aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

Sher on Shaheed

The idea of martyrdom

is associated with religious faith. As such, a martyr is one who sacrifices his life for common good and becomes an exemplary character for the following generations. In Urdu poetry, a martyr is also one who suffers in love and sacrifices himself for the beloved. You may appreciate here certain interesting shades of meaning that martyr and martyrdom put forward.

lahū vatan ke shahīdoñ rañg laayā hai

uchhal rahā hai zamāne meñ nām-e-āzādī

lahu watan ke shahidon ka rang laya hai

uchhal raha hai zamane mein nam-e-azadi

Firaq Gorakhpuri

ḳhuuñ shahīdān-e-vatan rañg kar rahā

aaj ye jannat-nishāñ hindostāñ āzād hai

KHun shahidan-e-watan ka rang la kar hi raha

aaj ye jannat-nishan hindostan aazad hai

Ameen Salaunvi

na hogā rā.egāñ ḳhūn-e-shahīdān-e-vatan hargiz

yahī surḳhī banegī ek din unvān-e-āzādī

na hoga raegan KHun-e-shahidan-e-watan hargiz

yahi surKHi banegi ek din unwan-e-azadi

Nazish Partap Gadhi

na intizār karo in ai azā-dāro

shahīd jaate haiñ jannat ko ghar nahīñ aate

na intizar karo in ka ai aza-daro

shahid jate hain jannat ko ghar nahin aate

Sabir Zafar

kin shahīdoñ ke lahū ke ye farozāñ haiñ charāġh

raushnī jo hai zindāñ ke har ik rauzan meñ

kin shahidon ke lahu ke ye farozan hain charagh

raushni si jo hai zindan ke har ek rauzan mein

Gulnar Aafreen

hai lahū shahīdoñ naqsh-e-jāvedāñ yaaro

maqtaloñ meñ hotī hai aaj bhī azaañ yaaro

hai lahu shahidon ka naqsh-e-jawedan yaro

maqtalon mein hoti hai aaj bhi azan yaro

Dilkash Sagari

ham ho ga.e shahīd ye e.azāz to milā

ahl-e-junūñ ko nukta-e-āġhāz to milā

hum ho gae shahid ye eazaz to mila

ahl-e-junun ko nukta-e-aghaz to mila

Khalid Yusuf

vallāh in shahīdoñ me.aar dekh kar

hai marg-e-shauq aur sivā daar dekh kar

wallah in shahidon ka mear dekh kar

hai marg-e-shauq aur siwa dar dekh kar

Hassaan Arfi

maujib-e-rañg-e-chaman ḳhūn-e-shahīdāñ niklā

maut jeb se bhī ziist sāmāñ niklā

maujib-e-rang-e-chaman KHun-e-shahidan nikla

maut ki jeb se bhi zist ka saman nikla

Basir Sultan Kazmi

shahīdoñ tire shohra zamīñ se āsmāñ tak hai

falak se balki aage baḌh ke tere āstāñ tak hai

shahidon ka tere shohra zamin se aasman tak hai

falak se balki aage baDh ke tere aastan tak hai

Urooj Qadri

zarā vo ḳhaak meñ milne na de ḳhūn-e-shahīdāñ ko

ḳhudā taufīq de itnī zamīn-e-kū-e-jānāñ ko

zara wo KHak mein milne na de KHun-e-shahidan ko

KHuda taufiq de itni zamin-e-ku-e-jaanan ko

Safdar Mirzapuri

Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

GET YOUR PASS
Speak Now