Sher on Thanksgiving

Thiik hai ḳhud ko ham badalte haiñ

shukriya mashvarat kā chalte haiñ

Thik hai KHud ko hum badalte hain

shukriya mashwarat ka chalte hain

shukriya terā tire aane se raunaq to baḌhī

varna ye mahfil-e-jazbāt adhūrī rahtī

shukriya tera tere aane se raunaq to baDhi

warna ye mahfil-e-jazbaat adhuri rahti

kal jo thā vo aaj nahīñ jo aaj hai kal miT jā.egā

rūkhī-sūkhī jo mil jaa.e shukr karo to behtar hai

kal jo tha wo aaj nahin jo aaj hai kal miT jaega

rukhi-sukhi jo mil jae shukr karo to behtar hai

ḳhudā kā shukr ki aahaT se ḳhvāb TuuT gayā

maiñ apne ishq meñ nākām hone vaalā thā

KHuda ka shukr ki aahaT se KHwab TuT gaya

main apne ishq mein nakaam hone wala tha