں میں پائی جاتی ہے۔آج کمپیوٹر اور انٹرنیٹ کے زمانے میں تفریح کے متعدد ذ رائع پیدا ہوگئے ہیں۔پھر بھی فلمی صنعت آج بھی فروغ پذیر ہے۔آج بھی فلم اور فلمی ادب لوگوں میں مقبول ہیں۔ ہندوستان میں فلمی صنعت کا آغاز ۱۹۱۳ء میں راج گووند پھالکے کے ذریعے بنائی گئی خاموش فلم ’’راجہ ہریش چندر‘‘ سے ہوا۔اس عہد میں تفریح کے اس نئے رنگ نے لوگوں کو حیرت آمیز مسرت سے دوچار کیا۔ناظرین نے اس فلم کی بھرپور پذیرائی کی۔بعد ازاں پھالکے صاحب نے متعدد خاموش فلمیں مثلاً ستیہ وان ساوتری،لنکا دہن،بھسماسر موہنی،کالیا مردن ، شری کرشن جنم وغیرہ بنائیں۔پھالکے صاحب کے علاوہ دیگر فلم سازوں کے ذریعے بھی خاموش فلمیں بنتی اور مقبول ہوتی رہیں۔ساتھ ہی ساتھ خاموش فلموں کو آوازوں سے مزین کرنے کی کوششیں بھی جاری رہیں۔بالآخر ۱۹۳۱ء میں ارد شیر ایرانی نے پہلی متکلم فلم ’’عالم آرا‘‘ بناکر ہندوستانی فلمی شائقین کے ذوقِ تماشہ کو تسکین عطا فرمائی۔ارد شیر ایرانی کے تجربات سے فیضیاب ہوکر دیگر فلم سازوں نے اسی سال بائیس فلمیں بناکر متکلم فلموں کے ارتقائی سفر کی بہترین شروعات کردی۔ قابل غورامریہ ہے کہ ہندوستانی فلم پہلی بار گویا ہوئی تو اس کی زبان اردو تھی اور آج بھی فلم اردو میں کلام کرتی ہے۔یہ ایک طرف اگر ہندوستانی فلم کی خوش نصیبی تھی کہ اردو لب و لہجے کی چاشنی اور زبان کے بانکپن کی وجہ سے فلموں کا جادو سر چڑھا ، وہیں دوسری طرف فلموں کے ذریعے اردو زبان پورے برِ صغیر میں مقبولِ خاص و عام ہوئی۔خواص و عوام میں اردو سے شناسائی اور آشنائی کا احساس فلموں کے وسیلے سے پیدا ہوا۔فلموں کے اسکرپٹ،گانے اور مکالمے ہی فلم کا ذریعہ ٔ اظہار ہیں اور اس لحاظ سے دیکھا جائے تو فلموں کی ساری فنکاری اردو زبان کے وسیلے سے کی جاتی ہے۔فلموں میں جتنے نغمے لکھے جاتے ہیں،وہ اردو شاعری کی بحروں میں ہوتے ہیں۔ مکالموں کی ادائیگی اردو تلفظ میں کی جاتی ہے لیکن ان سب کے باوجود ہندوستانی فلموں کو ’’ہندی فیچر فلم ‘‘کا سرٹیفکٹ دیا جاتا ہے۔حتیٰ کہ جن فلموں میں مسلم معاشرت اور اردو تہذیب کی عکاسی ہوئی، انہیں بھی ہندی فیچر فلم کی سند سے ہی نوازا گیا ۔اس تناظرمیں پریم پال اشک کا بیان قابل غور ہے: ’’برٹش حکومت کے دوران بھی اگرچہ سنسر بورڈ کا اردو کے تئیں رویہ منافقانہ ہی رہااور حکام اردو سرٹیفکٹ جاری کرنے سے کتراتے رہے اور اس کی بجائے ہندوستانی زبان کے نام پر فلم سرٹیفکٹ جاری کرتے رہتے تھے،جبکہ ہندوستانی نام کی چڑیا کم از کم ہندوستان میں تو اڑتی نظر نہیں آتی تھی۔یہ برٹش حکومت کی عوام کو بے وقوف بنانے کی ایک چال تھی۔ اس زمانے میں عوام کی زبان واضح طور پر اردو تھی یا ہندی۔مشترک زبان یعنی ہندوستانی تو صرف ایک بولی تھی ،زبان نہیں اور فلموں کی زبان اردو تھی۔‘‘ بہر کیف ! سرٹیفکٹ سے قطع نظر یہ ایک حقیقت ہے کہ آغاز سے تاحال ،فلمیں اردو میں بنتی رہی ہیں۔فلموں کی اسکرپٹ، اس کے مکالمے اور نغمے سبھی اردو زبان و ادب کی چاشنی سے لبریز رہتے ہیں۔تاریخ شاہد ہے کہ جس فلم کی درو بست سے اردو کو خارج کیا گیا، اس فلم کو ناظرین نے خارج کردیا۔رشی کیش مکرجی نے اپنی فلم ’’چپکے چپکے‘‘ کے چند مناظر میں خالص ہندی مکالموں کے التزام سے کامیڈی سین تخلیق کیا ہے۔یہ اردو کی لطافت اور دلکشی پر دال ہے۔سچ تو یہ ہے کہ اردو ایک لطیف ترین زبان ہے اور ناظرین و سامعین کا مائل بہ تفریح ذہن لطافت چاہتا ہے،ثقالت نہیں۔ وسیلہ ٔ اظہار کے طور پر ہندوستانی فلموں میںاردو کے بنیادی رول کے علاوہ موضوعاتی اعتبار سے بھی اردو کو ہمیشہ ہی ایک خاص اہمیت حاصل رہی۔اردو مکالموں اور نغموں کو غیر اردو داں طبقے کے ناظرین اور سامعین کے درمیان بھی بھرپور پذیرائی ملتی رہی ہے۔اس چیز نے فلم سازوں کو اردو تہذیب و معاشرت کو موضوع بنانے کے لئے ہمیشہ مہمیز کیا ۔یہی وجہ ہے کہ فلم سازی کی تاریخ میں ابتدا سے تا حال مسلم معاشرہ اور اردو کلچر پر مبنی فلموں کو اہم مقام حاصل رہا۔متکلم فلموں کی ابتدا ہی ’’عالم آرا‘‘ سے ہوئی جو مذہبی رنگ لئے ایک مسلم معاشرتی فلم تھی۔چونکہ سیاسی اور معاشرتی اعتبار سے یہ ایک ایسا دور تھا جب عوام پر اردو کی مشترکہ تہذیب کا اثر زیادہ رہا۔اس لئے اس دور میں عوام کی پسندیدگی کے اعتبارسے لیلیٰ مجنوں، شیریں فرہاد، سوہنی مہیوال،مرزا صاحباں،حاتم طائی،علی بابا چالیس چور،چہار درویش، سخی لٹیرا، زہر عشق،صید ہوس،یہودی کی لڑکی، جادوئی چراغ،پاک دامن رقاصہ وغیرہ جیسی بے شمار فلمیں بنیں۔ مغلیہ حکومت اپنے پورے تزک و احتشام کے ساتھ سرزمین ہند پر حکومت کا ایک طویل دورانیہ گذار کر نابود ہوچکی تھی۔لیکن ان کا حسن تدبر، شان و شوکت، فہم و فراست، حسن و عشق اور مشترکہ تہذیب و تمدن کا تاثر ہندوستانی ذہن پر بہت گہرا اور دیرپا رہا۔ ۱۹۳۱ء سے ۱۹۶۶ء تک مغلیہ سلطنت ہندوستانی فلم سازوں کا دل پذیر موضوع رہا۔ یہ باب یہاں پر بند نہیں ہوا بلکہ ۲۰۰۸ء میں قصہ پارینہ کی بازگشت ’’ جودھا اکبر‘‘کے ذریعہ پھر سنائی دی۔ بابر،ہمایوں،اکبر،جہانگیر،شاہ جہاں، نورجہاں، جہاں آرا،ممتاز محل،جودھا بائی،انارکلی،شیرافگن،بہادر شاہ ظفرغرضیکہ مغلیہ سلطنت کے تمام یادگار کرداروں اور پہلوؤں کو ہندوستانی فلموں کے ذریعہ احاطہ کرنے کی کوشش کی گئی۔بعض پہلوؤں اور کرداروں پر متعدد بار فلمیں بنیں اور مقبول ہوئیں۔بعض فلموں نے کامیابی کی ایک نئی تاریخ لکھی۔اس فہرست میں اولین نام ’’پکار‘‘ کا ہے۔’’پکار‘‘ سہراب مودی کی ایک کامیاب ترین تخلیق ہے۔اس فلم میں مغل حکمرانوں کی بے پناہ شان و شوکت کو اس انداز میں فلمایا گیا کہ تاریخی فلموں کی پیشکش کے لئے یہ ایک سنگ میل ثابت ہوا۔۱۹۳۹ء میں بنی یہ فلم عدل جہانگیری کی ایک بین مثال تھی۔ ادبی سطح پر ’’پکار‘‘ کا امتیاز یہ ہے کہ اس فلم کے مکالمے رواں،سہل اور چست تھے۔مغلیہ سلطنت سے متعلق فلموں میں نور جہاں، انارکلی،جہاں آرا، تاج محل خاص اہمیت اور مقبولیت کے حامل ہیں۔یہ فلمیں مختلف ادوار میں دو دو تین تین بار بنیں اور مقبول ہوئیں۔لیکن جو مقبولیت کے۔آصف کی ’’مغل اعظم‘‘ کے حصے میں آئی وہ بے مثال اور لازوال ہے۔ ۱۹۶۰ء میں بنی اس فلم نے کامیابی کے نئے ریکارڈ قائم کئے۔آج بھی یہ فلم شائقین کی بھیڑاکٹھا کرنے کی قدرت رکھتی ہے۔ فلم کے عالمی تناظر میں ہندوستان کو ’’مغل اعظم‘‘ کے حوالے سے جانا جاتا ہے۔شہزادہ سلیم اور انارکلی کے عشق کی اس لافانی داستان نے محبت کرنے والوں کو ایک نیا فکر و فلسفہ عطا کیاہے۔ناظرین نے یہ مشاہدہ کیا کہ محبت کسی بھی رنگ، نسل، ذات، سرحد،ملک اور ز مان و مکان کی حدود و قیود سے ماورا ہے۔محبت کی یہ باغیانہ لَے زمان و مکاں سے پَرے آفاقیت کا استعارہ بن گئی۔’’مغل اعظم‘‘فلمی تاریخ میںہر اعتبار سے ایک شاہکار فلم تسلیم کی گئی ہے۔اس فلم کی شان وشوکت، منظرنامہ، مکالمہ نگاری،نغمے، موسیقی،رقص، صوتی تاثر ہر ایک اپنی مثال آپ ہے۔عموماًفلموں کے گیت زبان زد خاص و عام ہوتے ہیںلیکن اس فلم کے مکالمے بھی عوامی یادداشت کا حصہ بنے رہے۔وجاہت مرزا، کمال امروہوی،امان اللہ خان اور احسن رضوی نے اپنے مکالمے کے ذریعہ اس فلم کو مقبولیت کے بام عروج پر پہنچا دیا۔مغل اعظم کے مکالمے اردو کی تہہ دار معنویت،اثر آفرینی اور سحر انگیزی کی بہترین مثال ہیں۔شہنشاہ اکبر کی بلند آہنگی، شہزادہ سلیم کی رومانیت، انارکلی کی نزاکت، بہارؔ کی ہوش ربا فتنہ پردازیاں مکالموں کے توسط سے کمال خوبی کے ساتھ نمایاں ہوئی ہیں۔اس کمال اظہار کے لئے اردو زبان کے سوا کوئی دوسرا متبادل ممکن نہیں تھا۔اس فلم کے نغمے بھی لازوال ہیں۔آج ساٹھ سال گذرنے کے بعد بھی ان گیتوں کی تازگی روز اول کی طرح برقرار ہے۔یہ اردو شاعری کی لطافت اور سحر آفرینی کی کھلی دلیل ہے۔ مغلیہ سلطنت کے بانیوں اور حکمرانوں کے علاوہ ہندوستان پر حکمرانی کرنے والے دیگر بادشاہوں، شہزادوں، نوابوں، جانبازوں اور جابروں پر بھی فلمیں بنیں جن میں اردو تہذیب و تمدن اور مسلم معاشرت کی عکاسی کی گئی۔ایسی فلموں میں رضیہ سلطانہ،ٹیپو سلطان، نواب سراج الدولہ،غازی صلاح الدین،سکندر اعظم،واجد علی شاہ،چنگیز خان،ہلاکو خان،نادر شاہ وغیرہ پر بننے والی فلمیں خاص طور پر اہم ہیں۔یہ فلمیں الگ الگ ماحول کی نمائندگی کرنے کے باوجود بنیادی طور پر اردو تہذیب و معاشرت کی عکاس ہیں۔ مسلم خواتین کو مرکزی کردار بناتے ہوئے بھی متعدد فلمیں بنائی گئیںجن میں حیادار عورتوں کی پاکیزگی کو موضوع بنایا گیا۔ان فلموں کا بیانیہ اور مکالمہ اردو تہذیب کی امتیازی علامت رہا۔رشیدہ،عصمت،شہناز،نیلوفر،بانو،انجمن، سلمیٰ، زینت، یاسمین،نرگس، نیک پروین، لبنیٰ،نجمہ،روشن آرا، ریحانہ،عابدہ وغیرہ فلموں کی ایک طویل فہرست ہے جن میں عورت کے مثالی کردار کو پیش کیا گیا ۔ان عورتوں کا تعلق خواہ کسی ماحول اور طبقے سے رہا لیکن اعلیٰ اخلاقی صفات ان میں قدر مشترک کی حیثیت رکھتا ہے۔نا مساعد حالات اور وقت کی ستم ظریفی کے جبر کے باوجود صبر و استقلال کا دامن تھامے یہ خواتین انجام کار زندگی میں سرخرو ٹھہرتی ہیں۔درج بالا تمام فلمیں ۱۹۳۱ء سے ۱۹۶۰ء کے دورانیہ میں تشکیل پائیں۔ اردو تہذیب و معاشرت کی آئینہ دار فلموں میں ایک کثیر تعداد ان فلموں کی ہے جو اسلام کی بنیادی تعلیمات پر مبنی رہیں۔مثلاً شانِ خدا، خانۂ خدا، دیار مدینہ، نیاز اور نماز،نورِ اسلام ،بسم اللہ کی برکت،دیارِ حبیب، دین اور ایمان، اللہ کا انصاف ،نورِ وحدت، خدا کا فیصلہ، مدینے کی گلیاں وغیرہ ۔وہیں دوسری طرف اولیا ء دین کی محبت، عظمت اور فقیرانہ شان کو بھی متعدد فلموں کے ذریعے ظاہر کیا گیا۔مثلاً میرے غریب نواز،اولیا ء اسلام، سلطانِ ہند، فخرِ اسلام، شانِ حاتم، زیارت گاہِ ہند، بابا حاجی ملنگ،بندہ نواز،ولی اعظم وغیرہ۔ دہلی، لکھنؤ اور حیدرآباد کے تہذیبی پس منظر میں بنی چند فلموں کے خصوصی ذکر کے بغیریہ مقالہ تشنہ رہے گا۔یہ فلمیں ہیںـــ۔۔۔۔۔۔۔گرودت کی ’’چودھویں کا چاند‘‘ (۱۹۶۰ئ)، آر ۔چندا کی ’’برسات کی رات ‘‘ ( ۱۹۶۰ ء )، ایچ۔ایس رویل کی ’’میرے محبوب‘‘ (۱۹۶۳ئ)،جاں نثار اختر کی ’’بہو بیگم‘‘ (۱۹۶۶ئ)، ونود کمار کی ’’میرے حضور‘‘ ( ۱۹۶۷ئ)، ایس ۔ یو۔سینی کی ’’پالکی‘‘ (۱۹۶۷ئ)، کمال امروہوی کی ’’پاکیزہ‘‘ (۱۹۷۲ئ)، مظفر علی کی ’’امراؤ جان ادا‘‘ (۱۹۸۱ئ) وغیرہ۔ ان سبھی فلموں میں مسلم معاشرت اور اردو تہذیب و تمدن پوری طرح جلوہ ساماں ہے۔خاص بات یہ ہے کہ اردو نغمے ان فلموں کی مقبولیت کا سب سے بڑا سبب بنے اور آج بھی ان نغموں کی گنگناہٹ عام ہیں۔یہ تمام فلمیں رومان پرور حکایتوں سے لبریز ہیں۔ ’’چودھویں کا چاند‘‘ پردہ نشیں ماحول میں محبوبہ کی شناخت کا افسانہ ہے۔اس فلم میں لکھنؤ کی تہذیب کی بہترین عکاسی ملتی ہے۔یہ فلم دوستوں کی جاں نثاری، محبوب کی دلربائی اور حالات کی ستم ظریفی کی داستان ہے۔اس فلم کے نغمے بڑے سریلے اور سماعت کو راحت پہنچانے والے ہیں۔ ٭ چودھویں کا چاند ہو یا آفتاب ہو ٭ شرماکے کچھ پردہ نشیں آنچل کو سنوارا کرتے ہیں ٭ ملی خاک میں محبت جلا دل کا آشیانہ ’’میرے محبوب‘‘ علی گڑھ یونیورسٹی کیمپس میں ایک پردہ نشیں کی محبت میں گرفتار ہوجانے والے نوجوان کی رومان انگیز کہانی ہے۔یہ فلم لکھنؤ کی تہذیب و معاشرت کی بہترین نمائندگی کرتی ہے،ساتھ ہی ساتھ محبت کی تثلیث کو بھی بیان کرتی ہے۔چند نغمے ملاحظہ ہوں: ٭ میرے محبوب تجھے میری محبت کی قسم ٭ تیرے پیار میں دلدار جو ہے میرا حالِ زار ٭ یاد میں تیری جاگ جاگ کے ہم رات بھر کروٹیں بدلتے ہیں ’’میرے حضور‘‘ بھی لکھنوی پس منظر میں پردہ نشیں محبت کی کہانی ہے۔اس فلم میں بھی محبت کی تثلیثی شکل سامنے آتی ہے۔اردو تہذیب اور اردوزبان اس فلم میں بھی لشکارے مار رہی ہے۔اردو کی چاشنی ملاحظہ ہو: ٭ کیا کیا نہ سہے ظلم و ستم آپ کی خاطر ٭ رخ سے ذرا نقاب ہٹادو میرے حضور ٭ غم اٹھانے کے لئے میں تو جئے جاؤں گا ’’پالکی‘‘ کی کہانی بھی رومانی ہے لیکن یہ رومان منفرد ہے جو شادی کے بعد شروع ہوتا ہے۔شوہر نوکری پر چلا جاتا ہے جہاں سے اس کی موت کی خبر آتی ہے۔اس دوران کافی جبر کے بعد ہیروئن دوسری شادی کے لئے آمادہ ہوتی ہے۔شادی کے وقت معلوم ہوتا ہے کہ اس کا پہلا شوہر زندہ ہے۔کہانی کافی ڈرامائی ہے اور نغمے بہت دلکش ہیں: ٭ کل رات زندگی سے ملاقات ہو گئی ٭ دلِ بے تاب کو سینے سے لگانا ہوگا ٭ چہرے سے اپنے آج تو پردہ اُٹھائیے ’’پاکیزہ‘‘کمال امروہوی کی ایک شاہکار فلم ہے جس میں طوائف،اس کا ماحول، ماحول کے تقاضے،اس کی بے بسی،بے چارگی اور داخلی جذبات کو موضوع بنایا گیا ہے۔پاکیزہ فلم کے نغمے اس کی ریلیز سے قبل ہی ہٹ ہوچکے تھے: ٭ انہیں لوگوں نے لے لی نا دوپٹہ میرا ٭ یوں ہی کوئی مل گیا تھاسر راہ چلتے چلتے ٭ آج ہم اپنی دعاؤں کا اثر دیکھیں گے ٭ موسم ہے عاشقانہ ٭ چلو دلدار چلو،چاند کے پار چلو ’’امراؤ جان ‘‘ مرزا ہادی رسوا کے ناول پر مبنی فلم ہے جسے مظفر علی نے کافی عمدگی اور مہارت سے بنایا ہے۔امیرن ؔ ایک شریف گھرانے کی بچی ہے جو اغوا ہوکر خانمؔ کے کوٹھے پر پہنچ جاتی ہے ۔پھر شروع ہوتی ہے کوٹھے پر اس کی زندگی اور اس کی تعلیم و تربیت جو اسے امراؤ جان بناتی ہے۔یہ فلم ایک طوائف کی زندگی،اس کے جذبات،اس کی داخلی کشمکش اور اس کے تاریک انجام کی دلدوز داستان ہے۔ساتھ ہی ساتھ اس عہد کی سیاسی اور معاشرتی زندگی کا آئینہ بھی ہے۔شہریارؔ کی غزلوں نے اس فلم کو اور سنوار دیا ہے: ٭ دل چیز کیا ہے آپ میری جان لیجئے ٭ ان آنکھوں کی مستی کے مستانے ہزاروں ہیں ٭ جستجو جس کی تھی اس کو تو نہ پایا ہم نے مذکورہ بالا فلمیں نہ صرف اردو تہذیب و تمدن کی شاہکار ہیں بلکہ اپنی اردو غزلوں کی وجہ سے فلم سازی کی تاریخ کا اٹوٹ حصہ بن چکی ہیں۔ متکلم فلموں کی ابتدا سے اب تک اردو تہذیب اور مسلم معاشرت کی عکاسی کرنے والی فلموں کی کثیر تعداد جہاں اس بات کا ثبوت ہیں کہ فلم سازوں نے ہر دور میں اردو تہذیب و معاشرت کی پیشکش پر خاص دھیان دیا ہے۔وہیں چند سلگتے سوالات بھی قائم کرتی ہیں کہ کیا اردو تہذیب اور مسلم معاشرت کی نمائندگی کے لئے ہیرو کا شاعر،قوال،نواب،شہزادہ یا عیاش ہونا ہی لازمی ہے ؟ کیا صرف پردہ نشیں یا شوہر کے بے جا جبر کا شکار عورت مسلم معاشرہ کی شناخت ہے ؟ اولیا ء دین اور سلاطین ہند کے علاوہ اردو تہذیب کی عکاسی کے لئے ہندوستانی فلم سازوں کے پاس تیسرا موضوع ہے ۔۔۔۔ ۔۔طوائف۔ حالانکہ ہندوستانی مسلمان بھی بے روزگاری،مہنگائی،کسمپرسی،بڑھتی ہوئی آبادی،سیاسی انتشار،سماجی نا برابری و رزرویشن جیسے سلگتے مسائل کا شکار ہیں جن مسائل میں ہندوستان کی بقیہ آبادی مبتلا ہے۔مذکورہ مسائل کو موضوع بناکر بھی اردو تہذیب و معاشرت کی عکاسی کی جاسکتی ہے۔چند ایک فلم سازوں نے وقتاً فوقتاً ڈگر سے ہٹ کر کوششیں کی لیکن یہ کوششیں مبہم اور غیر واضح رہیں۔ اس سلسلے میں سب سے اہم قدم ایس۔ایم۔ستھیو نے اپنی فلم ’’گرم ہوا‘‘میں اُٹھایا۔ اس فلم میں مسلمانوں کے معاشرتی اور سیاسی حالات پر روشنی ڈالی گئی ہے۔کرداروں کو بالکل فطری اور واقعی انداز میں پیش کیا گیا ہے۔اس فلم نے مسلم معاشرت کے تئیں فرسودہ روایت کو توڑا۔اب فلم میں مسلم کردار اردو تہذیب کے عکاس تو ہیں لیکن موجودہ حالات و موضوعات کی نمائندگی کی ذمہ داری کے بھی اہل ٹھہرے۔ راجندر سنگھ بیدی نے اپنی فلم ’’دستک‘‘ میں متوسط طبقے کے ایک کلرک کے حالات و مسائل کو پیش کیا،ساتھ ہی یہ پیغام دیا کہ ماحول اور مقام انسانی کردار کی شناخت مسخ کردیتے ہیں۔ مظفر علی نے ’’گمن‘‘ فلم میں ایک بڑے شہر کی افرا تفری کے تناظر میں ایک مسلم بے روزگار نوجوان کے مسائل کو موضوع بنایا ہے۔ساگر سرحدی نے ’’بازار‘‘ میں حیدرآباد کے مسلم معاشرے کے نوجوان لڑکے لڑکیوں اور ان کے والدین کی مجبوریوں اور مسائل کا جائزہ لیا ہے۔یہ فلم حیدرآباد کی اردو تہذیب و تمدن کی بہترین نمائندگی کرتی ہے۔’’سرداری بیگم‘‘ میں شیام بینیگل نے کلاسیکی گلوکارہ سرداری بیگم کی شخصیت کی عکاسی کرنے کے ساتھ ساتھ اردو ادب و آداب کو بڑی زندگی اور تابندگی کے ساتھ پیش کیا ہے۔یش چوپڑہ نے ’’نوری‘‘ میں ایک کشمیری جوڑے کے رومان کے وسیلے سے کشمیر ی تہذیب و تمدن کی عکس بندی کی ہے۔ساون کمار نے ’’صنم بے وفا‘‘ میں پٹھانوں کے خاندانی روایات اور دین مہر کی باریکیوں کو موضوع بنایا ہے۔ راج کپور کی ’’حنا‘‘ ،منی رتنم کی ’’بامبے‘‘ ، خالد محمود کی ’’فضا‘‘ ، عامر خان کی ’’فنا‘‘ ، انل شرما کی ’’غدر‘‘ اور ’’مشن کشمیر‘‘ مذکورہ تناظر میں اہم فلمیں ہیں۔یہ سبھی فلمیں اردو ہندی مشترکہ تہذیب کو پیش کرتی ہیں۔ان سبھی فلموں میں کم و بیش ہندوپاک سیاست، کشمیراور مقبوضہ کشمیر کی سیاست اور زبان کی سیاست کو موضوع بنایا گیا ہے۔سیاست کے نتیجے میں پیدا ہونے والی سماجی صورت حال اور اندر ہی اندر پنپنے والی شدت پسندی کو بھی نشانہ بنایا گیا ہے۔لیکن مذکورہ تمام فلموں میں محبت اپنی خالص شکل میں جلوہ نما ہے،مذہب،ذات،سرحد اور زبان کی تفریق سے بالاتر۔ان تمام فلموں سے جداگانہ عامر خان کی ’’سرفروش ‘‘ہے جس میں ایسے وطن فروشوں کی حکایت ہے جن کا نہ تو کوئی مذہب ہوتا ہے اور نہ ہی کوئی تہذیب ان پر اثر انداز ہوتی ہے۔ایسے وطن فروشوں کے متوازی کچھ سرفروش بھی ہوتے ہیں جو مذہب اور تہذیب کی حد بندیوں سے بلند ہوکر ملک کی سا لمیت اور بقا کے ضامن بنتے ہیں۔ ۱۹۸۲ء سے ۱۹۸۶ء کے دوران تین فلمیں آئیں۔۔۔۔۔۔نکاح، طوائف اور دہلیز۔’’نکاح‘‘ میں آج کی بیدار عورت کو پیش کیا گیا جو طلاق پاکر عضو معطل کی طرح گھر کی چوکھٹ کے اندر قید ہوکر نہیں رہ جاتی ہے بلکہ نئے سرے سے زندگی کی جدوجہد میں شامل ہوتی ہے اور اپنی شناخت حاصل کرنا چاہتی ہے۔دوسری شادی کرکے محبت کا سرور اور زندگی کا اعتبار پاتی ہے لیکن غلط فہمی میں پڑکر جب دوسرا شوہر طلاق دینا چاہتا ہے تو احتجاج کرتی ہے۔اپنی ذات کی نفی وہ برداشت نہیں کرپاتی ۔ اس فلم میں جدید ماحول کے تناظر میں اردو تہذیب و تمدن بھی نمایاں ہوا ہے اور عورت کی داخلیت زیادہ توانا ہوکر سامنے آئی ہے۔علیم مسرور کے ناول’بہت دیر کردی ‘ پر مبنی فلم ’’طوائف‘‘ ایک نئی جہت کا تعارف بنی ۔اس فلم کا ہیرو کرایہ کا مکان حاصل کرنے کے لئے ایک طوائف کو بیوی بناکر گھر لاتا ہے اور رفتہ رفتہ اس کے داخلی حسن اور اوصاف سے متاثر ہوجاتا ہے۔ ایک نچلے متوسط طبقے کے ماحول اور مسائل کی عکاسی اس فلم کے ذریعہ ہوئی ہے۔’’دہلیز‘‘ میں آج کے ماحول کی مسلم لڑکی جدید رہن سہن اور لباس میںملتی ہے۔پرانی محبت کی اسیر ہے لیکن شوہر کی پاسداری اور وفا شعاری میں اپنی محبت کو اس کی دہلیز پر قربان کردیتی ہے۔ وقت کے ساتھ ساتھ مذکورہ بالا فکر کچھ اور بالیدگی کے ساتھ اظہار کے پیرایے میں ڈھلتی ہوئی ملتی ہے۔یہ الگ بات ہے کہ مقدار بہت کم ہے لیکن معیار پر نظر رکھی جائے تو طمانیت محسوس ہوتی ہے۔اس سلسلے میں سب سے پہلے نندتا داس کی فلم ’’فراق‘‘ کا ذکر کرنا چاہوں گی۔ یہ فلم گجرات کے واقعات اور اس کے بعد کے اثرات کا ادبی اظہار ہے۔ اس فلم میں مذہب کو ہدف نہیں بنایا گیا ہے بلکہ مذہب کے سیاسی جنون کو نشانہ بنایا گیا ہے۔ ’’بلیک اینڈ وہائٹ‘‘ ظاہری طور پر دہشت گردی کے خلاف فلم ہے لیکن بنیادی طور پر اس فلم میں شعر و ادب کی آفاقیت اور اردو زبان کی بین الاقوامیت پر روشنی ڈالی گئی ہے۔ ’’ویر زارا‘‘ بین المذاہب عشق کی لازوال داستان ہے۔اس فلم میں بھی اردو ہندی مشترکہ تہذیب کو پیش کیا گیا ہے۔ چونکہ یہ کہانی کیرت پور(پنجاب) اور لاہور کے پس منظر میں ہے لہٰذا تہذیبی و تمدنی مماثلت یہ سوال قائم کرتی ہے کہ محض ناموں کا تفاوت دلوں کے بیچ سرحد قائم کرتا ہے یا خود غرضیاں سرحد کی لکیر کھینچتی ہیں ؟ حسن و عشق کا روحانی نظریہ اس فلم کی اساس ہے۔ فلم ’’مائی نیم از خان‘‘ مسلمانوں کے تئیں بین الاقوامی تعصب کی جانب اشارہ کرتی ہے۔ اس فلم میں اسلام کی اصل روح، اس کے پیغامات،حجاب اور اس کی معنویت،اسلامی تشخص، اسلامی رواداری اور ان سب سے بڑھ کر محبت کا آفاقی جذبہ اور اس کی سچائی کو پیش کیا گیا ہے۔’’چک دے انڈیا‘‘ میں حب الوطنی کے باوصف اقلیتی طبقے کے تئیں بے یقینی کی فضا کا جائزہ لیا گیاہے۔ بہر کیف ! گذشتہ دہائیوں کے دوران تنکے برابر ہی سہی، دل کو یہ سہارا حاصل ہوا کہ معاشرے کی عکاسی کے سب سے اہم ،توانا اور مؤثر ترین میڈیم ہندوستانی فلم نے مسلم معاشرے اور اردو تہذیب و تمدن کی موجودہ صورت اور درپیش مسائل کو سنجیدگی سے لیا ہے اور مختلف افکار و خیالات کو مختلف نقطہ نظر سے پیش بھی کیا ہے اور آخر میںجاوید اختر کی یہ نظم پیش ہے جو استعارہ ہے اس درد کا ،جو مشترکہ تہذیب کا امین ہونے کے باوجود تہذیبی تفریق سے پیدا ہوتا ہے: میں قیدی نمبر ۷۸۶ جیل کی سلاخوں سے باہر دیکھتا ہوں دن،مہینے،سالوں کو یُگ میں بدلتے دیکھتا ہوں اس مٹی سے میرے باؤجی کی کھیتوں کی خوشبو آتی ہے یہ بارش میرے ساون کے جھولوں کو سنگ سنگ لاتی ہے وہ کہتے ہیں یہ تیرا دیش نہیں پھر کیوں میرے دیش جیسا لگتا ہے وہ کہتا ہے میں اس جیسا نہیں پھر کیوں مجھ جیسا وہ لگتا ہے

Wasia Irfana
Article

वो जिस क़लंदराना इस्तिग़्ना के साथ ज़िंदगी की ने’मतों का और उसके अल्ताफ़ का ज़िक्र करते हैं, इसी फ़क़ीराना शान के साथ उसके दुख-दर्द की रूदाद भी बयान करते हैं, जिस इस्तिग़राक़ के साथ मज़ाहिर के शोर में छुपे हुए सन्नाटे और हक़ीक़त के फ़रेब का हिजाब उठाते हैं, उसी सरमस्ती और लज़्ज़त के साथ दुनिया की दिल-फ़रेबियों पर नज़र डालते हैं, और हैरत इस बात पर होती है कि तज...

Shamim Hanafi
Article

لاہور کے ایک رسوائے عالم رسالے میں جو فحاشی و بے ہودگی کی اشاعت کو اپنا پیدائشی حق سمجھتا ہے، ایک افسانہ شائع ہوا ہے جس کا عنوان ہے ’بو‘، اور اس کے مصنف ہیں مسٹر سعادت حسن منٹو۔ اس افسانے میں فوجی عیسائی لڑکیوں کا کیریکٹر اس درجہ گندا بتایا گیا ہے کہ کوئی شریف آدمی برداشت نہیں کر سکتا۔ افسانہ نگار نے اظہار مطلب کے لئے جو اسلوب اختیار کیا ہے اور جو ...

Saadat Hasan Manto
Reportage

یادایک ایساپرسکون اورطوفانی، شفاف اورگدلاسمندر ہے جس کی تہہ میں ان گنت شکستہ جہازوں، جگمگاتے خزانوں اورلاشوں کے شہرخموشاں دفن ہیں۔ ان زیر آب بلوریں محلات میں سمندری پھول تیرتے پھرتے ہیں۔ سبز اور نیلی موجوں کے عکس ان ایوانوں میں لہریں مارتے ہیں اورزمرد کی روشنی میں مونگے کی چٹانوں کے پیچھے چھپی جل پریوں کی آوازیں اس سیال، ابدی سناٹے میں مدھم مدھم گونجتی ہیں۔ (یہ آوازیں اگرآپ ساحل پرکوئی سیپی اٹھاکرکان سے لگائیے توآپ کو سنائی دیں گی۔) منور، نازک سنہری مچھلیاں اورہیبت ناک شارک چکرکاٹتے ہیں اوروقت کے نیے طوفانوں میں نیے طوفان ڈوب کراسی تہہ میں جابیٹھتے ہیں۔ مزید لاشوں اورمزیدخزانوں کے انبار کا اس زیر آب شہر خموشاں میں اضافہ ہوتاجاتاہے۔ وقت کے ساتھ تہہ میں پڑی پرانی لاشیں اور گہرائی میں ڈوبتی چلی جاتی ہیں، ان کی شکلیں مدھم ہوجاتی ہیں، جواہرات ماندپڑجاتے ہیں اور شکستہ جہاز کِھیل کِھیل ہوکرپانی میں گھل جاتے ہیں۔ اسے ’’بھول جانا‘‘ کہاجاتاہے۔  ایسا صدیاں گذرنے پربھی ہوتاہے اورایک ایک برس یا ایک مہینہ گذرنے پر بھی۔ بھول جانے یا یاد رکھنے کی کوئی مقررہ میعاد نہیں۔ انسان ہزاروں اورصدیوں کے پیمانے سے اپنے اجتماعی ماضی کوماپتا ہے۔ اس کی اپنی عمر اس قدر مختصر ہے کہ وہ اپنے تصورزماں کواپنے محدود پیمانہ وقت سے ہی ماپ پاتا ہے، اور اسی کو بے چارہ بہت اہم سمجھتاہے۔ وقت کے محدود تجربے کو، جواس کی تیزرفتار زندگی سے مترادف ہے، وہ تاریخ کی مجموعیت کے پس منظرمیں دیکھنے کی کوشش کرتاہے اور سمندر سنسناتارہتاہے۔ اس سے مفر نہیں تاوقتیکہ آپ خود، دوسروں کے لیے ایک یادبن کر اس تہہ سے جالگیں۔  ۳۹ء میں دوسری جنگ عظیم میں کانگریس کے عدم تعاون کے اعلان کے موقع پر یوپی لیجسلیٹو اسمبلی میں اقبال سہیل اعظم گڑھی نے للکار کربرطانوی حکومت کو مخاطب کیاتھا،  ستم جوہوگا تودیکھ لیں گے۔ کرم کا بھانڈا تو پھوٹ جائے  بلا سے قزاق آکے لوٹیں یہ پاسبانوں کی لوٹ جائے  اچک لے شاہیں تو غم نہیں ہے قفس توکمبخت ٹوٹ جائے  اس وقت ساراہندوستان ایک عظیم قفس تھا لیکن اس سے چند سال قبل جب ہمارے جہازایس ایس مہاراجہ نے کلکتے سے لنگر اٹھایاتو مجھے معلوم نہیں کیسے اور کن متضاد نظریوں کے تحت آزادی کی لڑائی لڑی جارہی ہے۔ اورہِنسا اوراہِنسا کے کیامعنی ہیں۔ والد کے دوستوں میں سے مولانا ابوالکلام آزاد، مولانا شوکت علی اورحسرت موہانی کے لیے سنا ہے کہ ابھی ابھی برآمدے میں بیٹھے چائے پی رہے تھے، ابھی معلوم ہواکہ جیل چل دیے۔ ہمت والے لوگ تھے۔ اور ان ہی دنوں جب یہ خبرآتی کہ ’’کسی انقلابی نے وائسرایے بہادرپربم پھینک دیا، دھڑادھڑ گرفتاریاں ہورہی ہیں، ان کے گھروں پرسناٹا چھاجاتاکہ نہ جانے کس مائی کے لال نے پھانسی کی جے مالاپہننے کی سعی کی ہے۔ یہ ہنساوادی یعنی انقلابی یادہشت پسند کہلاتے تھے۔ چنانچہ جب روشنیوں سے جگمگاتا جہاز (جس کے عرشے پر گوانی بینڈ’’رول برٹینا‘‘ بجارہاتھا اورعالمگیر اقتصادی کسادبازاری کا غم غلط کرنے کے لیے صاحب اورمیم لوگ بارپربیٹھے بے تحاشا شراب پی رہے تھے، یاہال روم میں ناچ رہے تھے، کیونکہ بہرحال سرسراتے پام اورپگوڈاٹری کے جھرمٹوں میں گھری یہ رومان پرور نو آبادیاں برطانوی امرا کے ’’چھوٹے بیٹوں‘‘ کے ایڈونچرز اور مالی بہبودی کے لیے ابھی سالم ومحفوظ تھیں۔ سمرسٹ ماہم اورایلولین واے کے ناولوں کا مشرق تھا۔ لندن کے اخباروں میں بکری ساتھ لیے ’’ننگے فقیر‘‘ گاندھی کی تصاویر شائع ہوتیں جوامپائربیخ کنی کے درپے تھا۔ نئی دلی کے وائسریگل لاج کے ’’مغل باغات‘‘ میں لیڈی ولنگڈن سفیدسایہ پہن کروالیان ریاست کے ساتھ چائے پیتیں اور کیتھرین میو کامدرانڈیاکب کاچھپ چکاتھا۔) سبزرنگ کے پانیوں میں داخل ہواتواچنبھا مجھے محض اس بات پرہواکہ سمندراتنا وسیع ہے۔ ’’جانے کتنے مزدورلگے ہوں گے تب جاکر اسے کھودا گیاہوگا۔‘‘ میں نے اظہار خیال کیا اورریلنگ میں سے سرنکال کرلہروں کودیکھاکی۔  صاحب لوگوں کے اس جہاز پرہندی غلاموں میں ہم لوگوں کے علاوہ دوسرا کنبہ مولانارب نواز کاتھا۔ مولانا رب نوازپورٹ بلیئر کے کسی سرکاری محکمے میں آفس سپرنٹنڈنٹ تھے۔ پورٹ بلیئر کی مسجد کے پیش امام اورواعظ بھی تھے اور رخصت ختم ہونے کے بعدانڈمان واپس جارہے تھے۔ وہ سنہری کلاہ، اونچے طرے اورطویل شملے والی ریشمی پگڑی باندھتے تھے اورشلوار فراک کوٹ پہن کراس کے ساتھ ٹائی بھی لگاتے تھے۔ اورفرنچ کٹ داڑھی رکھتے تھے۔  یہ ملکی سیاست کاغالباً بہت ہی نازک دورتھا۔ اکثروہ زینے پرآکراور صاحب لوگ پردورسے ایک نظر ڈال کرزمیندار اخبارکاپلندہ والد کوتھمادیتے اور چپکے چپکے سیاسی تبادلہ خیالات کرتے رہتے۔ مجھے ان کا حلیہ دھندلاسایاد ہے مگریہ سب تفصیلات بڑے ہونے پر والد نے بتلایاکہ (مولانارب نواز اس دور کے لاہورکی نفیس تہذیب کے پروردہ تھے۔ عربی و فارسی کے عالم تھے۔ بڑے سچے مسلمان باشعور اور حساس انسان تھے۔ اورپیٹ کی خاطرانہیں سرکار کی کلرکی کرناپڑرہی تھی)مولانا کی بی بی ڈھیلی ڈھالی ریشمیں شلوارقمیص میں ملبوس نچلی منزل میں اپنے کیبن میں بند رہتی تھیں۔ مولانا کی بچی فرخندہ جمال میری ہی جتنی رہی ہو گی۔ وہ اکثر کھیلنے کے لیے اوپرعرشے پرآجاتی اور اس کے جانے کے بعد میں پھر جاکر ریلنگ پر ٹنگ جاتی۔ (جہاز کی بھٹی کے مانند گرم ’’ہولڈ‘‘ میں جیل خانہ تھا۔) چندروزبعد افق پرجزیرے نمودارہوئے۔ مونگے کی چٹانیں۔ ناریل کے جھنڈ اور سرسبز، ٹروپیکل پہاڑ۔ پورٹ بلیئرکی بندرگاہ قریب آئی۔ بہت سی ڈونگیاں اورموٹر لانچیں جہاز کی سمت بڑھیں۔ بندرگاہ کی عمارت پریونین جیک لہرارہاتھا۔ پولیس کے اینگلوانڈین اورکالے سپاہی بندوقیں اٹھائے پہرے پرمستعدتھے۔ سفید سولاہیٹ پہنے صاحب لوگ رپ رپ کرتا جیٹی پرپھررہاتھا۔  بینڈنے ’’رول برٹینا‘‘ دوبارہ چھیڑا اور جہاز کنارے سے لگ گیا۔ صاحب میم لوگ نیچے اترے۔ مولانا رب نواز کی بی بی بھی سفیدشٹل کاک برقعے میں ملفوف، پھلوں کی ٹوکریاں سنبھالے اپنے کیبن سے نکلیں۔ نیچے جیٹی پر پہنچ کر مولانا نے فرخندہ جمال کوکندھے پربٹھالیا اور بی بی کے آگے آگے چلنے لگے۔  آخر میں ہولڈ میں سے پایجولاں قیدی نکالے گئے۔ یہ انقلابی نوجوان عمرقید کاٹنے کے لیے ایشیا کے سب سے بڑے قیدخانے سیلولرجیل لے جائے جارہے تھے۔  ہمار امکان بورہ بنگلہ ایک سرسبز پہاڑی کے اوپرجھلملارہاہے۔ پیچ دار سڑک پرسے اس کے پھاٹک تک پہنچنے کے لیے ایک جاپانی وضع کے پل پرسے گذرنا پڑتا ہے۔ مکان اونچے اونچے چوبی کھمبوں پرایستادہ ہے۔ اس کا نام غالبا’’بڑابنگلہ‘‘ کی بگڑی ہوئی بنگالی یاانگریزی شکل ہے۔ احاطے میں سامنے کی جانب ربڑ کے درختوں کاجھرمٹ ہے۔ بڑے بڑے فرانسیسی دریچوں والے برآمدے میں سے سمندر نظر آتاہے جس کی لہریں باغ کی ڈھلان سے ٹکراتی رہتی ہیں۔ پرائیویٹ جیٹی پرکھڑی نیلے پردوں والی سفیدسرکاری لانچ لہروں پرڈولاکرتی ہے۔ ’’بارہ بنگلہ‘‘ چوبی اونچی عمارت ہے، اس لیے نچلی منزل میں جوصرف چوبی کھمبوں کے ایک جنگل پرمشتمل ہے۔ مسلح گارڈ کے علاوہ چھوٹا سافائیرانجن اور آگ بجھانے والوں کاعملہ بھی مستعد رہتاہے۔ مکان کے عین عقب میں کاجو کے درختوں سے ڈھکاہوا اونچا پہاڑہے۔  انڈمان کے یہ جزیرے اورپہاڑ دراصل برما کے ارکاکن یوما پہاڑوں کے زیرسمندر سلسلے کی سات سومیل تک پھیلی چوٹیاں ہیں، جوسطح آب سے ابھرآئی ہیں۔ کرہ ارض کی تشکیل اور طبعی تبدیلیوں کے دوران پہاڑ کے پہاڑ انڈر گراؤنڈ ہوجاتے ہیں اورکبھی کبھی جوالامکھی کے بھیانک پہاڑبھاپ میں نمودارہوکر پھٹ پڑتے ہیں۔ جیولوجیکل وقت میں گھری انسان کی زندگی چیونٹی کی عمر سے بھی زیادہ حقیر ہے۔  دوسوجزیروں کے اس جھرمٹ میں اکثر زلزلے آتے رہتے ہیں۔  ہم ایسے پہاڑوں کی چوٹی پر رہ رہے ہیں، جوسارے کے سارے نیلے سمندروں میں ڈوبے ہوئے ہیں۔  انڈومان ملایائی زبان کی ہندومان کی انگریزی شکل ہے۔ ہندومان ملایائی زبان میں ہنومان جی کوکہتے تھے۔ راماین کا جنوب مشرقی ایشیا خصوصاً سیام اورکمبوڈیاوغیرہ کی تہذیب پرصدیوں سے بہت گہرا اثررہاہے۔  ’’ہنومان جی اپنے بندروں سمیت یہاں بھی پہنچے تھے؟‘‘ بھائی نے گارڈ کے حوالداررام چندرسے پوچھا، جوفیض آبادیعنی اجودھیاکاباشندہ ہے۔  جی ہاں بابا۔ کون جانے لنکاتک پل بناتے بناتے کودتے پھاندتے یہاں بھی آگئے ہوں۔ بجرنگ بلی ہی جوٹھہرے۔ آکھر ایک سنجیونی بوٹی کھاکر بھگوان نے سارا پہاڑ ایک ہتھیلی پر اٹھالیاتھا کہ نہیں؟ ہمیں تولگتاہے کہ گُسے میں آکر ان جوالا مکھی پہاڑوں کوبھی انہوں نے ہی ساگر میں ڈبودیا۔‘‘  رام چندر نے اپنی لمبی لمبی نوکیلی مونچھوں پر ہاتھ پھیرکر شفقت سے جواب دیا۔ جغرافیہ کی کتاب میں بھائی نے اسی روزپڑھا تھا کہ سفیدفام یوروپین آریوں نے جنوب کی سیاہ اقوام کوحقارت سے بندرکہاتھا کیونکہ وہ قدیم ترین نیگرٹونسلیں وادی سندھ، دکھنی بھارت اورلنکا سے لے کر ملایا اور آسٹریلیاتک بسی تھیں اورجزائرانڈومان نکوبار کے یہ ’’ہنومان‘‘ یعنی بندرنما وحشی قبائلی اسی قبل ازتاریخ نسلی خاندان کے افرادتھے۔ (اینتھروپولوجی کے ماہرین کے مطابق انڈومان کے قبیلے دنیا کی اولیں نسل انسانی کے آخری بچے کھچے افرادتھے۔) مگرحوالدار رام چندرجی کی اوروہ ہنومان جی والی بات زیادہ میرے جی کولگی۔  کورومنڈل، بنگال، مالابار، سوراشٹر، سندھ اور لنکا کی بندرگاہوں نے حضرت سلیمان کی سلطنت اوربحیرہ روم کے ممالک اور بابل ونینوا سے تجارت کی تھی۔ فراعنہ مصر کی ممیاں ہندکی ململ اور سوتی چھینٹوں میں لپیٹی جاتی تھیں اورپوپ گریگری اعظم کے ترجمہ کیے ہوئے لاطینی عہدنامہ قدیم میں حضرت ایوب نے فرمایاتھا، ’’میری عقل وفراست کوہند کے رنگین کپڑوں سے تشبیہ مت دو۔‘‘  گپتاتمدن سارے جنوب مشرقی ایشیا میں پھیلا تھا اورقرون وسطی میں عرب تاجر اور چاٹگام کے ملاح دنیا کے سمندروں پراپنے پھریرے اڑاتے پھرتے تھے۔ مگرجب مشرق کا زوال شروع ہوا اور دنیا کے بازاروں میں ہند کی تجارتی قیادت اور صنعتی دھاک ختم ہوچلی، تب بھی، حیدرعلی اورٹیپو سے قبل دلی کے مغلوں اور بنگال کے نوابوں کویہ خیال نہ آیاکہ بحری طاقت بھی کوئی شئے ہے۔ بے چارے حیدر علی نے نیوی بنائی اور ٹیپو نے مالدیپ پراپنے بحرے کوہیڈ کوارٹر قائم کیے مگراس وقت تک پانی سر سے اونچا ہوچکاتھا۔  فرض کیجیے سارے جزیرہ نما کی حفاظت کے لیے نیوی موجود ہوتی تو سولہویں صدی میں یوروپین طاقتیں اس آسانی سے ملک میں نہ گھس آتیں۔ اب مثال کے طورپرہندومان دیپ ہی کولیجیے۔ اگرمغل گورنمنٹ نے یامانڈے کے بادشاہوں نے یہاں ایک بحری چوکی قائم کردی ہوتی اورجوپرتگالی ڈچ، فرانسیسی یا برطانوی جہاز ادھرسے گذرتا، اس میں بھوسہ بھردیتے۔  چنانچہ برطانوی ایسٹ انڈیاکمپنی کے ایک نقشہ نویس آرچی بالڈبلیئر نے ایک ایک ٹاپو کی پیمائش کرکے یہاں ۱۷۸۸ میں نوآبادی قائم کی۔ ان زرخیز ٹاپوؤں پر قبضہ کرنے کے لیے انگریزوں نے اپنی جان لڑادی کیوں کہ ہندومانی قبائل نے اپنے زہرمیں بجھے تیروں اوربھالوں کے ذریعے صاحب لوگ کی ایسی تواضع کی تھی کہ امریکہ کے ریڈانڈین، افریقہ کے حبشی اورآسٹریلیا کے بش مین نے بھی صاحبان عالی شان کا ایسابھرکس نہ نکالاہوگا۔  لیکن انگریز کا اقبال بھی کیا شے ہے۔ صاحب جہاں پہنچتاہے وہاں گلزار کھلادیتا ہے۔ اب ان جزیروں پرخالص ولایتی ناموں والے بارونق اورخوبصورت شہرآباد ہیں۔ پورٹ کارنوالس، ایلفنسٹن ہاربر، پورٹ کیمپ بل۔ جیسے اپنے یہاں منٹگمری، ڈلہوزی کیمبل پور۔  پورٹ بلیئر میں اسکول نہیں تھے۔ لہذا ایک برمی نوجوان بھائی کو پڑھانے کے لیے آیاکرتا اور خوابناک آنکھوں سے سمندرکوتکتے ہوئے کبھی کبھی برما کی عظمت رفتہ کے قصے سناتا۔ ’’جانتے ہو! بنگال اور مشرقی ہند کے برطانوی نوآبادکار زیادہ تر اسکاٹش کیوں ہیں؟ اس لیے کہ اسکاٹ لینڈ کے اجاڑپہاڑوں پربھوکے مرتے تھے۔‘‘ وہ بڑا جوشیلابرمی تھا، ’’ہرچیز کی ایک اقتصادی وجہ ہے۔ کازاینڈ ایفکٹ۔۔۔‘‘ وہ ہوا میں انگلیاں گھماکر بتاتا۔ دس گیارہ سالہ بھائی کی سمجھ میں اتنی بڑی بڑی باتیں نہ آتیں تووہ اکتاکرچپ ہوجاتا اور سمندر کوتکنے لگتا۔ یاپھر اراکانی قزاقوں کے قصے سنانے لگتا جنہوں نے دوسوسال قبل یہاں اڈے بنالیے تھے اورمشرقی بنگال کی دریائی تجارت پرحملے کیاکرتے تھے۔  ’’لیکن یہ پورٹ کیمپ بل جن بزرگ کے نام پربسایاگیاہے، ان سے بڑا بحری قزاق ساری دنیا میں نہ ہوگا۔ انہوں نے تو سارے برماہی پرقبضہ کرلیا۔ یہ سب۔۔۔‘‘ وہ باہیں پھیلاکر اوربجو کی طرح آنکھیں گول گول کرکے کہتا، ‘‘ یہ سارا ایشیاایک سلیومارکیٹ ہے۔ تم ہندوستانی مہنگے سلیوہو۔ ہم تم سے ذرا سستے سلیوہیں۔ بائی بائی۔۔۔ اور کرسی سے اچھل کر تیزی کے ساتھ زینے سے نیچے اتر جاتا۔‘‘  یہ جزیرے۔۔۔ گوگاں اگریہاں آتا تو تاہیٹی کوبھول جاتا، اہل ہند کے لیے ’’کالاپانی‘‘ ہیں۔ غدر کے باغیوں کو عمرقید کی سزادینے کے لیے یہ جیل تعمیر کیاگیاتھا۔ ان جزائر کوچیف کمشنر کاصوبہ بنایاجاچکاہے۔ ۱۸۷۴ء میں لارڈمیووائسرائے ہندسلیولر جیل(جوعام طورسے سلورجیل کہلاتاہے) کامعائنہ کرتے ہوئے ایک قیدی شیرمحمدکے ہاتھوں مارے گئے۔ یہ ہندوستان کاپہللاسیاسی قتل تھا۔ اس صدی کے شروع سے ملک میں انقلابی تحریک چل رہی ہے اوردہشت پسندوں کو بغیرٹرائل کے کالے پانی بھیجاجارہاہے۔  یہ مرجانی جزیرے سونااگلتے ہیں۔ گھنے جنگلوں کی قیمتی لکڑی، یورپ اور مریکہ ایکسپورٹ کی جاتی ہے، کافی اورچائے کی کاشت کے لیے ایشیا کے سب سے بڑے جیل کے ہزارہاقیدی کی بیگارموجودہے۔  سامنے شیشوں والے برآمدے کے کونے میں پرانی وضع (اس وقت وہ نئی وضع تھی) کے ٹیلی فون کی گھنٹی بجتی ہے تومیں اسٹول پر چڑھ کر اس تک پہنچتی ہوں، ’’ہلو۔ ہلوجی ہاں ہم بارہ بنگلہ سے بول رہے ہیں۔‘‘  ہمار ااس نظام سے کیساسمجھوتہ ہے؟ سمجھوتے کے کیامعنی ہیں۔  ہم سب، ساری دنیا، ساری اقوام، نسلیں، مذاہب، فرقے، طبقے، ممالک، افراد، ہمارے خیالات، نظریے، تعصبات، فلسفے، ادبیات، علوم وفنون، ہماری مختلف الہیات، روحانی اورجذباتی تجربات، سیاسی، سماجی، تمدنی مسائل، ہماری اجتماعی اور انفرادی شخصیت ہماری خامیاں اورہماری خوبیاں، دشمنی اور دوستی، فتح و شکست، کمال اورزوال، دکھ اور سکھ، حسب نسب تاریخ کی وجوہ کے گنجلک، دھندلے، روشن، واضح، غیرواضح تفاعل کی پیداوارہیں۔  رات بھر باغ کی کول تار کی سڑک پرگارڈ کے قدموں کی کھٹ کھٹ گونجتی ہے۔ لفٹ رایٹ۔۔۔ لفٹ رایٹ۔۔۔ ہالٹ حکم صدر۔۔۔ کھٹ۔ کھٹ۔ کھٹ۔ صبح سویرے سرپرسفیدرومال باندھے برمی مہترپہلو کے چوبی زینے پر نمودار ہوتا ہے اورنیچے بھگوتی چرن مالی کھرپا سنبھالے انگوچھا سرپہ لپیٹتاباغ میں پہنچ جاتاہے۔ بھگوتی مشرقی یوپی سے برآمدشدہ Indentured Labourسے تعلق رکھتا ہے اوراس کا سارا کنبہ دوپیڑھیوں سے کافی کے باغات میں کام کررہاہے۔ برطانوی پلانٹر جن کے مالک ہیں۔ لارڈکارنوالس کے نافذ کیے ہوئے استمراری بندوبست کی بدولت جب یوپی میں بھیانک قحط پڑا توآج سے ایک صدی قبل ہزارہافاقہ زدہ کسانوں کوجہازوں میں بھربھر کرنیم غلاموں کی حیثیت سے آسام، افریقہ، جزائرغرب الہند، فی جی اورماریشس میں اہل برطانیہ کے پلانٹیشر پرمزدوری کرنے کے لیے بھیج دیا گیاتھا۔ ان کی اولادآج بھی وہاں اسی حالت میں موجود ہے۔ بھگوتی انہی لوگوں کابھائی بند ہے۔  جب سورج نکل آتاہے توپینٹری میں سے نور محمدبیرے کی چھینک اورگرجدار الحمدللہ کی آواز آتی ہے۔ نورمحمدضلع جھنگ کاباشندہ ہے اوراپنی بیوی اور اس کے عاشق کوکلہاڑے سے قتل کرکے یہاں تشریف لایاہے۔ بوڑھا نورمحمد ایک نیک دل اور دیندارانسان ہے۔ ہربات کے جواب میں ’’یوں جناب‘‘ کہتاہے جو’’بہت اچھا جناب‘‘ کامخفف ہے۔ نوجوان کلینراوربوڑھا خانساماں دونوں قاتل ہیں۔ یہ تینوں اچھے اورآزادقیدیوں میں شامل ہیں۔ ان کی مانندسرکاری مکانوں پر جوملازم برسوں سے کام کررہے ہیں، انہوں نے بھی زیادہ ترپنجاب کے کھیتوں میں آب رسانی کے جھگڑوں، آبائی عناد اورمعاملات حسن اورعشق کے سلسلے میں خون خرابہ کیاتھا۔ یہ سب سیدھے سادھے جوان، ادھیڑ، بوڑھے، ہندو، مسلمان، سکھ’’ہندوستانی‘‘ پنجابی اوردوسرے صوبوں کے لوگ ہیں۔ تری سرکارمیں پہنچے تو سبھی ایک ہوئے  کتے کانام ایک مسئلہ ہے۔ یہ بے حد محبت شعارالسیشین ہمیں پچھلے انگریز افسر سے ترکے میں ملاہے۔ اس کا نام ٹیپوتھا۔ ’’ہم اسے آرتھر  پکاریں گے۔‘‘ والد نے فیصلہ کیا۔  مگروہ آرتھر کے نام پربیوقوفوں کی طرح چپ بیٹھادم ہلاتارہتاہے کہ ٹیپو نہ پکاراجائے، اس لیے اب وہ گمنام ہی ادھرادھر پڑا پھرتا اورمتعجب اورپرامید نظروں سے سب کی شکلوں کوتکتاہے۔  پرکاش چندکلینر پابندی سے شام کے وقت آرتھرکوساحل پر ٹہلانے لے جاتا ہے اورسرجھکاکراس کے پیچھے پیچھے چلتے ہوئے جانے کیاسوچتا رہتاہے۔ اس نے جے پور میں اپنی محبوبہ کے قاتل کومارڈالاتھا۔ پرکاش چند تعلیم یافتہ نوجوان ہے۔ اکثرپنڈت رام پرشادبسمل شاہجہانپوری کا مشہورشعرزیرلب پڑھتا ہے، سرفروشی کی تمنا اب ہمارے دل میں ہے  دیکھناہے زورکتنابازوئے قاتل میں ہے  ’’بھگت سنگھ اوررام پرشادبسمل اوراشفاق اللہ اور چندرشیکھر آزاد اور ان گنت نوجوان تختہ دار پرچڑھ چکے ہیں۔ اس وقت سارا ہندوستان بسمل کے اس شعر سے گونج رہا ہے اورمیں یہاں ذلت کی موت مروں گا۔‘‘ وہ سراٹھاکر کربھائی سے کہتا ہے۔ پھرکوئی سیپی اٹھاکرکان سے لگالیتاہے اور سمندرکی آواز سنتا رہتاہے۔ میں ادھر ادھر ریت پرماری ماری پھررہی ہوں اور خوبصورت بڑی بڑی کوڑیاں، سیپیاں اورگھونگھے جمع کرتی جارہی ہوں۔ تب پرکاش چندایک سیپی دورپانی میں پھینک کراچانک بھائی سے کہتا ہے، ’’بابا۔۔۔ آپ کومعلوم ہے جب سراج الدولہ کی شہادت کی خبرراجہ نرائن موزوں نے سنی تو انہوں نے کیاکہا۔۔۔؟ وہ۔۔۔ وہ ایک راجہ تھے پٹنے کے۔۔۔ اورشاعرتھے۔ یہ خبرسن کر، جس کے بعد سے ہندوستان کی دیپاولی بجھ گئی، انہوں نے کہا، غزالاں تم توواقف ہو کہو مجنوں کے مرنے کے  دوانہ مرگیا آخر کو ویرانے پہ کیا گذری اورکپڑے پھاڑکرسرپہ خاک ڈالتے گھر سے نکل گیے۔ ادھر۔۔۔‘‘ وہ افق کی سمت باہیں پھیلاکر کہتا ہے، ‘‘ ادھر، اس ویرانے پرتب سے لے کر آج تک کیاگزری ہے اوراس وقت بھی کیاگزررہی ہے؟‘‘ اور پھرآرتھرویلز لے کوبلاکر چپ چاپ اس کی ٹہل میں مصروف ہوجاتاہے۔ اب سورج سمندر میں ڈوب چکا ہے اور بارہ بنگلہ میں روشنیاں جل اٹھی ہیں اور شفق کی سرخی ریت پرلہریں ماررہی ہے۔ میں اوربھائی سرجھکائے اکادکاسیپیاں اورکوڑیاں چنتے لان کی سیڑھیاں چڑھ کرگھر کی طرف روانہ ہوجاتے ہیں۔  ’’ڈیرجلیل! یہ توآپ سن چکے ہوں گے کہ میں نے پھر ہندوستان چھوڑدیا۔ دوبرس کے لیے جلاوطنی اختیارکرلی۔ یہاں فرصت ہے اورتنہائی، قیدخوداختیاری ہوں مبارک دوستو دنیا کی تم کووسعتیں  میری قسمت میں فقط اک تنگ زنداں رہ گیا ہم کوکیااہل خردہوں محو گل گشت چمن ’’چل دیے اہل جنوں خالی بیاباں رہ گیا‘‘  انڈمان کا جزیرہ بہت بدنام ہے مگریہاں عیش بھی ہے۔ کالے آدمیوں کے لیے نہیں، جن کی قسمت میں محنت ومشقت کے سواکچھ نہیں بلکہ انگریزوں کے لیے۔ ان کی الگ آبادی ہے۔ بنگلے ہیں۔ سبزہ ہے۔ کلب ہے، جس میں میمیں اور انگریز ہر طرف نظرآتے ہیں مگر ہندوستانی شاذونادر۔ میں بھی اس کلب میں شامل کرلیاگیا ہوں۔ مگرچونکہ نہ ناچناآتا ہے نہ پینا۔ الوکی طرح بیٹھارہتاہوں، وہ کسی کے واسطے توہوگیا عشرت کدہ انڈمن کیوں ہند کا منحوس زنداں ہوگیا آپ لوگوں کی یاد اورتذکرہ ہروقت رہتاہے، سیدین و سرور و قدوائی کا ذکر وخیال درد بھی یہ ہوگیا اوریہ ہی درماں ہوگیا خاکسار سجاد  میں اوربھائی ساحل سے واپس آچکے ہیں۔ آرتھربرآمدے کے فرش پرلیٹا قناعت سے سستارہا ہے۔ دوردوسرے جزیرے پرجھلملاتے کلب کی روشنیاں دریچے میں سے نظر آرہی ہیں۔ حوالدار رام چندر ہمارے والدین اورمدراسی ہمسایے مسٹرومسز کیودر کولانچ پرپہنچاکر اندھیرے میں اپنی لالٹین چمکاتا ساحل سے واپس آرہا ہے۔ تاریکی گہری ہوچکی ہے اورچاروں کھونٹ سمندرکی سنسناہٹ خوفناک ہے۔  رام چندر کے قدموں کی چاپ زینے پر سنائی دیتی ہے۔ بھائی برآمدے کے ایک سرے پرٹیبل لیمپ کے نیچے بیٹھے برمی ٹیچر کوسنانے کے لیے سبق یاد کررہے ہیں، جو کل سویرے پھرآجائے گا۔ روشن لانچ فراٹے بھرتی سمندر کی تاریکی میں غائب ہوجاتی ہے۔ رام چندر مونچھوں کے اندرمسکراتا برآمدے میں داخل ہوتا ہے اوربھائی کے پاس جاکربڑی رازداری سے کہتا ہے، ’’بابا۔۔۔ کل آپ لوگ ایک تماشا دیکھیے گا۔ مل ڈریے گانہیں۔‘‘  ’’کیا ہے؟‘‘ بھائی موٹی چکرورتی میز پرپٹخ کرخوشی سے پوچھتے ہیں۔  ’’کیا تماشاہے رام چندر؟ جلدبتاؤ۔۔۔‘‘ میں جواب تک کرسی پر کھڑی ہوکر دریچے سے باہر لانچ کودیکھ رہی تھی، فوراً چلاتی ہوں۔  ’’ابھی نہیں۔ بیٹا کل سبیرے۔‘‘ اتناکہہ کر حوالدار رام چندر دوسرے زینے سے نیچے اترجاتاہے۔ کھٹ۔ کھٹ۔ کھٹ۔ دور پھاٹک پر ٹہلتے پہرے دار کی آواز بلند ہوتی ہے، ’’ہالٹ! حکم صدر!‘‘ کھٹ۔ کھٹ۔ کھٹ۔  وہ ایک قبائلی وحشی بچہ تھا۔ نہ معلوم کس طرح بھٹک کرآبادی میں آنکلا اور بارہ بنگلہ کی عقبی پہاڑی پرکاجو کے جنگل میں چھپ رہاتھا۔ نورمحمد تڑکے گجردم پہاڑی کی ایک چٹان پرجاکرنماز پڑھاکرتے تھے۔ سلام پھیرنے کے بعد ان کی نظر اس بچے پر پڑگئی، جوپتوں کی جھالرسی پہنے، چندجنگلی جڑیں کھاکراپنا پیٹ بھررہا تھا۔ نورمحمد کی آدھی زندگی پورٹ بلیئر میں گذرگئی تھی مگرانہوں نے اصل نسل وحشی پہلے کبھی نہ دیکھاتھا۔ وہ اسے پکڑنے کودوڑے مگربوڑھے آدمی تھے، اس کا تعاقب نہ کرسکے اوروہ چھلاوے کی طرح غائب ہوگیا۔ لیکن شام پڑنے تک اس نے ربڑ کے جھرمٹ میں سے ڈھونڈنکالا، جہاں وہ ایک درخت سے چمٹا، سہماہوا بیٹھاتھا۔  صبح کووالدکے دفتر چلے جانے کے بعد رام چندر وعدے کے مطابق ہمیں تماشا دکھانے کے لیے اسے گھسیٹتے ہوئے اوپرلائے اور برآمدے کے چوبی فرش پراسے اس طرح چھوڑا جیسے بلی کے بچے یاپلے کو بوری میں سے نکال کرزمین پر رکھ دیتے ہیں۔  وہ ایک نودس سالہ لڑکا تھا لیکن بے حد پستہ قدہونے کی وجہ سے چارپانچ سال سے زیادہ کامعلوم نہ ہوتا تھا۔ وہ ساحل کے راستے سے بآسانی اپنے جنگلوں کوواپس جاسکتا تھا مگرشایدوہ کوشش کرکے شہرآیاتھا۔ مہذب انسانوں سے خائف بھی تھا۔ ان کے ساتھ رہنا بھی چاہتا تھالیکن اپنی خواہش کااظہار کرنے سے قاصرتھا۔ بارہ بنگلے کا سارا عملہ اس کے چاروں طرف جمع ہوگیا۔ کرہ ارض کی اولین نسل انسانی کا یہ نمائندہ ارتقا کی پہلی سیڑھی پرپہنچ کر ہزاروں برسوں سے اسی سیڑھی پر ٹھٹکاہواابن آدم، اردگرد جمع اپنے ترقی یافتہ رشتے داروں کوخوفزدہ وحشی جانور کی طرح تکتارہا۔ ’’ہا۔ نگوڑابن مانس کیسے ٹکرٹکر سب جنوں کاتکت ہے۔‘‘ صدیق چپڑاسی کی بی بی مشتاقن نے، جو گھونگٹ کاڑھ کرسامنے آیا کرتی تھیں، بڑی ممتا سے کہا۔  ’’تم ہی کادیکھت ہے ٹکرٹکر!‘‘ بھگوتی مالی نے کہا۔  ’’اپنی موسی کاچیہن لیہس ہے بھرجائی!‘‘ رام چندر، کہ بہت پرمذاق تھے، مشتاقن سے بولے۔ مشتاقن پیٹ بھر کے بدصورت تھیں۔ ’’کالامنہ نیلے ہاتھ پاؤں۔‘‘ مشتاقن نے مصنوعی غصے سے کہا۔  اتنے میں بھگوتی مالی کی بی بی گلبااور عزیزن آیابھی آن پہنچیں۔  ’’ارے باپ رے۔ ای توبہوتے بھیانک ہے۔ جیس تیلی مسان۔ بدارواح۔ توبہ توبہ۔‘‘ عزیزن نے کہا۔  ’’ادھر سمندر میں بہت جل مانس رہت ہیں۔‘‘ رام چندر نے مسکراکر مونچھوں پرہاتھ پھیرا۔  ’’نابھیا! ہم کاناڈراؤ۔ ہم رات برات باہرنکلت ہیں۔ ’’عزیزن نے ہاتھ جوڑے۔  ’’جل مانس ہوں کہ گج گینڈے۔ ہم کسی سے نہیں ڈرت ہیں۔ آہ۔ پچ پچ پچ۔‘‘ مشتاقن نے پیارسے چٹکی بجاکر بچے کوبلاناچاہا۔ اتنے میں نورمحمدباقاعدہ کھانے کی ٹرے لے کرآگئے اورپلیٹ اس کے سامنے رکھ دی۔ بچے نے اپنے جھبڑے بال جھٹک کر ان کی طرف دیکھا۔ چاروں ہاتھ پاؤں سے پلیٹ کی سمت چلا اور کھانے کوغور سے دیکھنے لگا۔  ’’ہا۔۔۔ دکھیا چنڈال بن میں سانپ چھپکلی کھاکھاکر جیت ہیں۔‘‘ بی مشتاقن بولیں اور اس کے لیے نولے بنانے کے ارادے سے اکڑوں بیٹھی ہی تھیں کہ اس نے گوریلا کے تھپڑکی طرح ایک ہاتھ رسیدکیا۔ مشتاقن زور سے چیخ مارکر وہاں سے بھاگیں۔ افراتفری مچ گئی۔ والدہ صبح سے مسزکیودر کے گھرگئی ہوئی تھیں۔ عزیزن انہیں بلانے کے لیے دوڑیں۔ رام چندر بچے کو اچھی طرح پکڑ کربیٹھ گیے اوراسے کھلانے کی کوشش کرنے لگے۔  ’’جناب اسے کلمہ پڑھاکرمسلمان کرلیں؟‘‘ نورمحمد نے چپکے سے صدیق سے تجویزا۔  ’’گورنمنٹ کاآرڈرنہیں ہے‘‘ صدیق نے اسی سرگوشی میں جواب دیا۔  ’’کیا؟‘‘  ’’جنگلی والاکوجنگلی والاہی رہنامانگتا۔۔۔‘‘ برمی مہتر نے نورمحمد کوسمجھایا۔  ’’واہ اورمشنری لوگ کوآرڈر ہے کہ بنایے جاؤ سب کوکرسٹان۔ ابھی جاکر اسے چپکے سے مولاناصاحب کودے آتے ہیں۔‘‘  ’’نورمحمد!‘‘ سلامت خان ہیڈکانسٹبل نے قریب آکر ڈنڈابجاتے ہوئے ذرا ڈپٹ کرکہا، ’’جاؤجاکر اپنا کام کرو۔‘‘  ’’ہوں جناب۔۔۔‘‘ نورمحمد نے جھاڑن کندھے پرڈالا اور سرجھکائے پینٹری کی طرف چلے گیے۔  ’’ہم بابالوگ کوتماسادکھائے کھاتر ای کااوپرلائے رہے۔ تماسا کھتم۔ پیسہ ہجم۔ چلیے کھان صاحب۔ ای کاجنگل ماواپس پٹھائے دیں۔۔۔‘‘  بچہ سرکاری قانون کے مطابق واپس لے کرجنگل میں چھوڑدیاگیا۔ ’’اس پر مضمون لکھ کر مسٹر۔۔۔‘‘ دوسرے روزبرمی ٹیوٹربھائی سے کہتا ہے۔ (’’ایک انڈمانی لڑکا‘‘ اورپورٹ بلیئر کے شب وروز کے متعلق ہوم ورک کے طورپر لکھے ہوئے بھائی کے Essays کی شکستہ اور پیلی کاپی بک کی مدد سے اس وقت میں یہ کہانی لکھ رہی ہوں۔‘‘ ) جزائر کے گھنے اور ناقابل عبور جنگلوں میں قدیم آبادی صرف چندہزار رہ گئی تھی۔ متعدی بیماریاں جونوآبادکاراپنے ساتھ لائے تھے، اورانتھیروپولوجی کی اصطلاح میں ’’متمدن دنیا سے تعارف‘‘ کی وجہ سے قدیم حجری عہد کے یہ قبائل تیزی سے مررہے تھے۔ تاریک جنگلوں میں جن کے اندر سانپ اوربھیانک مگرمچھ ایسی چھپکلیاں سرسراتی تھیں، یہ بے چارے وحشی تیرکمان سے شکارکھیلتے پھرتے، ان کی بولیوں کاکسی لسانی گروہ سے تعلق نہیں تھا۔ اکثرقبائل کے یہاں بول چال ہی کاارتقانہیں ہوا تھااورآگ کے استعمال سے وہ ناواقف تھے۔  اکادکا سیاسی قیدی درختوں کے کھوکھلے تنوں کی نادبناکر فرار کی کوشش کرتے مگر حکومت نے نسبتاًترقی یافتہ قبائل کوان کے تعاقب کے لیے مقررکررکھا تھا۔ اورزہر آلود تیروں کی زدسے بچ نکلنا مفرور قیدیوں کے لیے ناممکن تھا۔ (غالباً ایسی ہی صورت حال کے لیے میرابائی کہہ گئی تھیں‘‘ کوس کوس پرپہرہ بیٹھا۔ پنڈ پنڈ بٹ مار۔‘‘  اکثرشام پڑے ہم لوگ ہوا خوری کے لیے شہر کے قریبی جنگلوں کی طرف نکل جاتے۔ پورٹ بلیئر اوراس کے پڑوسی شہرایبرڈین کی روشنیاں اندھیرے میں غائب ہوجاتیں اور کسی گھاٹی میں سے گذرتے ہوئے میں دفعتا ًناریل کی فرمائش کرتی۔ سڑک پرجاتا ہواقہوے کے پلانٹیشنر کاکوئی مزدورناریل کے درخت پر چڑھتا اور ناریل توڑکربندر کی سی پھرتی سے نیچے اترآتا۔  کافی کے باغات سے نکل کرہم جنگلوں کی طرف رواں رہتے۔ دور کہیں آگ جلتی نظرآتی۔ سمندری ہوا ساحلی چٹانوں میں سائیں سائیں کرتی۔ راستے میں چاند نکلتا۔  ’’چاندہمارے ساتھ ساتھ کیوں چل رہاہے؟‘‘ میں تعجب سے پوچھتی۔  ’’آپ کوسلام کرتا ہوا جارہاہے۔‘‘ والدجواب دیتے۔ سارے جزیرے پرتاڑ کے سیاہ درختوں پر، ہری بھری پہاڑیوں پرتیزچاندنی پھیل جاتی۔ بانس کے جھرمٹ ہوا میں سرسراتے۔  ہوائیں بھی میری دوست ہیں۔  کبھی کبھی اتوار کے روزشہر سے مولانا رب نوازمع فرخندہ اور شٹل کاک برقعے میں ملفوف اپنی بیوی کے ہمارے یہاں آتے اور شیشوں والے برآمدے میں بیٹھ کر والد سے باتیں کیاکرتے۔ کلام اقبال پڑھتے جاتے اورپگڑی کے شملے سے آنسو پونچھتے۔ جمعے کے روزمسجد میں مولانا کے وعظ مسلمان قیدیوں میں اس قدر مقبول ہوچکے تھے کہ انگریزوں کومولانا کی طرف سے فکرہوگئی تھی۔  ایک روزروس آئی لینڈ (Ross Island) پرحوالدار رام چندر کے ساتھ چیف کمشنر کے باغ میں سے گذرتے ہوئے اس کے بنگلے کے دریچے میں سے مجھے دوفل بوٹ نظرآئے جومگدر جیسے چوبی فرموں پرچڑھے ہوئے تھے۔ یہ مسٹراینڈرسن کی ٹانگیں ہیں جنہیں گھرپرچھوڑکروہ خودباہر چلے جاتے ہیں۔ میں نے سوچاا اور بے حد ڈری۔  بھائی کی کاپی میں لکھا ہوا ایک قدیم ’’نرسری گیت۔‘‘  HOW MANY MILES TO BABYLON? THREE SCORES AND TEN CAN I GET THERE BY CANDLE-LIGHT YES, AND BACK AGAIN IF YOU HEELS ARE NIMBLE AND LIGHT YOU CAN GET THERE BY CANDLE-LIGHT   اچانک بڑی گہماگہمی سی شروع ہوگئی۔ سلورجیل کے چندبنگالی انقلابیوں نے جیل کے حکام کی شدیدبدسلوکیوں کے خلاف احتجاجاً بھوک ہڑتال کردی۔ ان سیاسی اسیروں میں قیدتنہائی کاٹنے والے بھی شامل تھے۔ ان میں سے کچھ نوجوانوں نے دم توڑدیا۔ شام کومیں نے دیکھاکہ مسٹراینڈرسن فٹ بوٹ پہنے کار میں سوار ہورہے ہیں، جوجاپانی پل کے نیچے کھڑی تھی۔ والد جزائرانڈومان نکوبار کے اسسٹنٹ ریونیوکمشنرتھے، ریونیوکمشنرایک انگریزتھا، کاتعلق جزائرکے محکمہ مالیات سے تھا۔ پینل سٹیلمنٹ کاانتظام علیحدہ اور صرف انگریزوں کے ہاتھ میں تھا۔ اس کے باوجود جزیرے میں ممکن بغاوت کے خدشے سے بورہ بنگلہ کی گارددوہری کردی گئی۔  دوسرے روزایک سیاسی قیدی اسٹریچر پرپڑاہوا نیچے گھاٹی کی سڑک پر سے گذرا۔  ’’سدھیر کماربوس یہی ہے۔‘‘ پرکاش چندکلینرنے آہستہ سے برمی ٹیوٹر کوبتلایا۔ وہ دونوں بھائی کے ساتھ پہلو کے برآمدے کے جنگلے پربیٹھے ہوئے تھے۔ میں جنگلے کی جالی میں سے نیچے جھانک رہی تھی۔  ’’سناہے کل بڑا صاحب خوداس کی کوٹھری میں گیاتھا، جوتا لات سے بات کرنے۔ اتناتویہ کمزور ہے۔ سینکیاپہلوان۔ مگرکھاٹ سے اٹھ کرپل پڑابڑے صاحب پر۔ صاحب بھاگاباہرسرپٹ۔‘‘ نورمحمد نے کہا، ’’اورپولس کوآرڈردیاکہ اسے خوب پیٹو۔‘‘  ’’مسٹراینڈرسن اپنی ٹانگیں ساتھ لے گئے تھے تبھی توبھاگے سرپٹ۔‘‘ میں نے اطمینان سے جواب دیا۔  ’’اب شایدٹھکائی کرکے ہسپتال لے جارہے ہیں۔ سول سرجن والے ہسپتال، مگرمرجائے گا۔‘‘ نورمحمد نے آہستہ سے کہا۔ آنکھیں پونچھیں، داڑھی پرہاتھ پھیرا اورپلٹ کرآوازدی، آجاؤ ٹیپو۔ ٹیپو۔ نہیں۔۔۔ توبہ۔۔۔ آرتھر۔۔۔ آرتھر۔۔۔ چلوراتب کاٹیم اوراندر چلے گئے۔  ایک روز ایام جاہلیت کا افسوس ناک خاتمہ ہوگیا۔ والدبرآمدے میں بیٹھے ہندوستان سے آئی ہوئی تازہ ڈاک دیکھ رہے تھے۔ میں فرش پر بیٹھی جہازی سائز کے نیے ادبی دنیا اورنیرنگ خیال کے ورق الٹنے پلٹنے میں مصروف تھی کہ غالباً نیرنگ خیال میں ایک الف لیلوی سے بازار کی رنگین تصویر پرنظرپڑی، جس میں قالین بچھے تھے اور حسین کنیز فروخت کی جارہی تھی۔ تصویر کے نیچے جلی حروف میں ایک شعر  لکھا تھا۔ میں نے تصویروالدکودکھاکران سے پوچھا، ’’یہ کیالکھا ہوا ہے؟‘‘  انہوں نے چونک کرذرارنج کے ساتھ مجھے دیکھا اورکہا، ’’افسوس کہ یہاں آپ بالکل جاہل رہ جائیں گی۔ اب آپ کوپڑھنا شروع کردیناچاہیے۔‘‘ چنانچہ دوسرے دن مولانا رب نوازکوبلایاگیا۔ جب وہ برآمدے میں آن کر بیٹھے تونورمحمد نے فرط عقیدت سے ان کے ہاتھ چومے اور اپنی آنکھوں سے لگائے اورجلدی سے چائے اور مٹھائی لاکران کے سامنے رکھی۔  ’’کڑی چارسال چارماہ چاردن دی ہوگئی اسے؟‘‘ انہوں نے دریافت کیا اورمطلع کیا کہ جمعے کے روز قاعدہ لے کرآئیں گے۔  اب میں یہ سمجھی کہ قاعدہ گڑیاکا گھرہوگا۔ یہ بیوقوفی کی انتہاتھی۔ معلوم تھا کہ مولانا پڑھانے کے لیے آرہے ہیں مگرقاعدہ گڑیاکاگھرہوگا۔ قاعدے کوگڑیاکے گھرسے کیا نسبت ہوسکتی ہے!  دوسرے روزصبح بھائی نے آواز دی، ’’چلیے آپ کا قاعدہ آگیا۔‘‘ میں تیرکی طرح بھاگتی ہوئی برآمدے میں پہنچی۔ چنانچہ یہ ایک پتلی سی بے رنگ کتاب تھی، جس کے پہلے صفحے پرآم، بکری، پتنگ وغیرہ کی تصویریں بنی تھیں۔  باقاعدہ بسم اللہ کی تقریب ہرگزنہیں ہوئی۔ کس واسطے کہ بسم اللہ، روزہ کشائی، سالگرہ وغیرہ کی رسوم بسلسلہ تحریک اصلاح معاشرت مدتوں قبل اماں ترک کی جاچکی تھیں۔  لہذا اس طویل دریچے میں، جس کے باہرسمندرپر سفیدپرندے چکرکاٹ رہے تھے اورڈیوک آف ولنگٹن، لارڈآرتھر ویلزلے باغ میں گلہریوں کے تعاقب میں مصروف تھا، اور دورسلولر جیل میں گولیاں چل رہی تھیں، میں دریائے علم میں غوطہ زن ہوئی۔  ’’کہو بسم اللہ الرحمن الرحیم۔ شروع کرتا ہوں۔۔۔‘‘ مولانارب نواز نے قاعدے کے پہلے صفحے پر شہادت کی انگلی رکھتے ہوئے ذراہل ہل کرکہا، ’’ساتھ نام اللہ کے۔‘‘  ’’جی نہیں۔ شروع کرتی ہوں۔۔۔‘‘ میں نے اعتراض کیا۔  ’’اچھاچھا پڑھو بیٹی آگے پڑھو۔‘‘  ’’شروع کرتی ہوں ساتھ نام اللہ کے۔‘‘  ’’سارے ملک، خصوصا بنگال، یوپی صوبہ سرحدمیں واقعات کی رفتار تیز ہوگئی۔ ہزارہا ستیہ گرہی جیلوں میں بندتھے۔‘‘  ’’دہشت پسندو ں کی وجہ سے بنگال کی حالت کانگریس کے لیے خصوصیت کے ساتھ زیادہ نازک تھی۔ دہشت پسندی نے ایسی فضا پیداکردی تھی جس میں پرامن ڈائریکٹ ایکشن زیادہ دشوارہوگیاتھا اورحکومت کے شدید ترین جبروتشدد کااثرانارکسٹ اورپرامن دونوں تحریکوں پریکساں پڑرہاتھا۔ پولس اورمقامی حکام وہ قوانین اورآرڈی نینس جودہشت پسندوں کے لیے بنائے گئے تھے، کانگریس مزدور اورکسان ورکرز پربھی لاگوکیے جارہے تھے۔ جیل کے بلوے روزمرہ کے واقعات تھے جس میں حکام نہتے سیاسی قیدیوں کومارتے پیٹتے تھے۔‘‘  ’’جواہرلال نہرونے لکھا، دہشت پسندی کی مختلف زاویوں سے مذمت کی جاچکی ہے لیکن اس کے ایک ممکن نتیجے سے مجھے خاص طورپرڈرلگتا ہے۔ اوروہ یہ ہے کہ اس کے ذریعے سارے ملک میں اچانک فرقہ وارانہ تشدد پھیل جانے کا خطرہ ہے۔ جس قوم میں مذہب سے اتنی شدید وابستگی ہو، اس قوم کے لیے دہشت پسندی کے تصورکا عادی ہوجانا بے حدخطرناک ہے۔  سیاسی قتل بے حد بری شے ہے لیکن ایک سیاسی دہشت پسندکوسمجھابجھاکر دوسرے سیاسی راستے دکھائے جاسکتے ہیں۔ مگرمذہب کے نام پرقتل دینوی اور عالم بالا کے امورسے تعلق رکھتاہے اور ان معاملات میں سمجھانے بجھانے یاعقلیت پرستی کا راستہ دکھانے کی کوشش بھی بہت دشوار ہے اوراکثر اوقات ایک سیاسی قتل ایک مابعدالطبیعاتی طریقے سے نیم مذہبی حیثیت اختیارکرلیتاہے۔ آج دہشت پسندوں کی قوم پرستی فسطائیت امپیرلیسٹ فاشزم کامقابلہ کررہی ہے۔‘‘  ’’میں نے اپنی تقریروں میں دہشت پسندوں کی سخت مذمت کی۔ لیکن دوسرے لیڈروں کی مانند ان لوگوں کوبزدل نہیں کہا۔ کیونکہ ایسے مردوں اورعورتوں کوجو اپنی جان کی بازی لگارہے ہوں، بزدل کہنا خاصی حماقت ہے۔‘‘  ’’جب میں کلکتے سے روانہ ہورہاتھا تودونوجوان مجھ سے ملنے آئے۔ وہ مجھ سے بے حدخفاتھے کہ میں ان کی دہشت پسندی کے خلاف پرچار کررہا ہوں۔ وہ دونوں پیلے، نروس، ذہین چہروں والے نوجوان تھے۔ میری ٹرین کاوقت نزدیک تھا۔ انہوں نے کہاکہ وہ اپنے کام میں میری مداخلت برداشت نہیں کریں گے اوراگر میں باز نہ آیاتو جوحشرانہوں نے دوسروں کاکیاہے، اسی طرح وہ میرا بھی فیصلہ کردیں گے۔‘‘  ’’اس رات کلکتے سے روانہ ہوتے ہوئے اورٹرین میں اپنی برتھ پر لیٹنے کے بعدمجھے ان نوجوانوں کے چہرے دیرتک پریشان کرتے رہے۔ جوش اورنروس انرجی سے بھرپور یہ لڑکے کیسے غلط راستے پرپڑگئے تھے۔ مجھے افسوس رہاکہ وقت اتنا کم تھا کہ ان نوجوانوں سے مفصل بات چیت کرکے ان کوملک کی خدمت اورحصول آزادی کے دوسرے راستے اختیارکرنے پرمائل کرسکتا تھا۔ ان راستوں پر ہمدردی اورقربانی کے مواقع کی کمی نہیں۔ پچھلے برسوں میں مجھے اکثران کا خیال آتا رہاہے۔ مجھے ان کے نام کبھی نہ معلوم ہوسکے۔ سوچتا ہوں کہ وہ شاید مرچکے ہوں یا انڈومان کی کسی کوٹھری میں پڑے ہوں۔    ہندوستان میں ستیہ گرہ جاری ہے۔ انڈومان میں دہشت پسندقیدیوں کوبھوک ہڑتال اور اموات کے خلاف احتجاج کرنے پرقیدکرلیاگیا۔ ستمبر۳۳ء میں رہائی اور دوبارہ گرفتاری کے درمیان مختصروقفے میں پنڈت نہرو نے ٹیگور اورسی ایف اینڈریوزوغیرہ کے دستخطوں کے ساتھ ایک اپیل شائع کی، جس میں انڈومان کے سیاسی قیدیوں کے ساتھ بہتر سلوک اوران کے جیلوں میں منتقل کرنے کامطالبہ کیاگیاتھا۔ برطانیہ کے ہوم ممبرنے لندن میں اس اپیل پر شدیدناراضگی کا اظہار کیااورسیاسی قیدیوں سے اظہارہمدردی بنگال میں ایک قانونی جرم قرارپایا۔    انڈومان سے واپسی کے چندسال بعد دہرہ دون میں ایک صبح بھائی اور میں والدہ اورایک رشتے دارمہمان کے ساتھ کہیں جاتے ہوئے ایک عمارت کے سامنے سے گذرے تووالدہ نے اچانک کہا، ’’وہ دیکھوسامنے جواہرلعل بیٹھے ہیں۔‘‘  جواہرلعل نہرو ایک چھوٹے سے سنسان برآمدے میں آرام کرسی پربیٹھے تھے اوردونوں ہاتھ سرکے پیچھے رکھے دورپہاڑوں کودیکھ رہے تھے۔ سامنے کاررکتی دیکھ کروہ کرسی سے اٹھ کھڑے ہوئے۔ میں اوربھائی اترکرنیچی دیوار کی طرف بھاگے جس کے سامنے وہ سپاہی ٹہلتا ہوا آرہاتھا۔ جواہرلعل نہرو متبسم اورسوچ میں ڈوبے ہوئے چندلمحوں تک ہماری طرف دیکھتے ہیں۔ سپاہی ٹہلتا ہوا ہماری سمت آیا۔ ڈرائیور نے ہارن بجایا۔ ہم لوگ کارکی طرف مڑے۔ پنڈت نہرو دوبارہ کرسی پربیٹھ گئے۔ کارآگے روانہ ہوگئی۔  ’’میں ساڑھے چودہ مہینے تک دہرہ دون جیل کی کوٹھری میں رہا۔ مجھے دوسرے جیلوں میں بہترکوٹھریاں دیں، مگردہرہ دون جیل کی ایک رعایت میرے لیے بے حد قیمتی تھی۔ یہ جیل بہت چھوٹا تھا اور ہم لوگوں کوقیدخانے کی فصیل سے باہرلیکن صرف احاطے میں اندرہی ایک مختصرسی حوالات میں رکھا گیاتھا۔ یہ جگہ اتنی چھوٹی تھی کہ اس میں ٹہلنے، یاچلنے پھرنے تک کی گنجائش نہ تھی۔ بس اتنی اجازت تھی کہ صبح وشام پھاٹک کے قریب ٹہل لیاکریں۔ یہاں سے ہمیں پہاڑ اورکھیت اور پبلک سڑک، جوکچھ فاصلے پرتھی۔ یہ رعایت خصوصیت سے میرے لیے نہیں بلکہ سارے اے اوربی کلاس قیدیوں کے لیے تھی۔ صرف وہی انسان جوطویل سز ا کے لیے اونچی دیواروں کے پیچھے محصورکردیاگیا ہو، اس چہل قدمی اور کھلی فضاؤں کے نظارے کی نفسیاتی قدروقیمت کااندازہ کرسکتاہے۔  میں ان پہاڑوں کو، جس سے مجھے عشق ہے، دیکھاکیا۔ کوٹھری میں سے مجھے پہاڑ نظرنہ آتے لیکن وہ میرے تصور میں موجودتھے۔ مجھے ان کی قربت کا احساس تھا، میرے اورپہاڑوں کے درمیان گہری یگانگت پیداہوگئی۔ دہرہ دون کا موسم گل بے حدخوشگوار ہے۔ جاڑے نے درختوں کوپتیوں سے عاری کردیاتھا۔ جیل کے پھاٹک کے سامنے پیپل کے چارشاندار درخت بھی اپنے پتے دے چکے تھے کہ اچانک درختوں میں خفیف سی جنبش اورسرسراہٹ پیدا ہوئی اورایک پراسرار سی کیفیت اورفضاچاروں طرف جوگویا پس منظرمیں بے حدخفیہ کارروائیاں کی جارہی ہوں اورپھرنہایت سرعت کے ساتھ لاکھوں نئی نویلی پتیوں نے دھوپ اورہوا کے جھروکے سے کھیلناشروع کردیا۔  لیکن برسات کے زمانے میں پانی سے بچنے کے لیے تنگ وتاریک کوٹھری کے ایک کونے میں سکڑکر بیٹھنازیادہ خوشگوار نہیں تھا۔ کیونکہ پانی چھت سے ٹپکتا اورمینہ کی بوچھارکھڑکیوں میں سے اندرآتی۔ موسم خزاں دل آویز تھالیکن جاڑوں میں جب طوفان بادوباراں آگھیرتا اوربڑے بڑے اولے ٹین کی چھت پرگولیوں کی باڑھ کی طرح گرتے توایک نسبتاً ذراسی گرمی اور تھوڑے سے آرام کی خواہش پیدا ہوتی۔ کوٹھری میں ان گنت بھڑیں اورمکھے تھے، چمگادڑیں جواندھیرا پڑتے اڑتیں۔ ان سے سخت وحشت ہوتی۔ گھنٹوں میں چیونٹیوں، دیمک، چھپکلیوں، گلہریوں اور کبوتروں کودیکھا کرتا۔  دہرہ دون جیل میں میناؤں کے ایک جوڑے نے کوٹھری کے دروازے کے اوپراپنا گھونسلہ بنالیاتھا۔ میں ان کودانہ کھلاتا اور اگران کے کھانے کے وقت میں صبح وشام تھوڑی دیرسی ہوجاتی تو وہ میرے بالکل قریب آکر پرشوراحتجاج کرتے۔ دہرہ دون میں پرندوں کی افراط تھی۔ ہم ان کو دیکھ نہیں سکتے تھے کیوں کہ حوالات کے صحن میں درخت نہیں تھے۔ صرف ان کی آوازیں سن سکتے تھے۔ میں نے ہوا میں بانکپن سے تیرتے ہوئے عقابوں کودیکھاکہ اکثرجنگلی بطخوں کی ڈارسرپرسے گذرجاتی۔  بچھو۔۔۔ عموماً اوربرسات کے زمانے میں خصوصاً(ملک کے مختلف جیلوں میں) کوٹھریوں میں پایے جاتے۔ مجھے تعجب ہے کہ مجھے کبھی کسی بچھو نے ڈنک نہیں مارا۔ حالانکہ یہ بچھو مجھے عجیب عجیب اورغیرمتوقع جگہوں میں ملتے رہتے تھے۔ بسترپر، کسی کتاب کے اندر۔ تین چارسانپ بھی(مختلف جیلوں میں) میری کوٹھریوں کے اندر یا ان کے آس پاس پائے گئے۔ ان میں سے صرف ایک کی خبرباہر نکل گئی تواخباروں نے جلی سرخیوں میں شائع کی۔  اب مجھے یہ معلوم نہیں کہ پنڈت نہروکومیں نے دہرہ دون میں جس برآمدے میں بیٹھادیکھا، انہیں اس کوٹھی میں نظربندکیاگیاتھا یااس وقت وہ آزادتھے۔  تاریخ کاایک پورادورگذرجانے کے بعد ۵۷ء میں یا شاید اس سے ذرا قبل کراچی جم خانہ کی ایک دعوت میں ایک فیشن ایبل اوربے حد حسین اورجمیل بیگم صاحبہ سے میری ملاقات ہوئی جو کسی بہت زبردست وی آئی پی کی دوسری بیوی کی دعوت کی مہمان خصوصی تھیں۔ بیگم صاحبہ نے بے حدبلندی پر سے اورخاصے سرپرستانہ اندازمیں مجھ سے دوچارباتیں کیں، جام مئے کوخالی تپائی پررکھا اور برق تبسم گراتی دوسری طرف مڑنے لگیں تومیزبان نے نزدیک آتے ہوئے کہا، ’’ارے فرخندہ! یہ کیاتمہاراگلاس خالی پڑاہے؟‘‘  ’’اب نہیں۔۔۔‘‘ بیگم صاحب نے ہاتھ اٹھاکر نزاکت سے انکارکیا۔  ’’ارے بھئی۔ کالاپانی کاٹ چکی ہواور کالاپانی پینے میں اتنا بخل؟‘‘ میزبان مصر ہوئے۔  اتنے میں بیگم صاحبہ کے وی آی پی شوہر بھی اپنا گلاس تھامے قریب آکر بیٹھ گئے۔ کالے پانی کے نام پر میرے کان کھڑے ہوئے اور میں نے بیگم صاحبہ سے پوچھا، ’’آپ کس زمانے میں تھیں کالے پانی میں؟‘‘  انھوں نے نہایت خوبصورتی سے سنی ان سنی کردی۔ میں نے دوبارہ دریافت کیا، ’’کس زمانے میں؟‘‘  ’’زمانے سے آپ کا کیا مطلب ہے؟‘‘ بالآخر انھوں نے ذرا تیوری پر بل ڈال کر پوچھا۔  اب دفعتاً مجھے سوجھ گیااور میں نے بے ساختہ ذرا اونچی آواز میں کہا، ’’ارے آپ مولانا۔۔۔ مولانانواز کی لڑکی فرخندہ؟‘‘  بیگم صاحبہ جو بہت دیر سے چہک رہی تھیں، ایک دم چپ ہو گئیں اور مختصر اً اور ذرا خشکی سے کہا، ’’جی ہاں۔‘‘  ’’بھئ حد ہو گئی۔۔۔‘‘ میں نے جگمگاتے ہوئے مجمع کو اسی بیوقوفی کے عالم میں مخاطب کیا، ’’بھئی یہ تو فرخندہ جمال نکلیں۔ ان کے والد مولانا رب نواز اس قدر سوئیٹ تھے اور ایسے نڈر، قیدیوں کے سامنے ایسے ایسے وعظ کہتے۔۔۔ پورٹ بلئیر میں۔‘‘ میں نے جواب دیا۔  ’’خود سرکاری ملازم تھے لیکن ایسے لطیف پیرایہ میں ایسی بڑی بڑی باتیں کہتے تھے کی ان کی کسی بات کو گرفت میں نہ لایا جا سکتا تھا۔‘‘  اب مجھے مولانا کے متعلق وہ ساری باتیں یاد آتی جا رہی تھیں جو بعد میں ایک مرتبہ والد نے بتائی تھیں۔ مثلاًیہ کہ مولانا ان قدیم وضع کے پٹھانوں کے کسی سیّد سے پہلی بار ملتے ہی زیر لب درود شریف پڑھنے لگتے ہیں۔  ’’وہ زمانہ بے حد خطرناک تھا۔‘‘ میں نے بات جاری رکھی، ’’ہندوستان میں ٹیرسٹ موومنٹ زوروں میں چل رہا تھا۔ انڈامان کے سیاسی قیدیوں پر گولیاں چلتی تھیں۔ تیسری گول میز کانفرنس تو ہو چکی تھی، جنے کس سن میں ہوئی تھی۔ بھئی کمال ہے۔‘‘ وی آئی پی شوہر کبھی مجھے دیکھتے اور کبھی اپنی دلہن کو۔ فرخندہ بیگم، میری سمجھ میں نہیں آیا کہ کیوں اس قدر مجھ سے خفا نظر آ رہی تھیں۔ مولانا رب نواز، میں نے قریب کے صوفے پر بیٹھے ہوئے ایک بااقدار، نئے سیاست داں کو جو اپنی سیاسی بد دیانتی کے لیے بہت مشہور تھے، مخاطب کیا، اس نسل کے فرد تھے جس نسل نے دیوزاد پیدا کیے۔ حالانکہ ان کا نام نہ تب کسی نے سنا ہوگا اور نہ اب کسی نے سنا ہے۔۔۔ وہ ایک فرد تن اور غریب عالم اور صحیح معنوں میں مرد مومن تھے۔  میزبان نے اس دوران میں فرخندہ بیگم کے گلاس میں شراب انڈیل دی تھی۔ فرخندہ بیگم نے ذرا جھجک کر گلاس تپائی پر رہنے دی۔ سیاست داں نے پہلو بدل کر سگریٹ جلایا۔ میں فضا کی ان Overtonesسے قطعی بے خبر، اداسی سے کہتی رہی، ’’مولانا رب نواز تھے۔ آج برسوں بعد ایک دم اس طرح یاد آگئے، ایسا عجیب سا لگ رہا ہے۔ وہ مجھے الف بے پڑھاتے تھے۔ وہ بھی کیا زمانے تھے۔۔۔ ہیں نا فرخندہ بتا کیسے ہیں؟ ان کو ضرور میرا آداب کہیے گا۔ اور آپ کی امی کیسی ہیں۔۔۔؟‘‘  ’’آپ ہی بتائیے ایسا اتفاق روز روز کیسے ممکن ہے کہ بچپن کے ساتھ کھیلے، اس طرح غیر متوقع دوبارہ نظر آجائیں۔۔‘‘ مگر فرخندہ بیگم جلدی سے معذرت چاہ کر اٹھیں اور میزبان کے ساتھ ڈانس فلور پر چلی گئیں۔ دوسرے لمحہ ان کے شوہر بھی، جو عنقریب ایک مرکزی وزیر بننے والے تھے، ایک خاتون کے ساتھ رقص کرنے کے لیے وہاں سے اٹھ گئے۔ جب نامور سیاست داں بھی چند منٹ بعد دوسری طرف چلے گئے تو نزدیک بیٹھی ہوئی میری ایک سہیلی بیگم سراج نے آہستہ سے مجھ سے کہا، ’’تمہاری بیوقوفی کی بھی کوئی حد و انتہا نہیں ہے۔ جانتی ہو اس وقت تم نے کیا غضب کیا؟‘‘  ’’کیا ہوا۔۔؟‘‘ میں نے تعجب سے پوچھا۔  ’’فرخندہ بیگم کی ابھی ابھی شادی ہوئی ہے۔ ان کی آفیشیل عمر محض بائیس تیئس برس کی ہے اور تم ہو کہ عین اس کے شوہر کے سامنے غدرکے وقتوں کی بڑی بوڑھیوں کی طرح گڑے مردے سے اکھاڑ نے بیٹھ گئیں۔۔۔ ہندوستان کا ٹیرسٹ موومنٹ اور گول میز کانفرنس اور یہ اور وہ۔۔ لے کے ان کے شوہر کو بھونچکا کر دیا اور مستقل بیگم صاحبہ سے جرح کیے جا رہی ہوکہ کس زمانے میں تھیں۔ یہ زمانے کی بھی ایک ہی رہی۔‘‘  ’’اچھا تو یوں کہو۔۔۔‘‘ اب جاکر میری سمجھ میں آیا۔  ’’ان کے والد بے چارے کا بہت عرصہ ہوا، انتقال ہو چکا ہے۔‘‘  ’’ارے۔۔‘‘ میں نے رنج سے کہا، ‘‘ اتنے سویٹ تھے، مجھے دھندلے دھندلے اب تک یاد ہیں۔‘‘  ’’ٹھیک ہے۔ مگر آپ اس وی آئی پی مجمع کے سامنے یہ ثابت کرنے میں جٹی ہوئی تھیں کہ فرخندہ بیگم کسی بڑے آدمی کی بیٹی ہونے کے بجائے کسی نگوڑ سے جیل خانے کے سنکی واعظ کی بٹیا ہیں۔‘‘  میں نے ہکا بکا ہوکر بیگم سراج کو دیکھا اور تب مجھ پر پہلی بار اچانک یہ انکشاف ہوا کہ میں ان لوگوں سے کسی دوسری زبان کا استعمال کر رہی تھی۔  ’’اینٹیں گرانے میں تمہارا کوئی ثانی نہیں ہے۔‘‘ بیگم سراج نے ساری کا پلو سنبھال کر اٹھتے ہوئے کہا اور مسکراتی ہوئی وہ ڈانس پارنٹر کے ساتھ ڈانس فلور پر چلی گئیں۔  دسمبر۵۹ءدلّی کے ورلڈایگری کلچر فیئر میں ہندوستان کی ساری ریاستوں کے پویلین طرز تعمیر اور آرائش کے لحاظ سے تہذیبی روایات کے عکاس تھے۔  اترپردیش کی عمارت لکھنؤ کے امام باڑوں کی وضع کی بنائی گئی تھی۔ راجستھان اور آندھرا، او رمحل، ایلورا اور بانس کے جھونپڑوں کے اندر تھے اوروہیں ٹروپکل پودوں سے گھری ایک مصنوعی جھیل کے کنارے ایک بنگلے پر میری نظر پڑی، جس کی پیشانی پرانڈومان و نکوبار لکھا تھا۔ میں سیڑھیاں چڑھ کر اوپر گئی۔ اندر دیواروں پر آزادی کے جزائر کی صنعتی اور تعلیمی ترقی کے اعداد و شمار کے گراف آویزاں تھے۔ سفید ساریوں میں ملبوس دو بنگالی لڑکیاں ایک کاؤنٹر پر تھیں، جن پر گھریلو دستکاریوں کے نمونے سجے تھے۔  ’’یہ سامان سلور جیل کے قیدیوں نے بنایا ہے؟‘‘ میں نے دریافت کیا۔  ’’سلور جیل؟‘‘ ایک لڑکی نے دہرایا۔ دوسری سیلز گرل اس کے قریب آئی، ’’سلور جیل تو عرصہ ہوا ختم ہو چکا ہے۔ انڈومان اب پینل سیٹلمن نہیں ہے۔ اب وہاں آزاد نئے انڈمانی بستے ہیں۔‘‘  ’’نئے انڈمانی۔۔۔؟‘‘ میں نے پوچھا۔  ’’جی ہاں مشرقی بنگالی سے آئے ہوئے زراعت پیشہ رفیوجیوں کو وہاں بسایا گیا ہے۔ ہم دونوں بھی ایسٹ پاکستان کے رہنے والے ہیں۔ انڈمان سیاحوں کی جنت ہے۔‘‘ پہلی لڑکی نے کہا، ’’کلکتے سے پورٹ بلئیر ہفتہ وار فضائی سروس بھی ہے۔ کبھی آئیے۔‘‘  ’’ضرور۔‘‘ میں نے اخلاق سے جواب دیا اور سامنے دیوار پر لگی آدی واسیوں یعنی جنگلی قبائل کے رقص کی تصویر دیکھنے لگی۔ انڈمانی قبیلے کے اب صرف تیئس افراد باتی ہیں۔ دوسرے قبائل کی تعداد چند سو رہ گئی ہے۔  گو قدیم حجری عہد ابھی مہذب انسان کی جبلت میں زندہ ہے مگر تاریک جنگلوں میں اس کے آثار ختم ہونے والے ہیں۔ میں دوسری طرف مڑی اور تب اچانک مجھے بارہ بنگلہ کی ایک بہت بڑی تصویر دکھلائی پڑی۔ بورہ بنگلہ۔۔۔ میں ٹھٹک کر گم سم اس تصویر کو دیکھنے لگی۔ بورہ بنگلہ، جس میں اب جزائرکی حکومت کا کوئی اہم دفتر تھا، اپنے چوبی کھمبوں پر ایستادہ ثابت و سالم و محفوظ اسی طرح اپنی پہاڑی پر موجود تھا۔ میں محویت سے اسے دیکھا کی۔ اس کے فرانسیسی در یچوں کے شیشے اس طرح جھلملائے گویا جواباًوہ مجھے گھور رہا ہو۔  بورہ بنگلہ کے سامنے ربر کے درختوں کا جھنڈ موجود تھامگر ان سائے میں کھیلتا آرتھر ویلز لے وہاں نہیں تھا۔ حولدار رام چندر، مولانا رب نواز اور نور محمداور پرکاش چندراور برمی ٹیوٹر اور مسٹر انڈر سن نہیں تھے۔ ان دریچوں کے نیچے بیٹھ کر والد صبح کا اخبار پڑھتے تھے۔ سمندر کی سفید موجیں اسی طرح باغ کی ڈھلان سے ٹکرا رہی تھیں۔ زندگی، مجھے معلوم ہوا، اسی طرح جاری رہتی ہے۔ وقت بدل جاتا ہے۔ آگے بڑھ جاتا ہے۔ جیولوجیکل وقت میں گھرے انسان کی زندگی چیونٹی کی عمر سے بھی حقیر اورمختصر ہے مگر زندگی جاری رہتی ہے اور آگے بڑھتی ہے۔ وقت بدل جاتا ہے۔ آگے بڑھ جاتا ہے۔  کیونکہ، اس لمحے، اس تصویر کے سامنے کھڑی میں، وہ ہستی نہیں تھی جو ان کمروں ان بر آمدوں اور اس باغ میں کھیلتی اور کودتی پھاندتی تھی، گلا پھاڑ کر روتی تھی، کھانے کے میز کے نیچے بلی کے ساتھ بیٹھ جاتی تھی۔ میں ایک دوسری، قطعاً مختلف ہستی تھی۔  بورہ بنگلہ مجھے گھورتا رہا۔ وہ مجھے سے پوچھ رہا تھا، اتنے طویل عرصے کے بعد جو تم میرے سامنے آئی ہو تو مجھے بتاؤ کی مجھ سے کیا کہنا چاہتی ہو۔ اتنے عرصے تم نے زندگی میں کیا کیا؟ اور مجھے سنانے کے لیے تمہارے پاس کیا ہے۔ میں جلدی سے کاؤنٹر کی طرف مڑی۔ نئی انڈمانی سیلز گرل نے انناس کے ریشے سے بنا ایک شاپنگ بیگ پیش کیا۔ واجبی قیمت لی۔ بیگ تھا خوبصورت اور بہت مضبوط۔  اگر میں اس لڑکی کو بتاتی کہ کسی زمانے میں، میں اس دیوار پر آویزاں تصویر کے اندر رہتی تھی تو اسے کتنا عجیب لگتا۔ یہ لڑکی ایک دوسری نسل سے تعلق رکھتی تھی۔ اس کے دکھ دوسرے تھے۔ اس نسل کی قسمت میں جتنے دکھ لکھے تھے، سہ چکی تھی۔ وہ آزاد برصغیر۔ Root less نوجوان پیڑھی کی ایک فرد تھی۔ وہ لوگ جنہوں نے پچھلے پچاس برس تک آزادی کی لڑائی لڑی، ان کے قدم کے نیچے ان کی اپنی دھرتی تھی، جس کی پائندگی اور تابند گی کی خاطر وہ لڑے تھے۔ مگر اس نئی نسل کے قدموں کے نیچے سے زمین نکل چکی تھی۔ اس نسل مین ریفیوجی تھی۔ اور نئے کلیت پسند تھے۔ اور ٹیڈی نوجوان تھے۔  منزل پر پہنچ کر منزلیں دھندلا گئی تھیں۔ بورہ بنگلہ کے تصویر نے دوبارہ مجھے اپنی طرف متوجہ کیا اور اس پر نظر ڈال کر میں نے پھر خود کو یقین دلانا چاہا کہ اس شگفتہ آرٹسٹک پویلین کے اندر موجود، میں ایک مختلف ہستی ہوں۔ بورہ بنگلہ مجھے گھور تا رہا۔ شاید میں اب بھی وہی بیوقوف، حیرت زدہ ہستی تھی جس کے خیال میں سمندر مزدوروں نے کھودا تھا، مسٹر انڈرسن اپنی ٹانگیں علیحدہ کر کے گھر پر رکھ جاتے تھے اور قاعدہ گڑیا کا گھر تھا۔ اور یہ پرانی چوبی عمارت میری اس حقیقت سے واقف تھی۔ اس کی نظروں سے بچنے کے لیے میں تیز تیز قدم رکھتی پویلین سے نیچے اتر آئی۔  نومبر ۶۱ ء کلکتے کے مہاجتی سدن میں للت کلا کیندر کی سالانہ میوزک کانفرنس شروع ہونے میں کچھ ہی دیر تھی۔ بڑے غلام علی خاں، بسم اللہ خاں، مشتاق علی خاں، بیگم اختر اشتیاق اور دوسرے بڑے فن کاروں کی ایک جھلک دیکھنے کے لیے باہر سڑک پر بھیڑ جمع ہو چکی تھی لیکن ہال ابھی خالی پڑا تھا۔ میرے ساتھی زینے کے نیچے باتوں میں مصروف تھے۔ میں ٹہلتی ہوئی ہال کے اندر چلی گئی اورہال کی دیواروں پر آویزاں روغنی تصاویر کی قطاروں نے مجھے اپنی طرف متوجہ کیا۔ سارے ہال میں کئی سو (۱۰۰) تصویریں رہی ہوں گی۔ جن کے نچلے کونوں میں بنگال کے نامور فن کاروں کے دستخط تھے۔ یہ کس قسم کی پورٹریٹ گیلری ہے۔ میں نے ذرا تعجب سے سوچا۔ اور نوجوان لڑکوں اور لڑکیوں کی ان تصویروں کے قریب گئی۔  متجس، بے چین آنکھیں، پر سکون آنکھیں، اداس تبسم، مطمئن، شانت تبسم، مسرورچہرہ، سنجیدہ چہرے، مضطرب اور سوچتے ہوئے چہرے۔ یہ کون لوگ ہیں۔۔۔؟ حیرت کے ساتھ میں نے تصاویر کے نیچے پیتل کی چھوٹی تختیوں پر منقش نام پڑھنے شروع کیے۔  خودی رام باسو۔ پھانسی ۱۹۰۸ء پر فلا چکی۔ جیل میں خودکشی ۱۹۰۸ء اشفاق اللہ۔ پھانسی۱۹۲۹ء بھگت سنگھ۔ پھانسی ۱۹۳۱ ء پرتی لتا دادیدا۔ خودکشی ۱۹۳۲ ء راجندر لہری۔ پھانسی ۱۹۲۷ ء گوپی ناتھ ساہا۔ پھانسی ۱۹۲۴ ء جتیش گوہا۔ پولس کے مظالم سے مرے ۱۹۳۰ ء دیپ پرشاد گپتا۔ گولی مار دی گئی  ماتا نگنی ہاجرہ۔ پولیس کی گولی سے شہید۱۹۴۲ ء سدھیر کمار بوس۔ انڈمان میں بھوک ہڑتال سے مرے  میں ٹھٹھک گئی۔۔۔ سدھیر کمار بوس۔۔۔ انڈمان میں۔۔۔ بھوک ہڑتال سے مرے۔  اچانک میں نے محسوس کیا کہ میرے پیچھے کوئی کھڑا ہے۔ یہ، یہ میرے بڑے بھائی تھے۔ میں نے پلٹ کر دیکھا۔ ایک خستہ حال کھچڑی بالوں والا دبلا پتلا آدمی میرے پیچھے کھڑا مجھ سے کہہ رہا تھا، آپ تصویرں کو بڑے دھیان سے دیکھ رہی تھیں۔ اس نے میرے برابر آکر کہنا شروع کیا۔ آپ تو ان کے نام بھی نوٹ کرتی جا رہی ہیں۔ آپ کیا جرنلسٹ ہیں؟ میں شاید آپ کے بھائی کی ایک جھلک دیکھ چکی ہوں۔  دادا کو دیکھ چکی ہیں آپ؟ یہ کیسے ممکن ہے؟ اس نے بے حد تعجب سے پوچھا۔  آ۔۔۔ کم آن ہنی۔۔۔ ایک گورا اچٹا ٹیڈی بوائے اپنے بے حد نوکیلے جوتوں پر تیرتا ہوا آکر میرے اور تصویر کے درمیان حائل ہو گیا، جہاں سے وہ اپنی گرل فرینڈ کو آواز دے رہا تھا، جو ہال کے دوسرے سرے پر شاید اپنی کرسی تلاش کر رہی تھی۔  ہائی ڈوپ کم آن ہیر۔ لڑکی نے، جو بے حد تنگ شلوار اور اس سے بھی زیادہ تنگ قمیض میں جکڑی ہوئی تھی، ٹیڈی بوائے کو جواباً پکارا۔ ٹیڈی بوائے اسی طرح نوکیلے جوتوں پر تیرتا ہوا آگے نکل گیا۔ اس کی چست سیاہ پتلون کی نازک کمر پر بندھی ہوئی نقرئی پیٹی روشنی میں جگمگا رہی تھی۔  مدقوق بنگالی نے پھر مجھ سے بات شروع کی۔ میں بھی کرانتی کاری تھا۔ آدھی زندگی جیل میں کاٹی۔ اس نے اداسی سے کہا۔۔۔ آپ آرٹیکل لکھیں گی۔۔۔؟ شاید۔۔ پتہ نہیں؟ میرا نام پربدھ کمار بوس ہے۔ میں باریسال کا رہنے والا ہوں۔ دادا کے انڈمان جاتے وقت میں اسکول میں تھا۔ دادا کے غم میں روتے روتے میری ماں بھی مر گئی۔ مگر میں اسکول سے نکلتے ہی موومنٹ میں شامل ہو گیااور جیسور میں پکڑ لیا گیا۔ بارہ برس تک میں علی پور جیل میں بند رہا۔ آزادی کے بعد آزادی ملی۔ تب میرا ضلع دوسری طرف جا چکا تھا۔ اب میں۔۔۔ اب میں۔۔۔  ٹیڈی بوائے برق رفتاری سے پھر واپس آیا۔ اب کے اس کے ساتھ چند امریکن بیٹ نک(Beatnik) تھے، جن میں سے کچھ نے سیاہ شیروانی، چوڑی دار پائجامہاور ایک کلائی میں چاندی کا کڑا پہن رکھا تھا۔ دوسرے امریکن بیٹ نک نے خاکی نیکر، پرتگالی کرتا پہنا ہوا تھا۔ تیسرے امریکن بیٹ نک نے مغربی لباس ہی پر اکتفا کیا تھا مگر وضع قطع سے لڑکی معلوم ہو رہا تھا۔ امریکن بیٹ نک لڑکی کے حلیہ سے لڑکا دکھائی دے رہی تھی۔ یہ سب اسٹیج کے نیچے کھڑے اس انگریز لڑکی شرلے کی سمت جا رہے تھے جو ہندوستانی رقص سیکھنے کے لیے انگلستان سے آئی ہوئی تھی اور برجو مہاراج کی شاگردی میں کتھک کی مہارت حاصل کرنے کے بعد آج شام اپنے فن کا مظاہرہ کرنے والی تھی۔ ہندوستانی ٹیڈی بوائی نے مدقوق انقلابی کو بازو کی ایک جنبش کے ساتھ اپنے راستے سے ہٹایا اور اپنے بیٹ نک کے ہمراہ آگے بڑھ گیا۔  عین اسی وقت مارواڑی سیٹھوں، سوسائیٹی لیڈیز، پروفیشنل انٹکچوئیلز اور کلچر ولچرز کا ایک ریلا برابر کے دروازے سے ہال میں داخل ہوااور مدقوق انقلابی اس ریلے میں نظروں سے اوجھل ہو گیا۔ میں نے اس کی تلاش میں چاروں طرف دیکھا۔ میں اس سے کہنا چاہتی تھی کہ میں اس کے دادا کی کہانی ضرور لکھوں گی۔ میں اس سے کہنا چاہتی تھی کہ میں سارے بر صغیر کی کہانی جاننا اور لکھنا چاہتی ہوں مگر یہ کہانی سننے اور سنانے کے لیے محض ایک حیات مستعار بے حد نا کافی ہے۔  میں تو اس سے پوچھنا چاہتی تھی کہ کیااس کے داداہی وہ جوشیلے نوجوان تو نہیں تھے، جو غصے سے پنڈت جی کے پاس پہنچے تھے مگر وہ گمنام تباہ حال کر انتی کاری اس زرق برق، بے پروا، خوش باش، آسودہ حال مجمع میں کہیں کھو چکا تھا۔  اسٹیج پر جل ترنگ بجنا شروع ہو گئی۔ ۶؎ حواشی (۱) آرتھرولزلے (۲) جلیل قدوائی کے نام یلدرم کے ایک خط سے اقتباس۔  (۳) وہ شعر یہ تھا، دکھائیے لے جا کے تجھے مصرکا بازار خواہاں نہیں لیکن یہ کسی جنس گراں کا (۴) سوانح عمری ازجواہرلعل نہرو، جوجیل میں لکھی گئی ور ۱۹۳۶ء میں شائع ہوئی۔  (۵) سوانح عمری ازنہرو۔  یہ کہانی میں نے پچھلے سال لکھی تھی۔ حال ہی کی خبر ہے کہ چچا محمد، ایک پرانے انقلابی جن کی پھانسی کی سزا حبسِ دوام میں تبدیل کر دی گئی تھی اور چوبیس برس تک انڈمان میں قید رہے۔، پچھلے دنوں انھوں نے لاہور میں گمنامی اور شدید مفلسی کے عالم میں انتقال کیا۔

Qurratulain Hyder
Reportage

دستک دی تو شعیب قدوائی نے دروازہ کھولا۔ بہت دن ہوئے علی گڑھ یونیورسٹی میں شعیب قدوائی کا تقرر ہوگیا تھا۔ لیکن معلوم نہیں کیوں انہیں علی گڑھ یونیورسٹی پر دہلی کالج کو ترجیح دی۔ شعیب جب انگریزی بولنے پر آتے ہیں تو معلوم ہوتا ہے کہ انگلینڈ میں پیدا ہوئے تھے۔ (وہ لیڈس میں رہ بھی چکے ہیں) جب ادب پر گفتگو کرتے ہیں تو کوفت ہوتی ہے کہ یہ شخص لکھتا کیوں نہی...

Qazi Abdus Sattar
Short story

शुरू' दुनिया से गेहूँ ठीक मौसम में पकता आया है और हिमाला पार की कूजें मैदानों में जाड़े के ‎दिन गुज़ार कर गर्मियाँ शुरू' होते ही अपने वतन के लंबे सफ़र पर तैयार होती आती हैं। अगर गेहूँ ‎वक़्त पर न पके और कूजें बैसाख शुरू' होते ही अपने सफ़र की तैयारी से चूक जाएँ, तो ये दोनों के ‎लिए ताने की बात होगी।
उजागर बोला, “आदमी होने की बजाए हम भी हिमाला पार के पंछी होते, तो न कोई हमारे खेतों की ‎कन-कूत करता। न हमें बटाई की मुसीबत झेलनी पड़ती।”‎

Devendra Satyarthi
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now