Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "khilaa.o"

Nazm MATCHES FOR "khilaa.o"

Nazm

janam din

saal me.n ik baar aataa hai
aate hii mujh se kahtaa hai
''kaise ho
achchhe to ho
laa.o is baat pe cake khilaa.o
raat ke khaane me.n kyaa hai
aur kaho kyaa chaltaa hai''
phir idhar udhar kii baate.n kartaa rahtaa hai
phir gha.Dii dekh ke kahtaa hai
''achchhaa to mai.n jaataa huu.n
pyaare ab mai.n
ek saal ke baa'd aa.uu.ngaa
cake banaa ke rakhnaa
saath me.n machhlii bhii khaa.u.ngaa''
aur chalaa jaataa hai!
us se mil kar
tho.Dii der mazaa aataa hai!
lekin phir mai.n sochtaa huu.n
KHaas mazaa to tab aa.egaa
jab vo aa kar
mujh ko Dhuu.nDhtaa rah jaa.egaa!!

Mohammad Alvi
Nazm

eidi kaise baDhai jae

achchhaa hame.n sivayyaa.n mil-jul ke tum khilaa.o
ham ne tumhaare paise is eid se ba.Dhaa.e
bachcho tumhaarii eidii kaise ba.Dhaa.ii jaa.e

Muzaffar Hanfi
Nazm

roza rakha to jaana

darvaaza ghar kaa kha.Dkaa
baahar kha.Daa thaa la.Dkaa
kahtaa thaa mai.n huu.n bhuukaa
mujh ko khilaa.o khaanaa
hotii hai bhuuk kyaa shai
roza rakhaa to jaanaa

Ahmad Hatib Siddiqi
Nazm

holi

vafaa ke phuul khilaa.o bahaar-e-holii hai
nazar nazar se milaa.o bahaar-e-holii hai

Jauhar Rahmani
Nazm

diwali

har Gam ko bhuul jaa.o divaalii kii raat hai
aa.o diye jalaa.o divaalii kii raat hai
har diip de rahaa hai na.ii sub.h kaa payaam
ab tum bhii muskuraa.o divaalii kii raat hai
mai.n ne bhii kuchh charaaG-e-mohabbat jalaa.e hai.n
bachcho qariib aa.o divaalii kii raat hai
chhoTe ba.Do.n kaa bhed na rakkho dilo.n me.n aaj
sab ko qariib laa.o divaalii kii raat hai
ha.nstaa hai ye divaalii kaa ik ik charaaG aaj
ho.nTo.n pe gul khilaa.o miThaa.ii u.Daa.o mauj
aur phuljha.Dii chu.Daa.o divaalii kii raat hai

Jauhar Rahmani
Nazm

taron se

nanhe nanhe pyaare pyaare
cham-cham Tim-Tim nyaare nyaare
halke phulke nuur ke dhaare
niil gagan ke raaj dulaare
jagmag jagmag jagmag taare
aa jaa.o tum ghar jo hamaare
tum ho hamaare ham ho.n tumhaare
aa.o aa.o chhat par aa.o
aa na sako to haath ba.Dhaa.o
duudh maliida khaa.o khilaa.o
din me.n kahaa.n chhupte ho bataa.o
jagmag jagmag jagmag taare
aa jaa.o tum ghar jo hamaare
tum ho hamaare ham ho.n tumhaare
kone me.n vo merii chha.Dii hai
aur ye das paise kii gha.Dii hai
ge.nd hamaarii kitnii ba.Dii hai
khelne ko har chiiz pa.Dii hai
jagmag jagmag jagmag taare
aa jaa.o tum ghar jo hamaare
tum ho hamaare ham ho.n tumhaare
mai.n huu.n pa.Daa KHaak ke ghar me.n
tum ho base aakaash nagar me.n
laakh ho duurii biich Dagar me.n
kuchh bhii nahii.n vo merii nazar me.n
jagmag jagmag jagmag taare
aa jaa.o tum ghar jo hamaare
tum ho hamaare ham ho.n tumhaare
raat me.n kyo.n aate ho
din me.n kahaa.n chhup jaate ho
apne ghar kyaa kyaa khaate ho
nuur kahaa.n se paate ho
jagmag jagmag jagmag taare
aa jaa.o tum ghar jo hamaare
tum ho hamaare ham ho.n tumhaare
tum ko hogii ma.aluumaat
mujh ko bataa do itnii baat
kyaa hai din aur kyaa hai raat
jaa.Daa garmii aur barsaat
jagmag jagmag jagmag taare
aa jaa.o tum ghar jo hamaare
tum ho hamaare ham ho.n tumhaare

Nazim Mewati Sahsarami
Nazm

man ki bhul

aise me.n tum bhii aa jaa.o
dil kii bastii aa ke basaa.o
man ke baasii phuul khilaa.o
biitaa dukh kaa zamaana pyaare

Ali Jawad Zaidi
Nazm

kal hai tumhaara

phuul khilaa.o daaman ke har-suu
KHushbuu bikhero pyaar kii har-suu
nanhe-munne ma.asuum bachcho
aane vaale kal ko sa.nvaaro

Rasheed Akhtar
Nazm

peTu mal

peTuu mal
duudh malaa.ii
haa.e khilaa.o
dam.Dii paa.ii
kuchh to dilaa.o
naan-KHataa.ii
khaa.o khaa.o
Tinguu bhaa.ii
lassii laa.o
haa.e haa.e bhuuk lagii hai

Moid Rana
Nazm

meri achchhi aapa aao

merii achchhii aapaa aa.o
aa.o meraa jii bahlaa.o
gul gul baatii chune chabaatii
kah kah kar tum KHuub ha.nsaa.o
aTkan baTkan dahii chaTaaKHaa
aise aise khel khilaa.o
mere liye baazaar se apiyaa
chiinii kii gu.Diyaa ma.ngvaa.o
merii is gu.Diyaa kii KHaatir
munnaa saa gharvaa banvaa.o
mere dono.n haath paka.D kar
KHuub nachaa.o KHuub kudaa.o
mu.nh aur haath dhulaa kar meraa
saaf na.e kap.De pahnaa.o
munnii sii gaa.Dii me.n biThaa kar
mujh ko chaman kii sair karaa.o
sair se jab mai.n vaapas aa.uu.n
ek kahaanii mujh ko sunaa.o
phir achchhii sii lorii de kar
tum merii nindiyaa ko bulaa.o
yaa 'nayyar' ke giit suhaane
gaa kar meraa jii bahlaa.o

Mohammad Shafiuddin Nayyar
Nazm

jangal mein shadi

mehmaano.n kaa karo suvaagat
jam kar inhe.n khilaa.o daa'vat

Shamim Anjum Warsi
Nazm

gur ki baat

tho.Dii suukhii ghaas
khilaa.o
paanii kaa ik Dol dikhaa.o
peT bhare to
piiTh pe chaahe kitne hii DanDe barsaa.o
ye bechaara kuchh na kahegaa
nange badan par
KHaamoshii ke saath tumhaarii maar sahegaa

Badiuzzaman Khawar
Nazm

kabhi kabhi

kabhii kabhii mire dil me.n KHayaal aataa hai
ki zindagii tirii zulfo.n kii narm chhaa.nv me.n
guzarne paatii to shaadaab ho bhii saktii thii
ye tiirgii jo mirii ziist kaa muqaddar hai
tirii nazar kii shu.aa.o.n me.n kho bhii saktii thii
ajab na thaa ki mai.n begaana-e-alam ho kar
tire jamaal kii ra.anaa.iyo.n me.n kho rahtaa
tiraa gudaaz-badan terii niim-baaz aa.nkhe.n
inhii hasiin fasaano.n me.n mahv ho rahtaa
pukaartii.n mujhe jab talKHiyaa.n zamaane kii
tire labo.n se halaavat ke ghuu.nT pii letaa
hayaat chiiKHtii phirtii barahna sar aur mai.n
ghanerii zulfo.n ke saa.e me.n chhup ke jii letaa
magar ye ho na sakaa aur ab ye aalam hai
ki tuu nahii.n tiraa Gam terii justujuu bhii nahii.n
guzar rahii hai kuchh is tarah zindagii jaise
ise kisii ke sahaare kii aarzuu bhii nahii.n
zamaane bhar ke dukho.n ko lagaa chukaa huu.n gale
guzar rahaa huu.n kuchh an-jaanii rahguzaaro.n se
muhiib saa.e mirii samt ba.Dhte aate hai.n
hayaat o maut ke pur-haul KHaarzaaro.n se
na ko.ii jaada-e-manzil na raushnii kaa suraaG
bhaTak rahii hai KHalaa.o.n me.n zindagii merii
inhii KHalaa.o.n me.n rah jaa.uu.ngaa kabhii kho kar
mai.n jaantaa huu.n mirii ham-nafas magar yuu.nhii
kabhii kabhii mire dil me.n KHayaal aataa hai

Sahir Ludhianvi
Nazm

ek bar kaho tum meri ho

jab saavan baadal chhaa.e ho.n
jab phaagun phuul khilaa.e ho.n
jab chandaa ruup luTaataa ho
jab suuraj dhuup nahaataa ho
yaa shaam ne bastii gherii ho

Ibn۔e۔Insha
Nazm

nisar main teri galiyon ke

yuu.nhii hamesha ulajhtii rahii hai zulm se KHalq
na un kii rasm na.ii hai na apnii riit na.ii
yuu.nhii hamesha khilaa.e hai.n ham ne aag me.n phuul
na un kii haar na.ii hai na apnii jiit na.ii
isii sabab se falak kaa gila nahii.n karte
tire firaaq me.n ham dil buraa nahii.n karte

Faiz Ahmad Faiz
Nazm

daraKHt-e-zard

nahii.n ma.aluum 'zaryuun' ab tumhaarii umr kyaa hogii
vo kin KHvaabo.n se jaane aashnaa naa-aashnaa hogii
tumhaare dil ke is duniyaa se kaise silsile ho.nge
tumhe.n kaise gumaa.n ho.nge tumhe.n kaise gile ho.nge
tumhaarii sub.h jaane kin KHayaalo.n se nahaatii ho
tumhaarii shaam jaane kin malaalo.n se nibhaatii ho
na jaane kaun doshiiza tumhaarii zindagii hogii
na jaane us kii kyaa baayastagii shaa.istagii hogii
use tum phone karte aur KHat likhte rahe hoge
na jaane tum ne kitnii kam Galat urdu likhii hogii
ye KHat likhnaa to daqyaanuus kii pii.Dhii kaa qissa hai
ye sinf-e-nasr ham naa-baaliGo.n ke fan kaa hissa hai
vo ha.nstii ho to shaayad tum na rah paate ho haalo.n me.n
ga.Dhaa nanhaa saa pa.D jaataa ho shaayad us ke gaalo.n me.n
gumaa.n ye hai tumhaarii bhii rasaa.ii naa-rasaa.ii ho
vo aa.ii ho tumhaare paas lekin aa na paa.ii ho
vo shaayad maa.ide kii gand biryaanii na khaatii ho
vo naan-e-be-KHamiir-e-maida kam-tar hii chabaatii ho
vo doshiiza bhii shaayad daastaano.n kii ho dil-daada
use ma.aluum hogaa 'zaal' thaa 'sohraab' kaa daadaa
tahamtan ya.anii 'rustam' thaa giraamii 'saam' kaa vaaris
giraamii 'saam' thaa sulb-e-nar-e-'maanii' kaa KHush-zaada
(ye merii ek KHvaahish hai jo mushkil hai)
vo 'najm'-aafa.ndi-e-marhuum ko to jaantii hogii
vo nauho.n ke adab kaa tarz to pahchaantii hogii
use kad hogii shaayad un sabhii se jo lapaa.Dii ho.n
na ho.nge KHvaab us kaa jo gavayye aur khilaa.Dii ho.n

Jaun Eliya
Nazm

ai sharif insano

jang sarmaa.e ke tasallut se
amn jamhuur kii KHushii ke liye
jang jango.n ke falsafe ke KHilaaf
amn pur-amn zindagii ke liye

Sahir Ludhianvi
Nazm

waqt

ye kaa.enaat-e-aziim
lagtaa hai
apnii azmat se
aaj bhii mutma.in nahii.n hai
ki lamha lamha
vasii.a-tar aur vasii.a-tar hotii jaa rahii hai
ye apnii baa.nhe.n pasaartii hai
ye kahkashaa.o.n kii u.ngliyo.n se
na.e KHalaa.o.n ko chhuu rahii hai
agar ye sach hai
to har tasavvur kii had se baahar
magar kahii.n par
yaqiinan aisaa ko.ii KHalaa hai
ki jis ko
in kahkashaa.o.n kii u.ngliyo.n ne
ab tak chhu.aa nahii.n hai
KHalaa
jahaa.n kuchh hu.aa nahii.n hai
KHalaa
ki jis ne kisii se bhii ''kun'' sunaa nahii.n hai
jahaa.n abhii tak KHudaa nahii.n hai
vahaa.n
ko.ii vaqt bhii na hogaa
ye kaa.enaat-e-aziim
ik din
chhu.egii
is an-chhu.e KHalaa ko
aur apne saare vajuud se
jab pukaaregii
''kun''
to vaqt ko bhii janam milegaa
agar janam hai to maut bhii hai
mai.n sochtaa huu.n
ye sach nahii.n hai
ki vaqt kii ko.ii ibtidaa hai na intihaa hai
ye Dor lambii bahut hai
lekin
kahii.n to is Dor kaa siraa hai
abhii ye insaa.n ulajh rahaa hai
ki vaqt ke is qafas me.n
paidaa hu.aa
yahii.n vo palaa-ba.Dhaa hai
magar use ilm ho gayaa hai
ki vaqt ke is qafas se baahar bhii ik fazaa hai
to sochtaa hai
vo puuchhtaa hai
ye vaqt kyaa hai

Javed Akhtar
Nazm

magar zulm ke KHilaf

ham amn chaahte hai.n magar zulm ke KHilaaf
gar ja.ng laazmii hai to phir ja.ng hii sahii
zaalim ko jo na roke vo shaamil hai zulm me.n
qaatil ko jo na Toke vo qaatil ke saath hai
ham sar-ba-kaf uThe hai.n ki haq fata.h-yaab ho
kah do use jo lashkar-e-baatil ke saath hai
is Dha.ng par hai zor to ye Dha.ng hii sahii
zaalim kii ko.ii zaat na maz.hab na ko.ii qaum
zaalim ke lab pe zikr bhii in kaa gunaah hai
phaltii nahii.n hai shaaKH-e-sitam is zamiin par
taariiKH jaantii hai zamaana gavaah hai
kuchh kor-baatino.n kii nazar ta.ng hii sahii
ye zar kii ja.ng hai na zamiino.n kii ja.ng hai
ye ja.ng hai baqaa ke usuulo.n ke vaaste
jo KHuun ham ne nazr diyaa hai zamiin ko
vo KHuun hai gulaab ke phuulo.n ke vaaste
phuuTegii sub.h-e-amn lahuu-ra.ng hii sahii

Sahir Ludhianvi
Nazm

nazm

ik baras aur kaT gayaa 'shaariq'
roz saa.nso.n kii jang la.Dte hu.e
sab ko apne KHilaaf karte hu.e
yaar ko bhuulne se Darte hu.e
aur sab se ba.Daa kamaal hai ye
saa.nse.n lene se dil nahii.n bhartaa
ab bhii marne ko jii nahii.n kartaa

Shariq Kaifi
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now