Ik mauj bahar-haal baha le gayi hum ko:Irfan Siddiqi

raat ko jiit to paatā nahīñ lekin ye charāġh

kam se kam raat kā nuqsān bahut kartā hai

raat ko jit to pata nahin lekin ye charagh

kam se kam raat ka nuqsan bahut karta hai

hoshiyārī dil-e-nādān bahut kartā hai

rañj kam sahtā hai elaan bahut kartā hai

hoshiyari dil-e-nadan bahut karta hai

ranj kam sahta hai elan bahut karta hai

tum parindoñ se ziyāda to nahīñ ho āzād

shaam hone ko hai ab ghar kī taraf lauT chalo

tum parindon se ziyaada to nahin ho aazad

sham hone ko hai ab ghar ki taraf lauT chalo

sar agar sar hai to nezoñ se shikāyat kaisī

dil agar dil hai to dariyā se baḌā honā hai

sar agar sar hai to nezon se shikayat kaisi

dil agar dil hai to dariya se baDa hona hai

tum suno yā na suno haath baḌhāo na baḌhāo

Dūbte Dūbte ik baar pukāreñge tumheñ

tum suno ya na suno hath baDhao na baDhao

Dubte Dubte ek bar pukarenge tumhein

sarhadeñ achchhī ki sarhad pe na ruknā achchhā

sochiye aadmī achchhā ki parinda achchhā

sarhaden achchhi ki sarhad pe na rukna achchha

sochiye aadmi achchha ki parinda achchha

ret par thak ke girā huuñ to havā pūchhtī hai

aap is dasht meñ kyuuñ aa.e the vahshat ke baġhair

ret par thak ke gira hun to hawa puchhti hai

aap is dasht mein kyun aae the wahshat ke baghair

mere hone meñ kisī taur se shāmil ho jaao

tum masīhā nahīñ hote ho to qātil ho jaao

mere hone mein kisi taur se shamil ho jao

tum masiha nahin hote ho to qatil ho jao

ham sab ā.īna-dar-ā.īna-dar-ā.īna haiñ

kyā ḳhabar kaun kahāñ kis kī taraf dekhtā hai

hum sab aaina-dar-aina-dar-aina hain

kya KHabar kaun kahan kis ki taraf dekhta hai

us kī āñkheñ haiñ ki ik Dūbne vaalā insāñ

dūsre Dūbne vaale ko pukāre jaise

us ki aankhen hain ki ek Dubne wala insan

dusre Dubne wale ko pukare jaise

kahā thā tum ne ki laatā hai kaun ishq kī taab

so ham javāb tumhāre savāl hī ke to haiñ

kaha tha tum ne ki lata hai kaun ishq ki tab

so hum jawab tumhaare sawal hi ke to hain

aaj tak un kī ḳhudā.ī se hai inkār mujhe

maiñ to ik umr se kāfir huuñ sanam jānte haiñ

aaj tak un ki KHudai se hai inkar mujhe

main to ek umr se kafir hun sanam jaante hain

uḌe to phir na mileñge rafāqatoñ ke parind

shikāyatoñ se bharī Tahniyāñ na chhū lenā

uDe to phir na milenge rafaqaton ke parind

shikayaton se bhari Tahniyan na chhu lena

us se bichhḌe to tumheñ koī na pahchānegā

tum to parchhā.īñ ho paikar kī taraf lauT chalo

us se bichhDe to tumhein koi na pahchanega

tum to parchhain ho paikar ki taraf lauT chalo

āḳhir-e-shab huī āġhāz kahānī apnī

ham ne paayā bhī to ik umr gañvā kar us ko

aaKHir-e-shab hui aaghaz kahani apni

hum ne paya bhi to ek umr ganwa kar us ko

ham bhī patthar tum bhī patthar sab patthar Takrāo

ham bhī TūTeñ tum bhī TuuTo sab TūTeñ āmīn

hum bhi patthar tum bhi patthar sab patthar Takrao

hum bhi TuTen tum bhi TuTo sab TuTen aamin

ye ham ne bhī sunā hai ālam-e-asbāb hai duniyā

yahāñ phir bhī bahut kuchh be-sabab hotā hī rahtā hai

ye hum ne bhi suna hai aalam-e-asbab hai duniya

yahan phir bhi bahut kuchh be-sabab hota hi rahta hai

vo mujh meñ bolne vaalā to chup hai barsoñ se

ye kaun hai jo tire rū-ba-rū pukārtā hai

wo mujh mein bolne wala to chup hai barson se

ye kaun hai jo tere ru-ba-ru pukarta hai

maiñ ḳhvāb dekh rahā huuñ ki vo pukārtā hai

aur apne jism se bāhar nikal rahā huuñ maiñ

main KHwab dekh raha hun ki wo pukarta hai

aur apne jism se bahar nikal raha hun main

kyā jazb-e-ishq mujh se ziyāda thā ġhair meñ

us kā habīb us se judā kyuuñ nahīñ huā

kya jazb-e-ishq mujh se ziyaada tha ghair mein

us ka habib us se juda kyun nahin hua