کی تلاش کا نتیجه | موضو - نظم, صفحہ khilaa.o

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

تلاش کے نتائج

تلاش کا نتیجہ "khilaa.o"

نظم کے متعلقہ نتیجہ "khilaa.o"

نظم

سال میں اک بار آتا ہے
آتے ہی مجھ سے کہتا ہے
''کیسے ہو
اچھے تو ہو
لاؤ اس بات پہ کیک کھلاؤ
رات کے کھانے میں کیا ہے
اور کہو کیا چلتا ہے''
پھر ادھر ادھر کی باتیں کرتا رہتا ہے
پھر گھڑی دیکھ کے کہتا ہے
''اچھا تو میں جاتا ہوں
پیارے اب میں
ایک سال کے بعد آؤں گا
کیک بنا کے رکھنا
ساتھ میں مچھلی بھی کھاؤں گا''
اور چلا جاتا ہے!
اس سے مل کر
تھوڑی دیر مزا آتا ہے!
لیکن پھر میں سوچتا ہوں
خاص مزا تو تب آئے گا
جب وہ آ کر
مجھ کو ڈھونڈھتا رہ جائے گا!!

محمد علوی

نظم

اچھا ہمیں سویاں مل جل کے تم کھلاؤ
ہم نے تمہارے پیسے اس عید سے بڑھائے
بچو تمہاری عیدی کیسے بڑھائی جائے

مظفر حنفی

نظم

دروازہ گھر کا کھڑکا
باہر کھڑا تھا لڑکا
کہتا تھا میں ہوں بھوکا
مجھ کو کھلاؤ کھانا
ہوتی ہے بھوک کیا شے
روزہ رکھا تو جانا

احمد حاطب صدیقی

نظم

وفا کے پھول کھلاؤ بہار ہولی ہے
نظر نظر سے ملاؤ بہار ہولی ہے

جوہر رحمانی

نظم

ہر غم کو بھول جاؤ دوالی کی رات ہے
آؤ دئے جلاؤ دوالی کی رات ہے
ہر دیپ دے رہا ہے نئی صبح کا پیام
اب تم بھی مسکراؤ دوالی کی رات ہے
میں نے بھی کچھ چراغ محبت جلائے ہیں
بچو قریب آؤ دوالی کی رات ہے
چھوٹے بڑوں کا بھید نہ رکھو دلوں میں آج
سب کو قریب لاؤ دوالی کی رات ہے
ہنستا ہے یہ دوالی کا اک اک چراغ آج
ہونٹوں پہ گل کھلاؤ مٹھائی اڑاؤ موج
اور پھلجھڑی چھڑاؤ دوالی کی رات ہے

جوہر رحمانی

نظم

ننھے ننھے پیارے پیارے
چم چم ٹم ٹم نیارے نیارے
ہلکے پھلکے نور کے دھارے
نیل گگن کے راج دلارے
جگ مگ جگ مگ جگ مگ تارے
آ جاؤ تم گھر جو ہمارے
تم ہو ہمارے ہم ہوں تمہارے
آؤ آؤ چھت پر آؤ
آ نہ سکو تو ہاتھ بڑھاؤ
دودھ ملیدہ کھاؤ کھلاؤ
دن میں کہاں چھپتے ہو بتاؤ
جگ مگ جگ مگ جگ مگ تارے
آ جاؤ تم گھر جو ہمارے
تم ہو ہمارے ہم ہوں تمہارے
کونے میں وہ میری چھڑی ہے
اور یہ دس پیسے کی گھڑی ہے
گیند ہماری کتنی بڑی ہے
کھیلنے کو ہر چیز پڑی ہے
جگ مگ جگ مگ جگ مگ تارے
آ جاؤ تم گھر جو ہمارے
تم ہو ہمارے ہم ہوں تمہارے
میں ہوں پڑا خاک کے گھر میں
تم ہو بسے آکاش نگر میں
لاکھ ہو دوری بیچ ڈگر میں
کچھ بھی نہیں وہ میری نظر میں
جگ مگ جگ مگ جگ مگ تارے
آ جاؤ تم گھر جو ہمارے
تم ہو ہمارے ہم ہوں تمہارے
رات میں کیوں آتے ہو
دن میں کہاں چھپ جاتے ہو
اپنے گھر کیا کیا کھاتے ہو
نور کہاں سے پاتے ہو
جگ مگ جگ مگ جگ مگ تارے
آ جاؤ تم گھر جو ہمارے
تم ہو ہمارے ہم ہوں تمہارے
تم کو ہوگی معلومات
مجھ کو بتا دو اتنی بات
کیا ہے دن اور کیا ہے رات
جاڑا گرمی اور برسات
جگ مگ جگ مگ جگ مگ تارے
آ جاؤ تم گھر جو ہمارے
تم ہو ہمارے ہم ہوں تمہارے

ناظم میواتی سہسرامی

نظم

ایسے میں تم بھی آ جاؤ
دل کی بستی آ کے بساؤ
من کے باسی پھول کھلاؤ
بیتا دکھ کا زمانہ پیارے

علی جواد زیدی

نظم

پھول کھلاؤ دامن کے ہر سو
خوشبو بکھیرو پیار کی ہر سو
ننھے منے معصوم بچو
آنے والے کل کو سنوارو

رشید اختر

نظم

پیٹو مل
دودھ ملائی
ہائے کھلاؤ
دمڑی پائی
کچھ تو دلاؤ
نان خطائی
کھاؤ کھاؤ
ٹنگو بھائی
لسی لاؤ
ہائے ہائے بھوک لگی ہے

معید رعنا

نظم

میری اچھی آپا آؤ
آؤ میرا جی بہلاؤ
گل گل باتی چنے چباتی
کہہ کہہ کر تم خوب ہنساؤ
اٹکن بٹکن دہی چٹاخا
ایسے ایسے کھیل کھلاؤ
میرے لیے بازار سے اپیا
چینی کی گڑیا منگواؤ
میری اس گڑیا کی خاطر
منا سا گھروا بنواؤ
میرے دونوں ہاتھ پکڑ کر
خوب نچاؤ خوب کداؤ
منہ اور ہاتھ دھلا کر میرا
صاف نئے کپڑے پہناؤ
منی سی گاڑی میں بٹھا کر
مجھ کو چمن کی سیر کراؤ
سیر سے جب میں واپس آؤں
ایک کہانی مجھ کو سناؤ
پھر اچھی سی لوری دے کر
تم میری نندیا کو بلاؤ
یا نیرؔ کے گیت سہانے
گا کر میرا جی بہلاؤ

محمد شفیع الدین نیر

نظم

مہمانوں کا کرو سواگت
جم کر انہیں کھلاؤ دعوت

شمیم انجم وارثی

نظم

تھوڑی سوکھی گھاس
کھلاؤ
پانی کا اک ڈول دکھاؤ
پیٹ بھرے تو
پیٹھ پہ چاہے کتنے ہی ڈنڈے برساؤ
یہ بیچارہ کچھ نہ کہے گا
ننگے بدن پر
خاموشی کے ساتھ تمہاری مار سہے گا

بدیع الزماں خاور

نظم

کبھی کبھی مرے دل میں خیال آتا ہے
کہ زندگی تری زلفوں کی نرم چھاؤں میں
گزرنے پاتی تو شاداب ہو بھی سکتی تھی
یہ تیرگی جو مری زیست کا مقدر ہے
تری نظر کی شعاعوں میں کھو بھی سکتی تھی
عجب نہ تھا کہ میں بیگانۂ الم ہو کر
ترے جمال کی رعنائیوں میں کھو رہتا
ترا گداز بدن تیری نیم باز آنکھیں
انہی حسین فسانوں میں محو ہو رہتا
پکارتیں مجھے جب تلخیاں زمانے کی
ترے لبوں سے حلاوت کے گھونٹ پی لیتا
حیات چیختی پھرتی برہنہ سر اور میں
گھنیری زلفوں کے سائے میں چھپ کے جی لیتا
مگر یہ ہو نہ سکا اور اب یہ عالم ہے
کہ تو نہیں ترا غم تیری جستجو بھی نہیں
گزر رہی ہے کچھ اس طرح زندگی جیسے
اسے کسی کے سہارے کی آرزو بھی نہیں
زمانے بھر کے دکھوں کو لگا چکا ہوں گلے
گزر رہا ہوں کچھ انجانی رہ گزاروں سے
مہیب سائے مری سمت بڑھتے آتے ہیں
حیات و موت کے پر ہول خارزاروں سے
نہ کوئی جادۂ منزل نہ روشنی کا سراغ
بھٹک رہی ہے خلاؤں میں زندگی میری
انہی خلاؤں میں رہ جاؤں گا کبھی کھو کر
میں جانتا ہوں مری ہم نفس مگر یوں ہی
کبھی کبھی مرے دل میں خیال آتا ہے

ساحر لدھیانوی

نظم

جب ساون بادل چھائے ہوں
جب پھاگن پھول کھلائے ہوں
جب چندا روپ لٹاتا ہو
جب سورج دھوپ نہاتا ہو
یا شام نے بستی گھیری ہو

ابن انشا

نظم

یوں ہی ہمیشہ الجھتی رہی ہے ظلم سے خلق
نہ ان کی رسم نئی ہے نہ اپنی ریت نئی
یوں ہی ہمیشہ کھلائے ہیں ہم نے آگ میں پھول
نہ ان کی ہار نئی ہے نہ اپنی جیت نئی
اسی سبب سے فلک کا گلہ نہیں کرتے
ترے فراق میں ہم دل برا نہیں کرتے

فیض احمد فیض

نظم

نہیں معلوم زریونؔ اب تمہاری عمر کیا ہوگی
وہ کن خوابوں سے جانے آشنا نا آشنا ہوگی
تمہارے دل کے اس دنیا سے کیسے سلسلے ہوں گے
تمہیں کیسے گماں ہوں گے تمہیں کیسے گلے ہوں گے
تمہاری صبح جانے کن خیالوں سے نہاتی ہو
تمہاری شام جانے کن ملالوں سے نبھاتی ہو
نہ جانے کون دوشیزہ تمہاری زندگی ہوگی
نہ جانے اس کی کیا بایستگی شائستگی ہوگی
اسے تم فون کرتے اور خط لکھتے رہے ہو گے
نہ جانے تم نے کتنی کم غلط اردو لکھی ہوگی
یہ خط لکھنا تو دقیانوس کی پیڑھی کا قصہ ہے
یہ صنف نثر ہم نابالغوں کے فن کا حصہ ہے
وہ ہنستی ہو تو شاید تم نہ رہ پاتے ہو حالوں میں
گڑھا ننھا سا پڑ جاتا ہو شاید اس کے گالوں میں
گماں یہ ہے تمہاری بھی رسائی نارسائی ہو
وہ آئی ہو تمہارے پاس لیکن آ نہ پائی ہو
وہ شاید مائدے کی گند بریانی نہ کھاتی ہو
وہ نان بے خمیر میدہ کم تر ہی چباتی ہو
وہ دوشیزہ بھی شاید داستانوں کی ہو دل دادہ
اسے معلوم ہوگا زالؔ تھا سہرابؔ کا دادا
تہمتن یعنی رستمؔ تھا گرامی سامؔ کا وارث
گرامی سامؔ تھا صلب نر مانیؔ کا خوش زادہ
(یہ میری ایک خواہش ہے جو مشکل ہے)
وہ نجمؔ آفندی مرحوم کو تو جانتی ہوگی
وہ نوحوں کے ادب کا طرز تو پہچانتی ہوگی
اسے کد ہوگی شاید ان سبھی سے جو لپاڑی ہوں
نہ ہوں گے خواب اس کا جو گویے اور کھلاڑی ہوں

جون ایلیا

نظم

جنگ سرمائے کے تسلط سے
امن جمہور کی خوشی کے لئے
جنگ جنگوں کے فلسفے کے خلاف
امن پر امن زندگی کے لئے

ساحر لدھیانوی

نظم

یہ کائنات عظیم
لگتا ہے
اپنی عظمت سے
آج بھی مطمئن نہیں ہے
کہ لمحہ لمحہ
وسیع تر اور وسیع تر ہوتی جا رہی ہے
یہ اپنی بانہیں پسارتی ہے
یہ کہکشاؤں کی انگلیوں سے
نئے خلاؤں کو چھو رہی ہے
اگر یہ سچ ہے
تو ہر تصور کی حد سے باہر
مگر کہیں پر
یقیناً ایسا کوئی خلا ہے
کہ جس کو
ان کہکشاؤں کی انگلیوں نے
اب تک چھوا نہیں ہے
خلا
جہاں کچھ ہوا نہیں ہے
خلا
کہ جس نے کسی سے بھی ''کن'' سنا نہیں ہے
جہاں ابھی تک خدا نہیں ہے
وہاں
کوئی وقت بھی نہ ہوگا
یہ کائنات عظیم
اک دن
چھوئے گی
اس ان چھوئے خلا کو
اور اپنے سارے وجود سے
جب پکارے گی
''کن''
تو وقت کو بھی جنم ملے گا
اگر جنم ہے تو موت بھی ہے
میں سوچتا ہوں
یہ سچ نہیں ہے
کہ وقت کی کوئی ابتدا ہے نہ انتہا ہے
یہ ڈور لمبی بہت ہے
لیکن
کہیں تو اس ڈور کا سرا ہے
ابھی یہ انساں الجھ رہا ہے
کہ وقت کے اس قفس میں
پیدا ہوا
یہیں وہ پلا بڑھا ہے
مگر اسے علم ہو گیا ہے
کہ وقت کے اس قفس سے باہر بھی اک فضا ہے
تو سوچتا ہے
وہ پوچھتا ہے
یہ وقت کیا ہے

جاوید اختر

نظم

ہم امن چاہتے ہیں مگر ظلم کے خلاف
گر جنگ لازمی ہے تو پھر جنگ ہی سہی
ظالم کو جو نہ روکے وہ شامل ہے ظلم میں
قاتل کو جو نہ ٹوکے وہ قاتل کے ساتھ ہے
ہم سر بکف اٹھے ہیں کہ حق فتح یاب ہو
کہہ دو اسے جو لشکر باطل کے ساتھ ہے
اس ڈھنگ پر ہے زور تو یہ ڈھنگ ہی سہی
ظالم کی کوئی ذات نہ مذہب نہ کوئی قوم
ظالم کے لب پہ ذکر بھی ان کا گناہ ہے
پھلتی نہیں ہے شاخ ستم اس زمین پر
تاریخ جانتی ہے زمانہ گواہ ہے
کچھ کور باطنوں کی نظر تنگ ہی سہی
یہ زر کی جنگ ہے نہ زمینوں کی جنگ ہے
یہ جنگ ہے بقا کے اصولوں کے واسطے
جو خون ہم نے نذر دیا ہے زمین کو
وہ خون ہے گلاب کے پھولوں کے واسطے
پھوٹے گی صبح امن لہو رنگ ہی سہی

ساحر لدھیانوی

نظم

اک برس اور کٹ گیا شارقؔ
روز سانسوں کی جنگ لڑتے ہوئے
سب کو اپنے خلاف کرتے ہوئے
یار کو بھولنے سے ڈرتے ہوئے
اور سب سے بڑا کمال ہے یہ
سانسیں لینے سے دل نہیں بھرتا
اب بھی مرنے کو جی نہیں کرتا

شارق کیفی

Load More

ریختہ فاؤنڈیشن کی دیگر ویب سائٹس

تلاش

URD

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

بولیے