Ijazat Shayari

Granting or receiving permission to do a thing imparts a pleasant feeling to us as human beings. This is all the more significant in the case of lovers who seek or grant permission for things pleasant. This act of human favour finds expression in Urdu poetry in most creative ways. Here are some examples for you to read and enjoy.

tumhārā hijr manā luuñ agar ijāzat ho

maiñ dil kisī se lagā luuñ agar ijāzat ho

tumhaara hijr mana lun agar ijazat ho

main dil kisi se laga lun agar ijazat ho

Jaun Eliya

tumhārī yaad meñ jiine aarzū hai abhī

kuchh apnā haal sambhālūñ agar ijāzat ho

tumhaari yaad mein jine ki aarzu hai abhi

kuchh apna haal sambhaalun agar ijazat ho

Jaun Eliya

maiñ chāhtā huuñ ki tum mujhe ijāzat do

tumhārī tarah se koī gale lagā.e mujhe

main chahta hun ki tum hi mujhe ijazat do

tumhaari tarah se koi gale lagae mujhe

Bashir Badr

ijāzat ho to maiñ tasdīq kar luuñ terī zulfoñ se

sunā hai zindagī ik ḳhūb-sūrat daam hai saaqī

ijazat ho to main tasdiq kar lun teri zulfon se

suna hai zindagi ek KHub-surat dam hai saqi

Abdul Hamid Adam

saare jazboñ ke bāñdh TuuT ga.e

us ne bas ye kahā ijāzat hai

sare jazbon ke bandh TuT gae

us ne bas ye kaha ijazat hai

Khwaja Sajid

sham-e-ḳhema koī zanjīr nahīñ ham-safarāñ

jis ko jaanā hai chalā jaa.e ijāzat kaisī

sham-e-KHema koi zanjir nahin ham-safaran

jis ko jaana hai chala jae ijazat kaisi

Irfan Siddiqi

baat karne shab-e-vasl ijāzat de do

mujh ko dam bhar ke liye ġhair qismat de do

baat karne ki shab-e-wasl ijazat de do

mujh ko dam bhar ke liye ghair ki qismat de do

Bekhud Dehlvi

Added to your favorites

Removed from your favorites