Sher on Be-zari

tumhārī be-ruḳhī ko ḳhaak parvā

tirī mahfil meñ koī ḳhaak aa.e

tumhaari be-ruKHi ko KHak parwa

teri mahfil mein koi KHak aae

sochā nahīñ thā maiñ ne kabhī tere jaisā shaḳhs

muñh pher legā mujh ko pareshān dekh kar

socha nahin tha main ne kabhi tere jaisa shaKHs

munh pher lega mujh ko pareshan dekh kar

dekho hamāre dil meñ ujāle haiñ har taraf

ham is ke bāvajūd ujāloñ se duur haiñ

dekho hamare dil mein ujale hain har taraf

hum is ke bawajud ujalon se dur hain

haa.e tum to dil se milne vaale the

tum ne kab se haath milānā siikh liyā

hae tum to dil se milne wale the

tum ne kab se hath milana sikh liya