Dukh Shayari
ġhairoñ ko kab fursat hai dukh dene kī
jab hotā hai koī hamdam hotā hai
ghairon ko kab fursat hai dukh dene ki
jab hota hai koi hamdam hota hai
dil kā dukh jaanā to dil kā mas.ala hai par hameñ
us kā hañs denā hamāre haal par achchhā lagā
dil ka dukh jaana to dil ka masala hai par hamein
us ka hans dena hamare haal par achchha laga
dard ho dukh ho to davā kiije
phaT paḌe āsmāñ to kyā kiije
dard ho dukh ho to dawa kije
phaT paDe aasman to kya kije
dukh ke jañgal meñ phirte haiñ kab se maare maare log
jo hotā hai sah lete haiñ kaise haiñ bechāre log
dukh ke jangal mein phirte hain kab se mare mare log
jo hota hai sah lete hain kaise hain bechaare log
dukh pe mere ro rahā thā jo bahut
jaate jaate kah gayā achchhā huā
dukh pe mere ro raha tha jo bahut
jate jate kah gaya achchha hua
dekh ke jis ko dil dukhtā thā
vo tasvīr jalā dī ham ne
dekh ke jis ko dil dukhta tha
wo taswir jala di hum ne
maiñ shāyad tere dukh meñ mar gayā huuñ
ki ab siine meñ kuchh dukhtā nahīñ hai
main shayad tere dukh mein mar gaya hun
ki ab sine mein kuchh dukhta nahin hai
jaane kis baat se dukhā hai bahut
dil ka.ī roz se ḳhafā hai bahut
jaane kis baat se dukha hai bahut
dil kai roz se KHafa hai bahut
ab dil bhī dukhāo to aziyyat nahīñ hotī
hairat hai kisī baat pe hairat nahīñ hotī
ab dil bhi dukhao to aziyyat nahin hoti
hairat hai kisi baat pe hairat nahin hoti
dukh ke taaq pe shaam Dhale
kis ne diyā jalāyā thā
dukh ke taq pe sham Dhale
kis ne diya jalaya tha
