لفظی الٹ پھیر پر اشعار

اگر وہ پوچھ لیں ہم سے تمہیں کس بات کا غم ہے

تو پھر کس بات کا غم ہے اگر وہ پوچھ لیں ہم سے

نامعلوم

آشنا بے وفا نہیں ہوتا

بے وفا آشنا نہیں ہوتا

میر حسن

دل صاف ہو کس طرح کہ انصاف نہیں ہے

انصاف ہو کس طرح کہ دل صاف نہیں ہے

مرزا سلامت علی دبیر

بات بھی کیجیے دیکھ بھی لیجیے

دیکھ بھی لیجیے بات بھی کیجیے

علی زریون

اب نہیں ملیں گے ہم کوچۂ تمنا میں

کوچۂ تمنا میں اب نہیں ملیں گے ہم

جون ایلیا

محبت میں شکایت کر رہا ہوں

شکایت میں محبت کر رہا ہوں

تری پراری

زندگی ہم سے چاہتی کیا ہے

چاہتی کیا ہے زندگی ہم سے

اجمل سراج

خواب کا کیا ہے رات کے نقش و نگار بناؤ

رات کے نقش و نگار بناؤ خواب کا کیا ہے

دانیال طریر

اچھا اچھا ہو جائے گا سب کچھ اچھا

اچھا اچھا سب کچھ اچھا ہو جائے گا

عمران شمشاد نرمی

کیا ہوئے صورت نگاراں خواب کے

خواب کے صورت نگاراں کیا ہوئے

جون ایلیا

کر برا تو بھلا نہیں ہوتا

کر بھلا تو برا نہیں ہوتا

ابن مفتی

رہ گیا دل میں اک درد سا

دل میں اک درد سا رہ گیا

اجمل سراج

محبت تو مت کر دل اس بے وفا سے

دل اس بے وفا سے محبت تو مت کر

تاباں عبد الحی

نوح بیٹھے ہیں چارپائی پر

چارپائی پہ نوح بیٹھے ہیں

نوح ناروی

ایک بار پھر سلام دور جانے والوں کو

دور جانے والوں کو ایک بار پھر سلام

عمران شمشاد نرمی

کون آتا ہے اس خرابے میں

اس خرابے میں کون آتا ہے

اجمل سراج

ٹھہر گیا ہے دل کا جانا

دل کا جانا ٹھہر گیا ہے

اجمل سراج

لوٹنا چاہیے زندگی کی طرف

زندگی کی طرف لوٹنا چاہیے

عمران شمشاد نرمی

ہم بہکتے ہوئے آتے ہیں ترے دروازے

تیرے دروازے بہکتے ہوئے آتے ہیں ہم

احمد عطا

تقدیر بدل دو مری حر جیسا بنا دو

حر جیسا بنا دو مری تقدیر بدل دو

زوار قمری

جو کہا وہ نہیں کیا اس نے

وہ کیا جو نہیں کہا اس نے

فہمی بدایونی

بڑا آزار جاں ہے وہ اگرچہ مہرباں ہے وہ

اگرچہ مہرباں ہے وہ بڑا آزار جاں ہے وہ

انیس انصاری

بھروا دینا مرے کاسے کو

مرے کاسے کو بھروا دینا

حماد نیازی
بولیے