دکھ شاعری

غیروں کو کب فرصت ہے دکھ دینے کی

جب ہوتا ہے کوئی ہمدم ہوتا ہے

دل کا دکھ جانا تو دل کا مسئلہ ہے پر ہمیں

اس کا ہنس دینا ہمارے حال پر اچھا لگا

درد ہو دکھ ہو تو دوا کیجے

پھٹ پڑے آسماں تو کیا کیجے

دکھ کے جنگل میں پھرتے ہیں کب سے مارے مارے لوگ

جو ہوتا ہے سہہ لیتے ہیں کیسے ہیں بے چارے لوگ

دکھ پہ میرے رو رہا تھا جو بہت

جاتے جاتے کہہ گیا اچھا ہوا

دیکھ کے جس کو دل دکھتا تھا

وہ تصویر جلا دی ہم نے

میں شاید تیرے دکھ میں مر گیا ہوں

کہ اب سینے میں کچھ دکھتا نہیں ہے

جانے کس بات سے دکھا ہے بہت

دل کئی روز سے خفا ہے بہت

اب دل بھی دکھاؤ تو اذیت نہیں ہوتی

حیرت ہے کسی بات پہ حیرت نہیں ہوتی

دکھ کے طاق پہ شام ڈھلے

کس نے دیا جلایا تھا