Sher on Homosexuality

miir kyā saade haiñ bīmār hue jis ke sabab

usī attār ke laḌke se davā lete haiñ

mir kya sade hain bimar hue jis ke sabab

usi attar ke laDke se dawa lete hain

jo lauñDā chhoḌ kar ranDī ko chāhe

vo kui āshiq nahīñ hai bul-havas hai

jo launDa chhoD kar ranDi ko chahe

wo kui aashiq nahin hai bul-hawas hai

husn thā terā bahut ālam-fareb

ḳhat ke aane par bhī ik aalam rahā

husn tha tera bahut aalam-fareb

KHat ke aane par bhi ek aalam raha

kyā us ātish-bāz ke lauñDe kā itnā shauq miir

bah chalī hai dekh kar us ko tumhārī raal kuchh

kya us aatish-baz ke launDe ka itna shauq mir

bah chali hai dekh kar us ko tumhaari ral kuchh

kaifiyyateñ attār ke lauñDe meñ bahut thiiñ

is nusḳhe kī koī na rahī haif davā yaad

kaifiyyaten attar ke launDe mein bahut thin

is nusKHe ki koi na rahi haif dawa yaad

bāham huā kareñ haiñ din raat nīche uupar

ye narm-shāne lauñDe haiñ maḳhmal-e-do-ḳhvābā

baham hua karen hain din raat niche upar

ye narm-shane launDe hain maKHmal-e-do-KHwaba

gar Thahre malak aage unhoñ ke to ajab hai

phirte haiñ paḌe dillī ke lauñDe jo parī se

gar Thahre malak aage unhon ke to ajab hai

phirte hain paDe dilli ke launDe jo pari se

dhaulā chuke the mil kar kal lauñDe mai-kade ke

par sargirāñ ho vaa.iz jaatā rahā saTak kar

dhaula chuke the mil kar kal launDe mai-kade ke

par sargiran ho waiz jata raha saTak kar

amrad-parast hai to gulistāñ kī sair kar

har naunihāl rashk hai yaañ ḳhurd-sāl kā

amrad-parast hai to gulistan ki sair kar

har naunihaal rashk hai yan KHurd-sal ka

miir us qaazī ke lauñDe ke liye āḳhir muā

sab ko qaziya us ke jiine kā thā baare chuk gayā

mir us qazi ke launDe ke liye aaKHir mua

sab ko qaziya us ke jine ka tha bare chuk gaya

yaañ talak ḳhush huuñ amārid se ki ai rabb-e-karīm

kaash de huur ke badle bhī tū ġhilmāñ mujh ko

yan talak KHush hun amarid se ki ai rabb-e-karim

kash de hur ke badle bhi tu ghilman mujh ko

liyā maiñ bosa ba-zor us sipāhī-zāde kā

azīzo ab bhī mirī kuchh dilāvarī dekhī

liya main bosa ba-zor us sipahi-zade ka

azizo ab bhi meri kuchh dilawari dekhi

haath chaḌh jā.iyo ai shaiḳh kisū ke na kabhū

lauñDe sab tere ḳharīdār haiñ maiḳhāne ke

hath chaDh jaiyo ai shaiKH kisu ke na kabhu

launDe sab tere KHaridar hain maiKHane ke