Best Dialogue shayari

aañkh se duur na ho dil se utar jā.egā

vaqt kā kyā hai guzartā hai guzar jā.egā

aankh se dur na ho dil se utar jaega

waqt ka kya hai guzarta hai guzar jaega

aañkh meñ paanī rakho hoñToñ pe chiñgārī rakho

zinda rahnā hai to tarkībeñ bahut saarī rakho

aankh mein pani rakho honTon pe chingari rakho

zinda rahna hai to tarkiben bahut sari rakho

zulfeñ siina naaf kamar

ek nadī meñ kitne bhañvar

zulfen sina naf kamar

ek nadi mein kitne bhanwar

ye khulā jism khule baal ye halke malbūs

tum na.ī sub.h kā āġhāz karoge shāyad

ye khula jism khule baal ye halke malbus

tum nai subh ka aaghaz karoge shayad

baal apne us parī-rū ne sañvāre raat bhar

saañp loTe saikḌoñ dil par hamāre raat bhar

baal apne us pari-ru ne sanware raat bhar

sanp loTe saikDon dil par hamare raat bhar

aayā hai ik rāh-numā ke istiqbāl ko ik bachcha

peT hai ḳhālī aañkh meñ hasrat hāthoñ meñ gul-dasta hai

aaya hai ek rah-numa ke istiqbaal ko ek bachcha

peT hai KHali aankh mein hasrat hathon mein gul-dasta hai

bāl-o-par bhī ga.e bahār ke saath

ab tavaqqo.a nahīñ rihā.ī kī

baal-o-par bhi gae bahaar ke sath

ab tawaqqoa nahin rihai ki

aa.ina aa.ina tairtā koī aks

aur har ḳhvāb meñ dūsrā ḳhvāb hai

aaina aaina tairta koi aks

aur har KHwab mein dusra KHwab hai

na hoñ paise to istiqbāliyoñ se kuchh nahīñ hogā

kisī shā.er ko ḳhālī tāliyoñ se kuchh nahīñ hogā

na hon paise to istiqbaaliyon se kuchh nahin hoga

kisi shaer ko KHali taliyon se kuchh nahin hoga

jamunā meñ kal nahā kar jab us ne baal bāñdhe

ham ne bhī apne dil meñ kyā kyā ḳhayāl bāñdhe

jamuna mein kal naha kar jab us ne baal bandhe

hum ne bhi apne dil mein kya kya KHayal bandhe

ham na kahte the shā.irī hai vabāl

aaj lo ghir ga.e hasīnoñ meñ

hum na kahte the shairi hai wabaal

aaj lo ghir gae hasinon mein

ā.īna le ke dekh zarā apne husn ko

aa.egī ye bahār-e-gulistāñ ḳhizāñ meñ yaad

aaina le ke dekh zara apne husn ko

aaegi ye bahaar-e-gulistan KHizan mein yaad

baal khole nahīñ phirtā hai agar vo saffāk

phir kaho kyuuñ mujhe āshufta-sarī rahtī hai

baal khole nahin phirta hai agar wo saffak

phir kaho kyun mujhe aashufta-sari rahti hai

zulf kā haal tak kabhī na sunā

kyuuñ pareshāñ mirā dimāġh huā

zulf ka haal tak kabhi na suna

kyun pareshan mera dimagh hua